Wararka dheeraadka ah ee kasoo baxday weerar iyo ismiidaamin lagu qaaday garoonka diyaaradaha caalamiga ah ee Magaalada Muqdisho ayaa sheegaya inuu sababay dhimasho iyo dhaawac soo gaaray dad isugu jiray rayid iyo boolis iyo Ugandes.
Inta la arkay 18 ruux ayaa ku dhimatay qaar kalana dhaawacyo ayaa kasoo gaaray marki uu gaari ay la socdeen koox dabley ah uu gudaha u galay garoonka diyaaradaha Adan Cade kaasoo marki danbana markii ka degeena qarxay.
wararka ayaa intaasi ku darays in gaariga qarxay uu soo dhaafay irida hor ee laga soo galo garoonka isla markaana uu ku qarxay albaabka labaad oo ay joogaan ciidamada AMISOM.
Gob joogayaal ayaa inoo sheegay in marki gaariga uu qarxay ay rasaas bilaaben rag dabley ah oo ku labisnaa dharka ciidamada kuwaas oo ka dagay gaariga is qarxiyey ka hor inta uusan qaraxu dhacin kuwaasi oo rasaas ku furay ciidamada AMISOM iyo dad wixi ay ku arkeen garoonka dhexdiisa.
Ciidamada AMISOM oo qaraxu si kedis ah kusoo galay ayaa waxaa la sheegay in ay u carareen dhinaca gudaha iyadoo warar soo baxayana ay sheegayaan in dadka dhintay ay ku jiraan ciidamo Ugandes ah oo gaaraya lix iyo kuwo ka tirsan ilaalada garoonka, waxaa kale oo ka mid ah dad safar ahaa iyo qaar kale oo ka tirsan shaqaalaha shirkadaha duulimaadka.
Dhaawacyada ayaa waxaa loo qaaday cisbitaalka Madina, waxaana wali la maqlayaa rasaas iyadoo laga cabsi qabo in kooxdi weerarka soo qaaday ay qaarkood wali ku jiraan gudaha garoonka.
Lama oga kooxdi maleeshiyada aheyd ee weerarka soo qaaday in la dilay ama baxsadeen iyadoo arintu tahay mid jahawareer ah oo aan dadka la kala aqoon,.
wararka kale ayaa sheegaya in ciidamda Ugandes xabado u fureen dhan kasta iyagoo dilay dad badan oo ka tirsan ciidamada Dowladda maadaama dadka weerarka soo qaaday ey labisnaayeen dareyska ciidamada taas oo dhalisay khasaaraha soo gaaray dadka qaar
Ma jirto wali cid sheegatay weerarka, laakin waxaa loo maleynayaa in ay ka danbeyso Al Shabaab oo lagu yaqaano weerarada noocan oo kale ee horay uga dhacay Magaalada Muqdisho.
Nabadoon Xaad, Gudoomiyaha Golaha Dhaqanka iyo Midnimada Hawiye ayaa maanta munaasabada ciidul fidriga aawadeen baaq u jeediyay kuwa dagaalka ka wada dalka Soomaaliya iyo Beesha Caalamka intaba.
