Qurba joogta ( dibad joogta) reer maakhir ayaa safka ugu horeeya ka galay qurba joogta Soomaaliyeed kuwooda ugu liita dhanka Waxtarka iyo horumarka ay ka sameeynayaan deegaanadii ay asal ahaan ka soo jeedeen.
Dalka Somaliya dowlad malaheen 23 sano, Gobala badan oo Somaliya ayaa waxay gaareen Horumar heersare ah , Inkastoo gobalada qaarkood horumarkoodu uu kor u sii qaaday maamulka ka jiray ee dadka deegaanadaasi sameysteen iyo Xasiloonida ,hadana waxaa laf dhabarta u ahaa hormarka waxay ahaayeen qurba Joogta oo deegaanadooda ku soo kordhiyay , Horumarka dhanka Dhismooyinka magaalooyinka, horumarka waxbarashada, Caafimaadka , jidadka iyo Biyaha.
Waxay bedeleen oo dhismooyin casri ah ay kawada dhiseen maagaalooyinkooda min degmo ilaa tuulo. bilicda magaalooyinka ayay sare u qaadeen, adeegyada casriga ah ee Isgaarsiinta , Entrnedka, Idaacadaha, TV-yada iyo adeega korontada ayay kor u qaadeen isla markaasina ka hirgeliyeen dhamaan deegaanadooda min degmo ilaa tuulo.
Taasoo u fududeeysay in dadka ay noqdaan dad la socda Caalamka intiisa kale, isla markaasina dad ilbax ah oo aduunka wax la qabsanaya fahansana cadowgooda iyo nacamkooda.
Waxbarashada dugsi hoose ilaa heer Jaamacad ayay sameysteen iyo Dhaqaatiir Casri ah oo bulshada loogu faa’iideeyo. waxaasi oo horumar ah 90% waxaa sameeyay dadka qurba joogta. Jaaliyadaha Soomaaliyeed Deegaanadood ayay ku laabaan, dhib iyo dheefna waa ay la qeybsadaan shacabkooda iyo deegaankooda asalka ah ee ay ku noqon doonaan.
Jaaliyadaha dibada horumarka ay dhulkooda ka sameeyeen waxaay ka daawadaan Tv-yada. Iyagoo halkaasi kala soco talaabo kasta oo isbedal dadkooda ku yimaado, kana qeyb qaato badbaadintooda, Waa wax aduun iyo Akhirobo U fiican laguna farxo in umada wax loo qabto.
Hadaba aan u soo noqdo Jaaliyada Maakhir ee ku firirsan aduunka dacaladiisa.
Maxaa ku dhacay oo ka qaldan Jaaliyada reer maakhir oo facooda ka reebay una diiday inay Horumariyaan dhulkooda.????????. Waa Su’aal da’weyn oo qof kasta uu la fajaco.
Degmooyinka Gobalada maakhir waa meelaha ugu liito guud ahaan dalka Soomaaliya dhan kastaba ha noqotee.
Kama jiro wax horumar ah inna haba yaraatee dhan kasta ha ahaado, Dhismaha iyo bilicda magaalooyinka waa baa’ba, Isbitaalo iyo Iskoola warkooda ha sheegin, wadooyinka ka sii daran. Warbaahin kama jirto deegaanada maakhir, Internet kama jiro. Ma jirto Tv tagaya oo ka soo wariiyo, maxaa yeelay maba jirto dad abaabulan oo Adeegyadaasi u geeynayo dadkooda, Dadka shacabka ah waa dad baaba’san oo kuligood wada danyar ah oon waxba haysanin.
Waagi horee waxay ku marmarsoon jireen qurba Joogta reer maakhir dhulkeena dadku ma ogalaa horumar kama sameyni karno. Warkaasi waxaa beeniyay ,hadda, Wali ma jirto cidd ka soo jeedo deegaanka oo xitaa ku dhaqaaqday talaabo dhanka horumarka ah.
Bal iska daayee xitaa ma booqdaan degmooyina, Badhan iyo dhahar iyo ceergaabo ilaa iyo haatan ma jirto jaaliyad ka soo jeedo maakhir oo Booqatay, Magaalada badhan ayaa laga yaabaa in ay dhowr u ruux lugta geliyeen isagana soo tagaan.
Waa wax aad loola yaabo Masiibada ku habsatay dadka reer maakhir ee qurbaha ku dhaqan. Meel ay ku roon yihiin malaha,. Dad ay caawiyaan iyo dal ay horumariyaan iska daayee iyagii ayaaba lafahoodii wax u qabsani la, Waa umad dhan oo cajiib ah.
Qurba Joogta reer maakhir Dalkoodii iyo dadkoodii waay dayaceen , iyaguna waay is dayaceen.
Umadaha xitaa waxbaay sadaqeystaan, waligiin ma maqasheen Qurba joogta reer maakhir ayaa caawimaad gaarsiiyay, yubbe, dhahar, badhan ,ceergaabo iwm ha sheegin.
Dadka laga sugayo inay deegaanka soo camiraan oo dhulkooda wax ka qabsadaan waa dadka noocaas ah.
Kuwa gudaha ku dayacan dadka ay ka sugayaan in ay isbitaalo iyo iskoola u dhisaan waa dadkaas, iyagiiba u baahan cidd ka soo celiso Yurub iyo Amerika.. Marka soo lama oran karo maakhir waa reer ba’oow yaa ku leh.
Kama fikirayaan caruurahooda halkii ay kula laaban lahaayeen, Waxaaba laga yaabaa in qorshahaba ugu jirin inay ay ka soo laabtaan Yurub iyo America, Ileen waxii nool ayaaba dareenkaasi ku jiraaye.
Ugu dambeyn, waxaan leeyahay Reer maakhiroow sidani isku dhaama oo damiir iska baara. Lama huraan waa cowska jiilaal, dalkiina ayaan idin huri doonin. Dadnimo xumada qaarkeed waa dulinimo.
Sidoo kale dadnimo xumada waa shay nolosha aduunka iyo akhiraba ku seejinaya.Gacmo wadajir ayay wax ku gooyaan, hadii la helo maanta 10 ruux oo iyagoo Allah kaashanaya go’aansado inay bulshada wax u qabtaan iyaguna wax qabsadaan, wax weyn ayay qaban karaan, kana bedali karaan bulshada.
Kheyraadka badooda iyo barigooda wuu dayacan yahay kama faa’iideystaan. boqolaalka kun oo dan yar ah waxaa ku filnaan kheyraadka bada oo keliya hadii looga faa’iideyn lahaa oo ay heli lahaayeen dad Indhaha u fura .
Guri wasaqeysan ninkiisaa nadiifsan karaa reer maakhir dalkiina dib u soo eega oo gurigiina nadiifsada, dhexdana u xirta horumarka dhulkiina
Weblinks:
//-->
Web link Exchange
Websites Friends
SONNA http://sonna.net
HALGANKA http://halganka.net
SOMALI-NEWS http://somali-news.com
GAMESINDEX http://gamesindex.co.uk
BINH http://binh.biz
SOMALIINDEX http://somaliindex.co.uk
Qurandownload http://qurandownload.org
AZVOX http://azvox.net
AZVOX http://azvox.com
Webdesigncompany24 http://Webdesigncompany24.com
Webdesign36 http://Webdesign36.com
Webdesiger-nin http://webdesigner-in.co.ukhttp://binh.bizhttp://clouda.co.ukhttp://cmscasts.comhttp://coloindex.nethttp://drupaltraining.bizhttp://games-trailers.co.ukhttp://gamesindex.co.ukhttp://halganka.comhttp://holiday-to.euhttp://holidays-to.comhttp://homesgb.co.ukhttp://internfinder.co.ukhttp://jobslog.co.ukhttp://newsindex.co.ukhttp://quraan.euhttp://qurandownload.orghttp://resor.co.ukhttp://serverburst.co.ukhttp://serverburst.nethttp://shopislam.orghttp://somali-music.nethttp://somali-news.comhttp://somaliindex.co.ukhttp://somaliindex.comhttp://somaliindex.nethttp://somaliindex.co.uk