Ha ka yarayn Madaxwayne hankii Isbaddalka
Maxamed Cllaahi Maxamudildab20@gmail.comJanaayo 23 2014Waxaa Puntland 8 Janawari, 2104 nasiib u yeeshay in uu madaxwayne ka noqdo mudane Clwali Maxamed Cali Gaas oo ka mid ahaa musharixiintii Puntland ee u tartamayay madaxwaynanimada Puntland 2014-2018.
Maalmo ka bacdi waxaa fuulay madaxwaynaha cusub ee Puntland mas’uuliyad aad u ballaaran taas oo cirka iyo dhulkuba ay diideen. Waxay dadku ku qiimayn doonaan Madaxwaynaha cusub hadba tallaabooyinka uu qaado oo ay ugu horeeyaan soo magacaabista golaha wasiirada ee dowladdiisa, sii wadida amniga guud iyo midka gaar ahaaneed ee Puntland horay uga jiray, dib u soo noolaynta dhaqaalaha, horumarinta kaabadaha asaasiga ah sida waddooyinka, isbitaalada, iskuulada, ayriboorada iyo waliba la dagaalanka musuqmaasuqa ragaadshay hay’adaha dowladda Puntland mudadii ay jidhay, iyadoo abidkeed aan nin mas’uul ah marna lagu soo eedayn ku tagrifalid xoolo ummadeed.
Arimahaas aan kor ku soo xusay sida ay ku hirgali karaan maaha in madaxwaynuhu uu soo saaro waraaqo wareegtooyin ah oo uu awaamir wax lagaga qabanayo uu soo qoro si markaas loo joojiyo, ee waxay u baahan yihiin in madaxwaynuhu la yimaado dad ehel u noqon kara la tacaalidda arimaha wax ka qabashada u abaahan , dadkaasna waxay ka bilowmi doonaan goloha wasiirada ee haatan looga fadhiyo madaxwaynaha.
Amniga
Runtii Puntland waxay Alla mahadiis ku jirtay amni guud oo ay dadkeedu ku baraaraysnaayeen sanooyinkii ay jirtay haba ugu bilnaadeen dhowrkii sano ee ugu danbeeyay marka la bar-bardhigo inta kale waddanka . Waxaa laga rabaa maamulka Dr. Abdiwali in uu meeshiisii kasii anbaqaado kuna daro inta ka dhiman ee kaabayaasha u ah amniga guud iyo midka gaar ahaaneed oo ay kow ka yihiin booliis hufan, maxkamado ka hufan musuq iyo eex, ilaalinta diinta iyo dhaqanka iyo isfahamsiinta dadka iyo laamaha amniga si loo xaqiijiyo wada shaqayn dhammaystiran.
Waxbarashada
Ummadi marka Alla doono horukac iyo isbaddel waxa dadkeedu u jihaystaan dhanka tacliinta iyo horumarka. Alla subaxaanahu watacaalaa waxa uu ku yiri quraankiisa “ waxaad ku tiraahdaa ma siman yihiin kuwa wax yaqaan iyo kuwa aan wax aqoon” Sumar Aayadda 9. Aayaddaasi waxay si macno wayn ah u qeexaysaa farqiga u dhaxeeya qof wax yaqaan iyo mid aan wax aqoon, iyadoo caqlilowgu uu yahay kan naftiisa xisaabsha. Aayaddaasi waxay ku soo noq-noqotaa maskaxdayda marka tacliin laga hadlaayo waayo waxaa aad noogu daliil san jiray xilliga subaxdii ee safka maamulahaygii ayaamihii dugsigii sare.
Waxbarashada Puntland hadda ka hor waxaan ka maqlay wasiiraddii hore ee arimaha bulshada Mrs. Maryan Qaasim, ammaan qayb ahaaneed oo ay usoo jeedisay waxabarasha Puntland, malaha waxay ula jeeday ayaan filiyaa sida loo qaado imtixaamaadka guud ee sida fiican u abaabulnaa ee ma jirin waxbarasho bilaash ah iyo iskuulo shacabku leeyihiin oo dowladdu maalgaliso oo wasaaraddu hirgalisay, balse waxaan dhihi karaa waxaa arday badan laga dhabqiyay hannaankii iyo manhajkii tacliimeed ee ay wax ku baran jireen, khaas ahaan ardadii dugsiyada carabiga wax ku baranjiray, taas micnaheedu maaha in aan dhiirigalinayo in manaahijta ajaanibta ah wax lagu barto A-Z, balse haddii talada wax la iga siin lahaa waxaan soo rogi lahaa in dhammaan dugsiyada hoose kuwa ahliga ah iyo kuwa aan ahaynba in ardada wax lagu baro manaahijta Afka Soomaaliga ku qoran ee diyaarka ah si loo ilaasho luuqadda Soomaaliga iyo dhaqanka diinta ku salaysan ee dadka Soomaaliyeed; “ fiiri, oo soo eeg qaar ka mid ah maaddooyinka sayniska ee afka Ingiriiska ku qoran ee laga soo amaahday waddanka aan dariska nahay Kenya- waxaad arkin arday lixaad ah oo da’adoodu 10 sano dhaafin oo xubnihii taranka loogu sharxayo buggaas oo waliba cutubka ugu horeeya la soo dhigay macal sawirkoodii, halka manhajkii dowladdii Soomaaliyeed lagu qaadan jiray fasalka 11 aad ee cutubka 3 ee maadada bay’olojiga” yaa arimaas bulshada ugu mas’uul ah?
Waxaan dareemayaa muhimadda waxbarashadu u leedahay horumarka bulshada iyo xasiloonidooda, haddana waxaan wax badan ka rajo qabaa madaxwaynaha cusub ee carabkiisu ku soo noq-noqday “ isbadel Puntland” in uu la yimaado isbadel dhab ah oo lagu hiigsado dugsiyo ardadu bilaash wax ku bartaan, ugu yaraan 4-ta fasal ee asaasiga ah iyo hoggaan danaynaynaya dhaqanka iyo diinta umadda. Uma baahna dowladdu hadda dugsiyo dhagax ah oo ay taagto, balse waxaa ku filan inta bilowga ah in ay soo ceshato dugsiyadeedii, ayna ka hirgaliso waxbarasho dolwaddu ay macalimiinta iyadu maalgashato, “free primary education”.
Caafimaadka
Caafimaadku waa shay asaasi ah, waxaana dowladda looga baahayahay in ay dhiirigaliso xarumo caafimaad oo dadwaynuhu u kala sokoyn. Runtii isbitaalada waawayn ee magaalooyinka ugu muhiimsan Puntland inta badan waa ay shaqeeyaan, walowba ay ku yar yihiin kawaadirta caafimaad iyo adeegyada bilaashka ah ee dadku u baahanyihiin .
Isbitaalku waxa uu noqon karaa mid bulsho marka adeegiisu uu yahay mid bilaash ah, taasna waxaa suura galin kara dowladda oo daboosha baahiyiisa. Ma ogi inta ay leegtahay miisaaniyadda dowladda Puntanld ee caafimaadka loo qoondeeyo, balse waxa uu kaalinta labaad kaga jiraa baahiyaha asaasiga ah ee bulshada .
Mudadii bur burka ahayd magaalooyinka waawayn ee Puntland waxaa la heli jiray dhakhtaro mar mar si bilaash ah bukaanka u caawiya isbitaalada guud, malaha waxaa ku sii danbeeyay dareenkii qaranimo ee farayay dadka wax ku barta dhaqaalaha umadda in ay dib ugu soo ceshaan bulshada sida macalimiinta iyo dhakhaatiirta, halka maantay mid kastaa uu iskiis u xamaasho.
Waxyaalaha kaliya ee ay wasaaraddu inta badan ku faanto waxaa ka mid ah maalganida doco docaysan ee ay ka helaan hay’adaha UN-ka sida WHO iyo UNICEF kuwaas oo inta badan ku wajahan ololayaasha la dagalaanka cudurada faafa ee sida dakhsaha ah waddamada iskaga gudbi kara, kuwaas oo aad moodid in wasaaraddu u qaadatay waxqabadkii dhabta ahaa ee loo idmaday. Waxaa iyana sidoo kale looga baahanyahay dhakhtaro caafimaad oo bulshada si bilaash ah ugu shaqeeya kuwaas oo wasaaraddu maalgaliso si loo xaqiijiyo in bulshadu ay ku baahi baxdo. Arintaasina waxay kamid ahayd waxyaalihii uu ballan qaaday madaxwaynuhu in uu isbadal ka dhalin doono adeega caafimaadka.
Waddooyinka iyo Airibooradda
Nin oday ah ayaa wuxuu nagula kaftamay mar aan ka hadlaynay sida magaalooyinka Puntland ay uga aradan yihiin laamiyo iyo waliba waddooyin waawayn gudaha. “ haddii nabi Aadan maanta Alla ifka ku soo celin lahaa aynu ku nool nahay waxa uu garan lahaa oo kali Somalia iyo Yemen” . haddaan irina maxaad ka wadaa- waxa uu yiri waxaa yaala dhagixii Alla uu ku abuuray xilligii Nabi Aadan.
Puntland magaalooyinkeeda waawayn waxay u baahanyihiin Garoono diyaaradeed iyo waddooyin laamiyo ah oo dhexmara meelaha halbowlayaasha u ah waddanka, kuwaasina waxay ka mid ahaayeen waxyaalihii Dr. C/wali sheegay in uu isbidayo in uu dhaqaalo u soo heli karayo lagu maalgasho haddii la doorto, oo haddii aad soo heshid madaxwayne dhaqaalahaas waxaan kaala dar daarmin in aysan naga noqon bacaad meel la tuunshay oo aan dib la isku waydiin.
Maxamed Cllaahi Maxamudildab20@gmail.comRaxanreeb.com Waxa ay Tixgelin Gaara Siinaysaa Maqaaladaha Sida Gaarka ah Loogu soo Diro ee aan Lagu Daabicin Mareego kale.
QORAAGA AYEY U GAAR TAHAY QORAALKAAN LOOMAMA FASIRAN KARO TAN RAXANREEB.COM CIDII RABTA IN AY SI GAAR AH MAQAAL AMA FIKRAD U SOO DIRTO RAXANREEB WAXAA LOOGU SOO HAGAAJIN KARTAA ADMIN@RAXANREEB.COM
Use Facebook to Comment on this Post
Weblinks:
//-->
Web link Exchange
Websites Friends
SONNA http://sonna.net
HALGANKA http://halganka.net
SOMALI-NEWS http://somali-news.com
GAMESINDEX http://gamesindex.co.uk
BINH http://binh.biz
SOMALIINDEX http://somaliindex.co.uk
Qurandownload http://qurandownload.org
AZVOX http://azvox.net
AZVOX http://azvox.com
Webdesigncompany24 http://Webdesigncompany24.com
Webdesign36 http://Webdesign36.com
Webdesiger-nin http://webdesigner-in.co.ukhttp://binh.bizhttp://clouda.co.ukhttp://cmscasts.comhttp://coloindex.nethttp://drupaltraining.bizhttp://games-trailers.co.ukhttp://gamesindex.co.ukhttp://halganka.comhttp://holiday-to.euhttp://holidays-to.comhttp://homesgb.co.ukhttp://internfinder.co.ukhttp://jobslog.co.ukhttp://newsindex.co.ukhttp://quraan.euhttp://qurandownload.orghttp://resor.co.ukhttp://serverburst.co.ukhttp://serverburst.nethttp://shopislam.orghttp://somali-music.nethttp://somali-news.comhttp://somaliindex.co.ukhttp://somaliindex.comhttp://somaliindex.nethttp://somaliindex.co.uk