Idaacada ku hadasha Codka Mareykanka ee VOA qeybteeda afka ingiriiska ayaa qortay warbixin dheer oo ay kaga faalooneyso mid ka mid ah dhalinyaradii is qarxisay ka dib markii ay xasuuqeen dad ku sugna Hotel Muna mas'uuliyiin dowladeed haba u badnaadeene.
Horudhaca warbixinta VOA:da waxay u qorneyn sidatan:
Mid ka mid ah isqarxiyayaashii ka qeybqaatay weerarkii dhiiga badan daadiyay ee Talaadadii la soo dhaafay lagu qaaday hotel Muqdisho ku yaal oo ay deganaayeen Sharci-dejiyayaal ayaa loo aqoonsaday in uu ahaa nin dhalinyaro ah oo uu soo karuud (tababaray) bixiyay sarkaal sare oo ka tirsan Alshabaab kaaso oo sida la rumeysan Xagjirayaasha ka raarida mabaadiida' fogaatay ee Alqaacidada.
Ilo wareedyo ay soo xigtaya VOA:du ayaa xaqiijiyay islamarkaana aqoonsaday in wiil 16 jir ah oo lagu magacaabo Aadan Xuseen uu ka mid ahaa labadii dhalinyaro ee geystay weerarkii ismiidaamineed ee ka dhanka ah dowladda Soomaaliya.
Aadan Xuseen waa kan sawirkiisu dhanka bidix ka muuqdee waxaa uu sidoo kale ahaa baa la leeyahay ilaaliyaha gaarka ah ee Abuu Mansuur (Muqtaar Rooboow) ka hor inta uusan Abuu Mansuur wiilkan da'da yar ku qalqaalin isqarxintan.
Waxaa intaas sii dheer baa leeyahay in Aadan Xuseen uu ku heyb yahay Abuu Mansuur waxayna labadooduba deegaan ahaan ka soo jeedaan magaalada ku taal Koofur Galbeed ee Baydhabo, gobolka Bay, gobolkaas oo gacanta Alshabaab gaar ahaan Abuu Mansuur si buuxda ugu jira.
Dadka aqoonsaday Wiilkan da'da yar ee isku qarxiyay Hotel Muna islamarkaana galaaftay nolosha dad ka badan Sodon qofood ayaa sheegay in ay aqoon fiican u leeyihiin islamar ahaantaana aqoonsadeen ka dib marka ay arkeen sawirada wiilkan da'da yar ee sida dad badani qabaan maskaxda ay ka dhaqeen kooxahan ku shaqeeya siyaasada aad uga fog Dhaqanka Soomaalida iyo weliba Shareecada waa sida culimada diintu intooda badan ku doodaane.
Isku soo wada duuboo waxaa halkan ka cadaatay baa la leeyahay in dadka ismiidaaminta ay u adeegsadaan kooxahan wax qarxiyaa ay yihiin carruur aan caqligoodu ku filneyn cilmi adduun iyo mid Aakhirana aan toonaba daalacan waaya aragnimana haba soo hadal qaadin.
Warbixinta VOA:da oo sideeda ah linkiga hoose ka aqriso!