Guddoomiyaha Jaaliyadda Puntland Ee Dalka Sweden Oo Si Weyn Uga Dhexmuuqda Doorashooyinka Sweden, Isagoo Noqday Qofka Kaliya Ee Asal Ahaan Kasoo Jeeda Somalia Oo Ka Qayb Galaya Doorashooyinka Dalkaasi.
Xassan Khaliif Faarax, waa gudoomiyaha Jaaliyadda Puntland ee Dalka Sweden waxa uu bilo ka hor ku guulaystay inuu ka mid noqdo xubnaha u tartamaya ka mid ahaanshaha baarlamaanka degmada Sigtuna oo ka tirsan degmooyinka magaalada caasimadda u ah Sweden ee Stockholm.
Arintaas ayaa macneheedu yahay, in marxalado iyo shuruudo kala duwan la marinayo qofkasta oo Swedish ah , una diyaar garoobay inuu u tartamo xildhibaanimo gole deegaan ah, shuruudahaas ayaana u badan kuwo adag oo aan qof kasta oo dhalashada Sweden haysta uusan buuxin karin.
Xassan Khalif ayaa si rasmi ah u buuxiyay uguna guulystay shuruudihii la hor dhigay waqtigaas., iyadoo 8, March, 2014 loo ansixiyay inuu yahay musharax u tartamaya xildhibaan golaha deegaanka degmada Sigtuna, degmadaas oo ka tirsan degmooyinka hoos yimaada caasimada Sweden ee Stockholm oo la isku yiraahdo “Weyn-Stockholmslän”.
Doorashooyinka Dalka Sweden Iyo Axsaabta Ka Dhisan.
Dalka Sweden waa dal ku dhisan nidaam dimquraadi ah , waxaana 4-sano mar ka dhaca doorashoyinka golayaasha deegaanka iyo kuwa madaxtinimo ee dalkaasi una dhexeeya 8- xisbi siyaasadeed oo wadankaasi ka dhisan, iyadoo xisbigii ku guulaysta masuuliyadda dalka uu yahay xisbi kusoo baxay kalsoonida iyo codka uu ka helo baarlamaanka Sweden.
Baarlamaanka Sweden ayaa ka kooban 346 mudane,waxaana soo doorat 9-milion oo ku nool dalkan iyadoo inta codka bixin karta lagu qiyaaso 7-milion halka 2-miloin ee kalena ay isugu jiraan caruur iyo dad aan shuruudaha doorashada buuxin karin.
Musharax Xassan Khaliif ayaa sidoo kale xubin buuxda ka ah xisbiga ugu weyn dalka Sweden ee la yiraahdo (Socialdemokraterna), xisbigan ayaa sanado badan dalka soo hogaaminayay wuxuuna siyaasad ahaan aamisan yahay siyaasadda dhinaca bidixda u jan jeerta, waxaana siyaasaddaas ku weheliya xisbiyo kale oo ay wada shaqayn kala dhaxayso, kuwaas oo kala ah xisbiga (MiljöPartiet) iyo xsibiga (Vänsterpartiet).
Xisbiga Socialdemokraterna ayaa ku guulaystay 3 doorasho oo lasoo dhaafay kana dhacay dalka Sweden sanadihii 2002 oo uu helay 21 kursi ,2006 oo uu helay
21 kursi iyo 2010 oo uu helay 23- kursi, taasoo ka dhigan inuu tirade ugu sarraytsa ka helay helay codadkii la bixiyay, sidaasna uu ku hantay hogaanka wadankaasi.
Degmada lag asoo dooranayo Musharax Xassan Khaliif ee Sigtuna kommun waxaa maamulayey oo haystay codka aqlabiyada ee dadka ku nool degmadaas 12-kii sano ee la soo dhaafay xisbiga Socialdemokraterna, waxaana lagu qiyaasaa hada dadka degan Sigtuna 41,000 oo qof, waxaana codeyn karta qiyaastii 36,000 oo qof.
Xisbiga ugu weyn dalka Sweden ee la yiraahdo (Socialdemokraterna), iyo axsaabta kale ee xulufada la ah ayaa haddii ay guulaystaan soo dhisi doona dowlad wadaag ah waxaana ra’iisal wasaare ka noqon doona ninka hogaaminaya xisbiga Social demqratiga ee magacisa la yiraahdo Stefan Löfven iyadoo laga sugayo markuu guulaysto inuu soo dhiso dawladda wadaaga ah.
Faa’iidooyinka Laga Dhaxlay Musharxnimada
Gudoomiye Xassan Khalif.
Musharax Xassan Khaliif Faarax ayaa baal dahab ah ka galay taariikhda dalka Sweden, maadaama uu noqday muharaxii ugu horeeyey ee taariikhda markii ugu horraysay degmada Sigtuna iska soo sharaxa, mana aysan dhici jirin doorashooyinkii hore in degmadaan Sigtuna uu soo galo musharax Soomaaliyeed ama ka soo jeeda qoomiyadaha kala duwan ee Afrikaanka ah kuwaas oo ku dhaqan degmadan Sigtuna.
Arrintaas ayaa waxa ay horseed u noqotay in xisbiga (Socialdemokraterna), uu si rasmi ah u taageeray Xassan Khaliif, isla markaana u aqoonsaday shakhsi karti, aqoon iyo hufnaan leh, wax tar badana usoo kordhin kara guud ahaan dalka Swden iyo degmada Sigtuna , gaar ahaana dadka Soomaalida ah ee dalkaasi ku nool.
Musharax Xassan ayaa sidoo kale noqday qofka kaliya ee kasoo jeeda Somalia gaar ahaana Puntland oo ka qayb galaya doorashooyinka dalka Sweden, isagoo tageero badan ka haysta Somalida wadankaas degen iyo dadka kale ee ajnabiga ah.
Gudoomiye Khalif ayaa waxa uu liiska xildhibaanada tartamaya kaga jiraa lanbarka 49-aad , isagoo buuxiyay dhamaan shuruudaha hor yaalla qofka doonaya inuu u tartmo baarlamaanka degmooyinka dalka Sweden.
Taageerada uu xisbiga (Socialdemokraterna) siiyay Xassan Khaliif Faarax ayaa cadaynaysa sida ay Dawladda Sweden u doonayso in dadka Somalida ahi ay ka dhex muuqdaan saaxadda siyaasadda ee dalka Sweden, waxaana musharaxu uu ka dhex muuqda 50-ka qof ee ugu horeeya isagoo rajadiisuna ay aad u sarrayso,
Muxuu Hiigsanayaa Musharax Xassan Khaliif .
Musharax Xassan Khaliif Faarax oo waddanka Sweden ku noolaa sanado badan ayaa si weyn ula qabsaday luuqadda,dhaqanka iyo nidaamka siyaasadeed ee dalka Sweden, wxuuna ballan qaaday inuu wax qabad muuqda u samayn doono degmada Sigtuna iyo dadka Soomaaliyeed ee dalkaasi ku dhaqan.
Musharax Xassan “ waxaan rabaa inaan ka shaqeeyo arrimo badan haddii aan helo codka aqlabiyadda ee dadka degan Sigtuna, arrimahaas ayaa waxaa ka mid noqon doona la dagaalanka cunsuriyadda iyo midab takoorka, horumarinta waxbarashada iyo caafimaadka, arrimaha guryaha iyo deegaanka, daryeelka caruurta iyo waayeelka .
Dadka Soomaaliyeed waxaan ka taageeri doonaa la qabsiga dalka iyo fahanka luuqada Swedishka, waxaan sidoo kale ka shaqaynayaa sidii loo dabar goyn lahaa afkaarta khaldan iyo dacaayadaha dadka soomaalida ah ee Sweden degan laga fidiyo oo la yiraahdo, soomaalidu ma aha dad shaqaysta laakiin waa dad caydh qaata arrimahaas oo runtii been abuur ku ah Soomaalida Sweden wax qabad muuqda ayaan ka samayn doonaa anigoo la kaashanaya xisbigay iyo golaha xildhibaanada” ayuu yiri Musharax Xassan.
Musharax Xassan Khaliif ayaa tilmaamay inuu sii wadi doono ololihiisa dhanka siyaasadda ee uu ka wado dalka Sweden isla markaana haddii uu helo codka kalsoonida uuna noqodo xildhibaan inuu doorashada danbe ee sanadka 2018-ka isu sharixi doono baarlamaanka guud ee dalka Sweden.
WAXQABADKIISA HADDII UU KU GUULEYSTO JAGADAN:
- In qoysaska kala maqan uu dib ubilaabi doono in loo keeno dadka kala maqan uuna dowladda Sweden arintaasi ka dhameyn doono
- In xiriirka Soomaaliya iyo Sweden uu hagaajin doono isagoo saxaya waxyaabaha
horay uqaldamay sida qaxooti aan Soomaali aheyn oo dalka Sweden ku jooga
Soomaalinimo in dib arintaasi loo eego. - In xiriirka dhinaca diblomaasiyada uu kala shaqeeyo safaarada Soomaaliya ee
Sweden, kadibna uu si wanaagsan u xiriirin doono arintaasi.
In uu wafdi uu hogaaminayo ku booqan doono dalka Soomaaliya si labada
dhinac ay iskugu soo dhawaadaan arimaha horumarinta iyo daryeelka qaxootiga
Soomaalida.
Hadaba waa qof ceynkee ah Mudane Xasan Khalif Farax:-
Mudane Xasan Khalif Farax waa nin lagu yaqaano karti iyo halabuur, wuxuuna arimahaani ku muteystay isagoo inyar jooga dalka Sweden in uu ka muuqdo maantay saaxada siyaasadeed ee dalka Sweden. Waa hal abuurle, dhaqdhaqaaqiisuna uu badanyahay, kasbasho badan, xiriirka uu la leeyahay bulshadana ay tahay mida ugu wacan in uu muujiyo siyaasadaan.
Aqoontiisa, Taariikhda Dhalashadiisa iyo Waxbarashadiisa.
Xassan Khaliif Faarax waxa uu ku dhashay deegaanada Puntland sanadkii 1983-dii,
Xasan wuxuu ka baxay dugsiga Al-imam Alnawawi ee magaalada Bosaso, sidoo kale waxa uu ka mid ahaa Ganacsatada Magaalada Bosaso, waxa uu sidoo kale xubin fir-fircoon ka ahaa ururrada bulshada ee Puntland isagoo shirar caalami ah iyo ku gudaha ah ka qayb galay mudadaasi , wuxuu jaamacadiisa heerka degreega ku sameeyey Preston University, wuxuu isla Master-tiisa ka qaatay isla jaamacada isagoo ku sameeyey Banking and Finance.
Waxa uu sidoo kale shahaadooyin kale ka qaatay cilmiyada Computer-ka , IT-ga, IR-ta ama xiriirka caalamiga ah iyo waxyaalo kale oo dheeraad ah.Waqtigii uu dalka kusoo labtay waxa uu mudo sadex sano ah la shaqeeyay hay’adaha QM ee Puntland, ka dib waxa uu magaalada Djabuti kaga qayb galay doorashadii Madaxweynihii Hore ee Somalia Sheikh Sharif Sheikh Axmed.
Shaqadii uusoo qabtay Xasan Khalif Farax:
Dr.Xasan khalif Farax wuxuu soo qabtay howlo kala duwan sida isagoo lasoo shaqeeyey local NGO’s, wuxuu xogheyn guud ee qeybta lacagaha usoo noqday ra’iisal wasaare Cumar Cabdirashiid.
Ka hor intii uusan is casilin Ra’iisal Wasaare Cumar Cabdirashiid waxaa Xasan Khaliif waxbarasho loogu diray dalka Sweden halkaasi oo uu ilaa waqtigan ku sugan yahay waxna ka barto.
Wuxuu ka noqday dalka Sweden guddoomiyaha jaaliyadda ee Puntland, wuxuu hadana ku guuleystay inuu aasaaso ururka dadka laga tirabadanyahay ee Soomaaliya ku nool, hadda waa musharax utaagan golaha deegaanka ee SIGTUNA ee dalka Sweden.
Taariikh Nololeedka Xassan Khaliif Faarax Oo Kooban.
Weblinks:
Web link Exchange
Websites Friends
SONNA http://sonna.net
HALGANKA http://halganka.net
SOMALI-NEWS http://somali-news.com
GAMESINDEX http://gamesindex.co.uk
BINH http://binh.biz
SOMALIINDEX http://somaliindex.co.uk
Qurandownload http://qurandownload.org
AZVOX http://azvox.net
AZVOX http://azvox.com
Webdesigncompany24 http://Webdesigncompany24.com
Webdesign36 http://Webdesign36.com
Webdesiger-nin http://webdesigner-in.co.ukhttp://binh.bizhttp://clouda.co.ukhttp://cmscasts.comhttp://coloindex.nethttp://drupaltraining.bizhttp://games-trailers.co.ukhttp://gamesindex.co.ukhttp://halganka.comhttp://holiday-to.euhttp://holidays-to.comhttp://homesgb.co.ukhttp://internfinder.co.ukhttp://jobslog.co.ukhttp://newsindex.co.ukhttp://quraan.euhttp://qurandownload.orghttp://resor.co.ukhttp://serverburst.co.ukhttp://serverburst.nethttp://shopislam.orghttp://somali-music.nethttp://somali-news.comhttp://somaliindex.co.ukhttp://somaliindex.comhttp://somaliindex.nethttp://somaliindex.co.uk