Quantcast
Channel: HALGANKA.NET
Viewing all 54547 articles
Browse latest View live

cilmiga iyo culumada sh cabdullahi faruq


Sawirro:- laga sameeyay Ciidamada AMISOM oo u muuqda kuwa ku qanacsan in Colaada soomaaliya sii socoto

0
0

Ciidamada AMISOM ee kasocda wadamo kala duwan oo kuyaala Qaarada Afrika ayaa la tilmaamay in Soomaaliya ay ka heleen macaash badan , Ciidamadan ayaana qaata mushaar aad u badan oo noloshooda aysan qaadan .
Sida Sawirka idinkaga muuqata Ciidamadan ayaa joogitaankooda Soomaaliya ka hela nafaqo iyo lacago badan ay wax ku taraan naftooda iyo dadkooda, waana mida keentay in ay jecleestaan Ciidamada AMISOM in Soomaaliya waligood iska joogaan Colaadana ay iska socoto.
Mid kamid ah Ciidamada AMISOM ayaa dhawaan shaaca ka qaaday in ay jecelyihiin Joogitaanka Soomaaliya iyo inay sii socoto colaada iyo dagaalada ,Askarigan ayaana tilmaamay in aysan AMISOM marnaba raali ka aheyn in Al-Shabaab laga adkaado si nabad loo helo.

Weblinks: 

//-->

Web link Exchange

Websites Friends
SONNA http://sonna.net
HALGANKA http://halganka.net
SOMALI-NEWS http://somali-news.com
GAMESINDEX http://gamesindex.co.uk
BINH http://binh.biz
SOMALIINDEX http://somaliindex.co.uk
Qurandownload http://qurandownload.org
AZVOX http://azvox.net
AZVOX http://azvox.com
Webdesigncompany24 http://Webdesigncompany24.com
Webdesign36 http://Webdesign36.com
Webdesiger-nin http://webdesigner-in.co.ukhttp://binh.bizhttp://clouda.co.ukhttp://cmscasts.comhttp://coloindex.nethttp://drupaltraining.bizhttp://games-trailers.co.ukhttp://gamesindex.co.ukhttp://halganka.comhttp://holiday-to.euhttp://holidays-to.comhttp://homesgb.co.ukhttp://internfinder.co.ukhttp://jobslog.co.ukhttp://newsindex.co.ukhttp://quraan.euhttp://qurandownload.orghttp://resor.co.ukhttp://serverburst.co.ukhttp://serverburst.nethttp://shopislam.orghttp://somali-music.nethttp://somali-news.comhttp://somaliindex.co.ukhttp://somaliindex.comhttp://somaliindex.nethttp://somaliindex.co.uk

Laba nin oo Al Shabaab ka tirsanaa oo maanta lagu toogtay Degmada Buulo Burde

0
0

Ciidan ka socdo Dowladda Burundi oo maanta gaaray Magaalada Kismaayo

0
0

Ciidan ka socdo Dowladda Burundi, ayaa waxay maanta markii ugu horeysay ay gaareen Magaalada Kismaayo ee Gobolka Jubbada Hoose. Ciidamada Dowladda Burundi, ayaa waxay qayb ka noqon doonaan qorshaha lagula dagaalamaayo Ururka Al Shabaab, iyadoo laga soo dhaweeyay Magaalada Kismaayo. Tani, ayaa waxay ka dambeysay markii Dowladda Somaliya ay dalbatay in Ciidan isku dhaf ah […]
Weblinks: 

//-->

Web link Exchange

Websites Friends
SONNA http://sonna.net
HALGANKA http://halganka.net
SOMALI-NEWS http://somali-news.com
GAMESINDEX http://gamesindex.co.uk
BINH http://binh.biz
SOMALIINDEX http://somaliindex.co.uk
Qurandownload http://qurandownload.org
AZVOX http://azvox.net
AZVOX http://azvox.com
Webdesigncompany24 http://Webdesigncompany24.com
Webdesign36 http://Webdesign36.com
Webdesiger-nin http://webdesigner-in.co.ukhttp://binh.bizhttp://clouda.co.ukhttp://cmscasts.comhttp://coloindex.nethttp://drupaltraining.bizhttp://games-trailers.co.ukhttp://gamesindex.co.ukhttp://halganka.comhttp://holiday-to.euhttp://holidays-to.comhttp://homesgb.co.ukhttp://internfinder.co.ukhttp://jobslog.co.ukhttp://newsindex.co.ukhttp://quraan.euhttp://qurandownload.orghttp://resor.co.ukhttp://serverburst.co.ukhttp://serverburst.nethttp://shopislam.orghttp://somali-music.nethttp://somali-news.comhttp://somaliindex.co.ukhttp://somaliindex.comhttp://somaliindex.nethttp://somaliindex.co.uk

Madaxweynaha Jabuuti oo ku hanjabay in ay si weyn ula dagaalami doonaan Al Shabaab

0
0

Ismaaciil Cumar Geelle, Madaxweynaha Dowladda Jabuuti, ayaa wuxuu maanta sheegay inaysan hakin doonin dagaalada ay kula jiraan Ururka Al Shabaab, ee ka dagaalama Somaliya. Madaxweynaha, ayaa wuxuu shaaca ka qaaday in Dowladda Jabuuti ay garab joogto shacabka Somaliyeed, xilli uu sheegay in ay dhibaato daran ku heyso argagaxisada. Sidoo kale wuxuu sheegay in ay nafsadahooda […]
Weblinks: 

//-->

Web link Exchange

Websites Friends
SONNA http://sonna.net
HALGANKA http://halganka.net
SOMALI-NEWS http://somali-news.com
GAMESINDEX http://gamesindex.co.uk
BINH http://binh.biz
SOMALIINDEX http://somaliindex.co.uk
Qurandownload http://qurandownload.org
AZVOX http://azvox.net
AZVOX http://azvox.com
Webdesigncompany24 http://Webdesigncompany24.com
Webdesign36 http://Webdesign36.com
Webdesiger-nin http://webdesigner-in.co.ukhttp://binh.bizhttp://clouda.co.ukhttp://cmscasts.comhttp://coloindex.nethttp://drupaltraining.bizhttp://games-trailers.co.ukhttp://gamesindex.co.ukhttp://halganka.comhttp://holiday-to.euhttp://holidays-to.comhttp://homesgb.co.ukhttp://internfinder.co.ukhttp://jobslog.co.ukhttp://newsindex.co.ukhttp://quraan.euhttp://qurandownload.orghttp://resor.co.ukhttp://serverburst.co.ukhttp://serverburst.nethttp://shopislam.orghttp://somali-music.nethttp://somali-news.comhttp://somaliindex.co.ukhttp://somaliindex.comhttp://somaliindex.nethttp://somaliindex.co.uk

Nin farsamayaqaan ahaa oo lagu dilay Kismaayo iyo mamaulka Jubba oo sheegay in ciidamada ka socda AMISOM ee Kismaayo la geeyay ay…

0
0

Wararka laga helaayo Magaalada Kismaayo ee Gobolka Jubbada Hoose, ayaa waxay sheegayaan in gelinkii dambe ee shalay lagu dilay nin farsama-yaqaan ahaa.Ninkaan oo lagu magacaabi jiray Maxamed Cismaan C/kariin ayaa waxaa lagu dilay Xaafadda Farjano, gaar ahaan Waaxda Waamo.
Lama oga cidda dishay dhab ahaan ninkaasi oo ahaa farsamayaqaan dhinaca korontada ah ,iyadoo dadka qaarkiis ay sheegeen in dilka ninkaan ay geysteen Ciidanka Maamulka Kmg ah ee Jubba, ka gadaal markii la sheegay in ay ka wateen Bartamaha Magaalada Kismaayo, mase jirto cid si rasami ah u xaqiijinkarta warkaasi.
Wararka, ayaa waxay intaa ku darayaan in dilka kadib ay Ciidamada Maamulka Jubba uga taggeen halkii ay ku dileen, oo la sheegay in ay eheladiisu ka qaateen, wuxuuna meydkiisii uu xalay ku hoyday Isbitaalka Kismaayo, saraakiisha ammaanka ee Magaalada Kismaayo, kama aysan hadlin dilka ay Ciidamada Jubba u geysteen marxuumka, oo ku shaqeysan jiray farsamada Dabka (Korontada).ilaa iyo haddana lama oga sababta rasmiga ah ee ninkaasi loo dilay
Dhinaca kale mamaulka jubba oo mar kale ka hadlay ciidamada AMISOM ee la geeyey magalaada kismaayo ayaa sheegay in ciidamada AMISOM ay ka amar qadanayaan maamulka jubba ,islamarkaasna ay ciidamadooda ka taageerayaan dagaalka lagula jiro alshabaab sida ay yiraahdeen, afhayeenka Maamulka Kmg ah ee Jubba C/naasir Seeraar Maax, oo  la hadlay laanta afka Somaliga ee BBC, ayaa waxa uu sheegay in  ciidamada AMISOM ay ka amar qaadanayaan maamulka jubba sida buu yiri kuwa xamar joogaa ay uga amarqaataan dowladda soomaaliya ,isagoo xusay in ciidamada Kenya aan la badeli doonin ee ay kismaayo ku siisugnaanayaan welibana la soo badin doono sida uu yiri afhayeenku  oo dhinaca kale sheegay in ammaanka Kismaayo uu wanaagsan yahay, laakiin sida uu qiray ay mararka qaarkood dilal ka dhacaan.
Wariyaha aarannews.com Caaqil Dalmar

Guddoomiyaha Baarlamaanka Soomaaliya oo fariin u diray Xukuumadda Soomaaliya

0
0

Guddoomiyaha Baarlamaanka soomaaliya Prof.maxamed cusmaan jawaari  ayaa Madaxweynaha hortiisa waxa uu kaga dalbaday Xukuumadda Soomaaliya iney Baarlamaanka ku hor keento inta aanay idlaan bishan March dhameystirka miisaaniyadda Sanadka iyo in ugu dambeyn Golaha Shacabka lagu horkeeno sida uu Ra’isulwasaaraha horey u ballan qaaday 30ka bishan Maarso barnaamij waqtiyeysan oo ku saabsan howlaha Xukuumadda iyo qorshaha ay Wasaarad walba kula shaqeyn laheyd guddiga Baarlamaanka ee ku shaqada leh.
Dhinaca kale wararka ka imanaya degaanka Oodweyne ee mamaulka Somaliland ayaa sheegaya in nin Beeralay ah oo la odhan jiray Xasan Jaamac Haariye habeen hore lagu dilay degaanka Qar-gibil oo ka tirsan Oodweyne, waxaana dilay  sida ay saraakiil katirsan booliska Somaliland sheegeen nin kale oo lagu magacaabo  Khadar Maxamed Warsame.
Ninka waxa dilay ayaa la sheegay inuu laba Xabadood Madaxa kaga dhuftay Marxuumka dhintay,islamarkaana u baxsaday, hase ahaatee warar kale ayaa sheegaya in ninkii dilka geystay gacanta lagu dhigay haddana ay boolisku gacanta ku hayan ,ilaa iyo hadana lama oga sababata rasmig ah ee uu ninkaasi dilka u geystay.
Wariyaha aarannews.com Caaqil Dalmar

Maamulka Jubba oo shuruud ku xiray wadahal uu la galo Barre Hiiraale iyo…

0
0

Wararka ka imaanaya magalaada kismaayo ayaa sheegaya inuu jiro wadahadalo la doonayo in lagu heshiisiiyo mamaulka jubba iyo dhinaca kale ee uu hoggaamiyo Col.barre hiiraale,taas oo sida lasheegay loo saaray guddi ka kooban 6 xubnood oo ka kala socda dowladda soomaaliya iyo urur goboleedka Igad iyo midowga afrika, waxaana sida la sheegay wadahadalkaasi lagu doonayey in lagu dhameeyo khilaafka u dhexeeya maamulka jubba iyo dhinaca xoogagga ka soo horjeeda ee uu hogaamiyo Col.Barre Hiiraale, sidoo kalena la soo xareeyo ciidamada ku sugan duleedka magalaada kismaayo  sida uu dhigayey heshiiskii ay addis ababa ku gaareen dowladda soomaaliya iyo maamulka Jubba.
Sida warku sheegayo Maamulka Jubba ay shuruudo ku xiray hirgelinta arrintaasi ,waxaana shuruud  koowaad ay ku sheegeen in marka hore Barre uu iclaamiyo in uu dagaal kula jiro Alshabaab, haddii uu taas qirona ka dib un ay wadahadal ka gali karaan arrinkiisa.
Arrinta ku saabsan ciidamadda ku sugan duleedka kismaayo ee  la doonayo in kismaayo lagu soo xareeyo ayaa iyana la sheegay in maamulka jubba uu shuurud ku xiray taas oo ah in ciidamada la soo xareynayo ee barre hoggaamiyo hadda ay noqdaan ay noqdaan kuwii horey loo soo tababaray ,iyagoo sheegay  in la ogyahay tirada ciidamadda horey tabobarka usoo galay ee magaalada kala baxay Barre, kuwaasi oo kaliyana  noqdaan haddii wax lasoo xaraynayo, wixii ka dheeraad ahna loola macaamilo in ay Alshabaab yihiin.lama oga  haddiiba uu warakani run yahay go,aanka ay guddiga loo saaray xal u helidda arrimaha kismaayo ka qaadan doonaan iyadoo ay horey u fuliwaayeen heshiisyo dhowr ah oo arrinta kismaayo lagagaaray ,waxaana sida warku sheegayo dhawaan fadhi yeelanaya Guddiga isku dhafka ah si ay arrinkani go’aan.
Wariyaha aarannews.com Caaqil Dalmar


Dowladda Soomaaliya oo sheegay inay wadahalo kula jirto saraakiil ka tirsan Al-shabaab, kuna hanjabtay

0
0

Xukuumadda Soomaaliya ayaa shaaca ka qaaday inaysan wax cafis ah u fidin doonin saraakiisha ka tirsan Xarakada Al-shabaab ee dagaalka kala soo horjeeda dowladda Soomaaliya, waxayna Xukuumaddu intaasi ku dartay in haddii gacanta lagu soo dhigo la horkeeni-doono cadaaladda.
Wasiirka arrimaha gudaha iyo arrimaha federaalka Soomaaliya C/laahi Goodax Barre ayaa sheegay in siyaasadda xukuumadda Soomaaliya ee ku aadan saraakiisha Al-shabaab gaar ahaan xilligan dagaalka uu u dhaxeeyo dowladda iyo Al-shabaab inuu yahay mid cad, isagoo xusay inaan la cafin-doonin saraakiisha Shabaabka ee dagaalka hogaamineysa.
Wasiirka oo la weydiiyey siyaasadda dowladda ee saraakiisha hogaanka u ah Al-shabaab sida ay ka yeelayaan ayaa sheegay inay seddex qeybood ay ugu kala qeybsanyihiin Al-shabaab iyo dagaalyahanahooda, wuxuuna xusay in qeybta ugu muhimsan ay yihiin ragga sarsare ee hogaanka ah kuna xiran Al-Qaacida inaysan wax cafis ah laheyn, balse ciidamada Al-shabaab ay leeyihiin cafis haddii ay isa-soo dhiibaan inta aan gacanta lagu dhigin.
“Nimankan cadowga ah dhowr nooc ayey iskugu jiraan, dhalinyaro ciidan ah oo iyaga la shaqeeya oo hub u qaad u ah fikir ka baxsana inay hubka u sidaan aan wadanin, koox  mas’uuliyiin ah oo og khaladkaas ay sameynayaan oo og iyagoo dhalinyaradaas ka shaqeysiiyey iyo mas’uuliyiin sare oo ajaaniib la heysta oo Al-qaacida wata, iyagu kuwaas Al-qaacida ku xiran cafis ma leh, laakiin kuwo kale oo dhan waa cafis” ayuu yiri wasiirka.
Wasiirka arrimaha gudaha wuxuu si gaar ah u soo qaatay arrinta hogaamiyaha Al-shabaab Axmed Cabdi Aw-Maxamuud Godane, wuxuuna yiri “Ragga sida Godane oo kale ee Al-qaacida ku xiran waa rag dembi ka galay qaranimada Soomaaliya, iyagu wax cafis ah ma leh haddii la qabtana cadaaladda ayaa la horgeyn doonaa si ciqaab loo mariyo, laakiin dhalinyarada yaryar ee madaxa laga khalday ee loo sheegay in waxa ay u dagaalamayaan ay diin yihiin haddii ay soo laabtaan oo hubka dhigaan, kuwaas waa lala macaamilayaa”.
Wasiirka oo ka hadlayey inay jiraan cid ka tirsan Al-shabaab oo ay la hadleen ayaa cadeeyay inay hadda macaamila wadaan rag dhalinyaro ah oo qaarkood la soo xiriiray dowlada, gaar ahaan gobolka Hiiraan, wuxuuna yiri “Saraakiil Al-shabaab ah ayaa nala soo xiriirtay oo aan wadahalo kula jirnaa, tusaale ahaan degmada Buulaburde markii ay soo weerareen, qaar ayaa ku dhaawacmay oo nala soo xiriiray iyagoo dhaawac ah oo duurka jiifa, marka maanta hadduu wiilkaas i dhageysanayo waxaan leeyahay gurigaaga ku soo noqo, cid wax ku yeelaysa ma jirto”.
Wariyaha aarannews.com Caaqil Dalmar

Ahlu Sunna oo waxba kama jiraan ku tilmaantay in la mideynayo ciidankeeda iyo kuwa dowladda Somaliya si ay…

0
0

Xilli wali uu taagan yahay Khilaafka udhaxeeya Maamulka Culimada Ahlusnna waljamaaca iyo Dowladda Fadaraalka Somaliya ayaa waxa hadana dhawaan dowladda somaliya gaar ahaan wasaaradeeda arimaha gudaha shaaca ka qaaday In aysan jirin ciidamo ugaar ah maamulka ahlusunna ee Gobollada Dhexe taasi oo ay ku micneeyeen in la mideeya ciidanka dowladda somaliya somaliya iyo Kuwa Ahlusunna.
Sh.C/risaaq cali mire al-Ahcari oo ah gudoomiyaha Golaha Fulinta Ahlusunnada Gobollada Dhexe oo la hadlay warbaahinta gudaha ayaa sheegay in hadalkaasi uu yahay mid khiyaalo ah isla markaana ciidankooda ay dhisan yihiin aysanna jirin in ay la midoobeen kuwa dowladda somaliya.
Shiikha ayaa sheegay in ay madaxda dowladda somaliya ka sugayaan raali gelin in ay ka bixiyaan hadalkaasi meel ka dhaca ah isla markaana ahlusunna aysan qaadan doonin in la midoobaan kooxo kale balse ay suura gal tahay in la iska kaashado xuraynta Gobollada dhexe.
Ahlu sunna waljamaaaca wa urur diimeed mayil adag waxaa si aad ah loogu xusuustaa xuraynta Gobollada dhexe iyadoona waqtigaan la oran karo Ahlusunna waa ururka kaliya ee xaqqa ku taagan kana go’an in ay ku dagaalamaan wadada xaqqa ah balse waxa jira siyaasiyiin damac siyaasadeed ka leh Gobollada dhexe oo doonaya in ay kala furfuraan ahlusunna.
Wariyaha aarannew.com Caaqil Dalmar

Shariif Xasan iyo wafdi Itoobiyaan ah oo maanta gaaray magaalada Baydhabo iyo banaanbax ka dhan oo ka dhacay

0
0

Wararka ka imaanaya magaalada Baydhabo ayaa sheegaya in banaan bax ballaaran oo looga soo horjeedo Xildhibaan Shariif Xasan Sheekh Aadan uu ka socdo magaalada qeybaheeda kala duwan, iyadoo diyaarad sida Shariifka ay caga dhigatay garoonka diyaaradaha Baydhabo.
Dadweyne careysan ayaa banaanka garoonka diyaaradaha isku gedaamay ka hor inta aysan diyaarada soo degin, iyagoo taayaro gubay, waxaana dadweynaha ay ku qeylinayeen erayo ay ka mid yihiin “Dooni meyno dooni meyno Shariif Xasan”.
Banaan baxa ayaa bilowday ka hor inta aanay diyaarada siday Shariif Xasan ka ambabixin magaalada Muqdisho, iyadoo dibad baxayaashu ay ahaayeen kuwo ka war qabay imaanshaha Shariifka
Wararka ayaa sheegaya in Shariif Xasan ay la socdaan saraakiil Itoobiyaan uu ka mid yahay Jen. Gabre iyo siyaasiyiin kale, waxaana qorshaha Shariifka uu tagay Baydhabo ka mid tahay dhameystirka dhismaha Maamulka saddexda gobol.
Mid ka mid ah dadka ku nool Baydhabo oo aan la xiriirnay ayaa inoo sheegay in dadweynaha careysan ay buux dhaafiyeen afaafka hore ee garoonka, iyagoo ka soo horjeeda imaashaha Gudoomiyihii hore ee Baarlamaanka.
Wararka qaar ayaa sheegaya in Shariif Xasan ay kula taliyeen madaxda dowladda in aanu tagin Baydhabo, iyadoo Shariifka uu gadaal ka riixayo Maamulka saddexda gobol oo la sheegayo inuu musharax yahay.
Shariif Xasan ayaa barta uu facebook uu ku leeyahay waxaa uu shalay ku soo qoray inuu ku sii jeedo magaalada Baydhabo oo uu u tagayo arrimo muhiim ah.
Wariyaha aarannew.com Caaqil Dalmar

083 Suurat An Nisaa Ayaddaha 122 130

Qeebta 2aad Mushkiladaha Guurka Sheikh Said Ali

Qeebti 1aad Mushkiladaha Guurka Sheikh Said Ali

Wicitaanka: Sh. Cabdiraxmaan Sh. Cumar

0
0

Banaamijka Wicitaanka ee toddobaadkan waxa marti ku ah Imaamka Masjidka Abubakar Assidique ee magaalada Minneapolis ee Maraykankan, Sh. Cabdiraxmaan Sh. Cumar oo ka hadlaya sida xagjirnamada lagaga hortagi karo.


Xarakada Al-shabaab oo ka hadashay Odayaashii lagu laayey B/hakaba, sheegtayna inaysan ka dambeyn

0
0

Xarakada Al-Shabaab ayaa iska fogeysay inay ka dambeysay dil wadareed shalay loogu geystay duleedka magaalada Buur-Hakaba ee Gobolka Baay, kadib markii gaari ay saarnaayeen ilaa sideed oday dhaqameed oo ka yimid Baydhabo si arxan daro ah loo laayay.
Warka ka soo baxay Al-Shabaab ayaa lagu sheegay in Xarakada aanay ka mas’uul aheyn weerarkaas, isla markaana dhinac isaga riixay eedeyn ka soo baxday saraakiisha dowladda ee Gobolka Baay oo ahaa in Al-Shabaab ka dambeeyee dilkaas.
“Mujaahidiinta wax lug ah kuma lahan dhacdadii Buur-Hakaba ee lagu dilay sideeda qof”ayuu yiri Sarkaa ka tirsan Al-Shabaab oo la hadlay baraha internet-ka ee taageera, Al-Shabaab ayaa ku eedeysay in dilkaas ay ka dambeeyaan kooxaha la shaqeeyay ciidamada shisheeye, iyadoo cadeysay in haba yarataee wax raad ah ay ku leedahay weerarkaas shalay gelinkii dambe ka dhacay meel duleedka ka ah Buur-Hakaba.
Taliyaha Ciidamada Booliska Gobolka Baay Mahad C/kariin ayaa ku eedeeyay Al-Shabaab inay ka dambeeyeen odayaashii lagu laayay duleedka Buur-Hakaba, Odayaasha dhaqanka ee lagu laayay duleedka Buur-hakaba ayaa ka soo jeeda Gobolka Shabeelaha Hoose, waxaana ay ka mid ahaayeen ergadii u fadhiyay shirkii maamulka lixda gobol ee koofur galbeed, kuwaasoo Madaxweyne u doortay Madoobe Nuunow.
Wariyaha aarannews.com Caaqil Dalmar

Ra’isul wasaraha Somaliya oo ka hadlay Odayaashii lagu laayey degmada Buurhakaba, sheegayna inay…

0
0

Ra’iisul wasaaraha Xukuumada Federaalka Soomaaliya Mudane Cabdiweli Sheekh Axmed Maxamed ayaa si kulul u cambaareeyey falkii foosha xumaa ee lagu laayay odayaasha dhaqanka kuwaasoo lagu dilay nawaaxiga Buur-hakaba ee gobolka Bay iyaga oo ku sii jeeday guryahoodii.
Ra’iisul Wasaaraha ayaa sheegay in falkani uu yahay mid aan sal iyo raad ku laheyn Diinta islaamka, dhaqanka Suuban iyo Bani’aadanimada, wuxuuna tacsi tiiraanyo leh u diray qoysaska, qaraabada iyo shacabka Soomaaliyeed ee ay ka geeriyoodeen odayaashan, wuxuuna yiri R/wasaaraha “Waa fal aad u naxdin badan, waxaana geystay kooxo manaxayaal ah oo aan laheyn damiir islaanimo iyo mid Soomaali-nimo”.
Ra’iisul Wasaaraha oo hadalkiisa sii wata ayaa yiri “Hogaamiyeyaasha dhaqanku waxay hormuud u yihiin nabadda iyo dib u heshiisiinta dalka, waana halbowlaha bulshada Soomaaliyeed, waxaana ka codsanayaa shacabka Soomaaliyeed inay meel uga soo wada jeestaan dhagar qabayaasha dhiigooda baneystay”.
Wariyaha aarannews.com Caaqil Dalmar

Madaxweyne Xasan Sheekh iyo wafdi uu hogaaminayo oo maanta u dhoofay dalka Kuwait si ay uga qeybgalaan…

0
0

Madaxweynaha Janhuuriyadda Federaalka Soomaaliya mudane Xasan Sheekh Maxamuud iyo wafdi uu hoggaaminayo ayaa maanta ka ambabaxay garoonka diyaaradaha Muqdisho isagoo ku sii jeeda magaalada Kuweyt.
Madaxweynaha ayaa dalka Kuweyt uga qeybgalaya shir madaxweedka wadamada jaamacadda Carabta oo dhawaan ka furmidoona magaalada Kuweyt ee xarunta dalka Kuweyt, waxaana madaxweynaha safarkiisa ku wehliya mudanayaal ka tirsan Baarlamanka.
Sidoo kale madaxweynaha iyo wafdigiisa ayaa waxaa garoonka diyaaradaha Aadan Cadde ku sii sagootiyay gudoomiyaha Baarlamanka Prof. Maxamed Sheekh Cusmaan Jawaari iyo xubno ka tirsan golaha wasiirrada ee xukuumadda federaalka Soomaaliya.
Wariyaha aarannews.com Caaqil Dalmar

Sawirro: Bandhiggii lebiska ee ugu horrey Islii

0
0

Bandhiggii fashoonka ee ugu horrey Islii

Maxaa Danjire Shariif Saalax loo maamuusi waayey?!

0
0

Geeridu waa
gablan, maya waaba gablamisa.
Nin roon ma raago, nafna
maalinteeda ma dhaafto. Hadday Soomaalidu dhihi jirtay: “Geeri nimaadan
aqoon iyo Geeljire ayey ku roon tahay
” anigu waxaan leeyahay: “Geeridu
WAXMATARE iyo DHIBLOW ayey ku roon tahay
” maxaa yelay, marka laga soo tago
in Geeljiruhu wax ku ool yahay, hawsha uu hayo ayaan ba qof walbaa qaban karin.

Qof walba waa god suge, Geeriyuna
waa u dambaysaa maalin ay galisaba. (21/03/2014) waxaa Magaalada Muqdisho
ku geeriyooday
Marxuum Danjire Shariif Saalax Maxamed Cali.Alle ha ugu
deeqo naxariistiisa, Jannadiisa ha ka waraabiyo. Aamiin.

Danjire
Shariif Saalax, wuxuu ahaa aqoonyahan, afyaqaan, suugaanyahan, Qoraa,
Siyaasi, iyo Diblomaasi
. Anigu waxaan aad ugu xasuustaa Buuggiisii
qiimaha badnaa, ee XUSUUBTEBYO ee uu ka qoray shirkii ELDOERET
2002-2003dii
ee ka dhacay dalka Kenya.

Ma kaa kaliya?
Maya. Shariif Saalax wuxuu qoray buugga caanka ah, ee: "HUDDUR and The
History of Southern Somalia
" wuxuu ahaa Macallin
xog-ogaal u ah halgankii iyo loollammadii xornimo doonka, hagardaamadii
xoogaggii xornimo-diidka ahaa, ee diirka Soomaalida ka ahaa daakhilka
saancaddaha ka ahaa. Buuggan ayuu taariikhda Soomaaliyeed ku tifaftiray, gaar
ahaan koofurta sida cinwaankaba ku cad, laga soo bilaabo dagaalkii 2aad ilaa
xornimada laga qaato.

Marxuum
Shariif Saalax Maxamed Cali wuxuu soo qabtay xilalka ay ka mid yihiin; Guddoomiyaha
Guddiga qorista af-somaaliga, Agaasimaha dhawr Wasaaradood, Wasiirka Hiddaha
Iyo Tacliinta Sare, Ragtarka/Guddoomiyaha Jaamacada Umada Soomaaliyeed,
Safiirka Soomaaliya ee Talyaaniga, Shiinaha, Ingiriiska iyo xilal kale
.

Anoon sooyaalka iyo taariikhda dahan ee dahabka ha ee Dajire Shariif ka
hadlayn, haddana, midda aan ii cuntamin, ee iga degi waysay waa in madax ku
sheegga Soomaalidu aysan xabaal maamusan u yagleelin marxuumka, iska daa inay AAS
QARAN
u sameeyaane. Run ahaan wuxuu mudnaa Marxuumka in saddax maalin
oo baroor diiq ah Calanka hoos loo dhigo, maxaa yeelay, wuxuu ahaa HALYEEY
iyo HALKAR QARAN.

Halyeey? Haa,
halyeey ayuu ahaa. Horta adigu yaad halyeey u taqaan? Hubaal inaannaan isku
halyeeyo ahayn. Adigu qabqablaha, gacan ku dhiiglaha, xaaraan cunka,
dabadhilifka, mooryaanka iyo wadaad xumaha
ayaa kuu ah, nabee inaannaan
isku HALYEEYO marna noqon karin, aad baanna ugu farax sanahay inaan kala
halyeeyo duwaanaanno.

Waxaan doonayey
ama filayey in Marxuum Shariif Saalax loo maamuusi doono si la mid ah sidii loo
maamuusay Marxuum Maxamed Sulaymaan Tubeec, Eebbe ha u wada
naxariiste
. Hubaal in ay ahayd tallaabo hammi iyo hanqaltaag galisay
Soomaali badan, oo u aragtay in raadkii hore laga soo haray, ee dadka lagu
qiimayn jiray imisaad dishay ama meeqaad boobtay?. Waa ta la yiraa: “DOQON
gu’ la ammaano Dayr looguma daro
”oo ka dhigan in madaxdu ay hammigaa
dib u dishay, maadaama aan Danjire Shariif SaalaxAAS QARAN
iyo MAAMUUS midna loo samayn.

Labada Marxuum
Tubeec iyo Shariif laba kala dhaca ma ahayn. Waxaan uga jeedaa, midba
kaalintiisa ayuu si hufan iyo haldheeri u gutay, ee ugama jeedo inay isku
miisaan yihiin ama siman yihiin, oo midna waa HOOBAL kan kalana
waa HALABUUR. Midda aan isugu lammaanshay labadooda waa inay HALDOOR
iyo HALABUUR wada yihiin, ayse ku kala sarreeyaan kuna kala weyn
yihiin, oo sida hubban marka codka iyo laxamaynta muusikada laga reebo ee Tubeec
Boqorka
ku ahaa, Danjire ShariifSaalax in
ku dhaw toboneeyo arrin ama wax ayuu hormuud iyo horyaal
ka ahaa, sida: qoraalka, ee ku qoray afaf ka badan 4 luqad (Soomaaligu kow
ka yahay), buugaag dhawr ah, afqoristii oo uu guddigii madax u ahaa, maamule,
Wasiir, siyaasi, Diblomaasi, Macallin, IQKB
.

Ma doonayo inaan
tartarsiinyo labada Marxuum oo agtayda ku wada weyn, haddana, waxaan wali liqi
la’ahay duuflaalladaa aan daN iyo heEllo ka galin AASKA Marxuum Shariif.
Ma ila xasuusataan inta qabqable, dibjir, xaarncun, dagaalooge iyo
dhiigyacab
loo sameeyey AAS QARAN inaysan mudnayn ka
sokow, waa meel ka dhac iyo dhimaal in maqaamkaa la gaarsiiyo xaalwalwaallada
iyo xinjirro daadiyayaasha, kuna ah inta nabadda iyo wadanoolaasha oggol ama
horseedka u ah.

Ujeedka qormadu waa halkii laga
dhihi jiray: “Dameer Ceel ku dhacday Koow koowna waa lagu dayaa
oo ah tani na dhaaftaye, kuwa kale ayaan laga seexan ama laga ildduufin, haddii
kale, heeryada gunnimo iyo gurracnaan waligiin huwanaada inta aad idinna god
kala galaysaan.

Malaha aan qabo ee cabsida i
galiyanaya haddii uusan dhab iyo xaqiiq ahayn, waa in madax ku sheegga Soomaalidu
marka laga reebo inay magaciisa maqleen aysan aqoon ama ogayn ka uu ahaa
Marxuum Shariif, kaalinta uu ku jiray, raadka uu reebay iyo dhaxalka uu nooga
tagay! Run ahaan taasi waa qayb ka mid ah ayaandarrooyinka waaweyn ee nagu
habsaday, aanse loo jeedin lana doonayn in wax laga baddalo, isbaddal micmaha. ISBADDAL?
Alla eraygaa iga daa adeegsigiisa ma jecliye, yaadan kuwa nolosha ku dhintay
nagu noolayn.

 

Ha laguu ilmeeyee

Horta dhimo af maahee!
Eeggoo la noolyiyo

Ifkaan kaaga baahnahay
Wax yar oo aqoonsi ah

Oon aad u buurnayn
Oo weliba eegay

Igu sii amaahoo
Ictiraafka buuxee

Aakhiro markaan tago
Iilka igu sugayiyo

Ayaantaan xabaal galo
Oohintaan mutaystiyo

Akawnkeyga laga jaro!

Abwaan Gaarriye (AUN)

 

Ewel waxaan hore u lahayn haddaan
Soomaali nahay dhaqan xun oo ah, in qofka geerida ka dib laga daba alalaaso, oo
inta uu nool yahay aan sidaa loo eegin (Haddaad ammaanto rabto dhimo!).
Waa midda Abwaan Gaarriye ka leeyahay war marka aan dhinto ama geeriyoodo ha ii
ilmayne, iminka oon noolahay wax igu sheego, si aad maalintaana aad wax kabsato
ama ugu kasbato.

Eegmadaa kuma kala saarnayn kan xun
ama ka wanaagsan, ee waa loo sinnaa. Hadda, waxay maraysaa, in geerida ka dibna
aan kii wanaagsanaa la eegin, ee xunka kaliya loo xoolo qalo, xaqlo loo qabto
iyo xadro gaar ah, halka, wanaagsane iyo wanaajiye aanba la soo xasuusan, la
xunin lana xaalmarin.

Eeg maalmahan waxa socda, kuwii
dadka laayey, xasuuqay ee gumaaday in loo taagayo taallooyin loona dhisayo
xarumo loogu magacdarayo, oo ka dhigan in mar walba uu ku hortaagnaado kii
awowgaa, aabbahaa ama walaalkaa waxyeelay (uur ku taallo aan harayn),
oo sabab u ah in mar walba dadku sii kala fogaanayaan, iyadoo wax walba laga
hormarinayo qabyaaladda iyo qurunka.

Marxuum Shariif Saalax wuxuu ahaa
Muwaadin Qaran, malaha waaba tan aan xitaa aaskiisa loo maamuusin, illeyn iyagu
haddii aadan Qarandumiye iyo qaa’inu waddan ahayn qiimo kuuma yeelaane. Iska
daa in dhaxalkii uu ka tagay lagu qiimeeyo, xitaa kuma qiimayn inuu ahaa
siyaasi iyo diblomaasi ruugcaddaa ah.

Dad badan ayaa dhihi doona sidii
lagu yaqaannay mindhaa waa isku HAYB! Haa waa nahay isku hayb! Oo waa tee? Tan
Soomaalinnimada, balse, maaha middaad taqaannay, ee ku dhisnayd talka iyo
tagoogta. Wuxuu yiri Abwaan Gaarriye (AUN) mar kale;

 

Abkuu doono ha sheegtee

Wuxuunbaa ehel ii  ah

Dad ninkaan af aqaane

Si wax iila arkaaya

Na mideyso ujeeddo

 

Waxaan leeyahay haddey garan
waayeen madax ku sheeggu ama ay ka hoos baxday, miyey garan waayeen Hay’adaha
dawladdu, sida Warfaafinta, Akademiyadda IWM? Miyey garan waayeen qorayaasha
iyo Abwaannada Soomaaliyeed, qofku markuu dalkiisa iyo dadkiisa u shaqeeyo
isagoo waajibkiisa gutey inuu mudan yahay in la muuneeyo lana maamuuso nolol
iyo geeri? Iiga darane, miyey garan waayeen madaxda ururrada bulshada ee uu
xubinka ka ahaa Marxuum Shariif Saalax?.

Waajibka qarannimo saw ma ahan in muwaadinka
Soomaaliyeed noloshiisa iyo geeridiisaba uu helo maamuus? Hubaal inaan qof
walba AAS QARAN loo samayn karayn, balse, dadku iskuma jiree, Marxuumkani waa
nin dalkiisa iyo dadkiisaba waxtaray waxna u galay, aanse looga mahadcelin  oo lagu abaal dhacay.

 

Wuxuu yiri Abwaan Salaan Carrabeey

 

Waxba yaanu xeerkey i marin,
Xoolana i siine

Xaashee nin libin kaa xistiyey,
Xumihi waa yaabe.

 

Waxaan ku soo gunaanadayaa  tixdan kooban

 

Geeriyaay fogeeyaay

Gacalkiyo waxgaradkiyo

Guurtida dhammeeyaay

Gobonnimo ka dheeraay

Geesiga hal adag iyo

Halyeeyada god galisaay

Imisaad Garaad iyo

Guud caddaa Suldaaniyo

Odayaal gumaaddoo

Godka ciil la galayoon

Loo gudin abaalkood?.

 

Gallin hore Tuubeecaad

Codkii aad ka goysoo

Gurbaanka iyo Cuudkii

Fankuu gaarka u lahaa

La god galay daraaddaa!

 

Ileeyn Kaban garaac ma leh

Googoos  malaha Cuud

Mar haddaan cod gaariyo

Fannaan gaar ka haynoo

Galbinaynin heesaha.

 

Sooyaal gureeyaha

Ga’da buugga dhigi jiray

Gaar hayaha afkeenniyo

Taariikhda guunka ah

Ma galbaday Shariifoo

Ma ka guurey dunidii

Isagoonan loo gudin

Loo galin waxuu galay

Suugaanya gabay iyo

Geeraarro loo tirin

Gurboodkiyo carruurtiyo

Gabannada haddeer kacay

Gole looga sheekayn.

 

Dadku kala garaad weyn

Guushana la kala mudan

Guudka sare Shariifbaa

Gacal iyo xigaalooy

Garashiyo Aqoon iyo

Darajaba ku gaaree

Guubaabo iyo hadal

Guullaheey bartii Janno

Ha ku geeyo mudankeed.

 

Waxa gooha igu riday

Igu reebay gocoshada

La gilgishay dareenkeey

Waxa gaabshay taladii

Aaskii Shariif guray

Oon guddoon ba loo dirin

Loo yeelin guddi iyo

Maamuuski Gole haga

Garabkiisa loo maray

Gaasiray xabaashiis!

Geeridu xaq weeyee

Layskama garaabee

Qofba waa gaddeesiyo

Gallinkiisa tiisehe

Ma garbaa dadkaygoow

Miyaan laga gaboobayn

Gaabisyada na kala dilay?.

 

Maansada gunteediyo

Guurowga curintiis

Waxaan uga gol leeyahay

Halabuurradii go’e

Gabbal dhacay sidii bay

Gablantada adduunyadu

Kala goysay araxdood

Guuraha hayaankiyo

Geeddi aanan wadan sahan

Bulshadii ku guurtaye

Goormay dagaysaa

Gago iyo Gabiib maran?

 

Dhammaad.

 

Maansada (Gablan) qoraha 21/03/2014

 

Bashiir
M. Xersi

brdiraac@hotmail.com

www.bilediraac.wordpress.com   

Viewing all 54547 articles
Browse latest View live