Dadaalkii loogu jiray maamul u sameynta goboladda dhexe ayaa qarka u saaran in lagu kala qeybsamo iyadoo madaxweynaha dowladda Federaalka Soomaaliya uu dadaalkii ugu danbeeyay ugu jiro badbaadinta kala jab ku yimaada maamulkaasi, waxayna wararku sheegayaan in saddex qeybood loogu kala qeybsan yahay dhismaha maamul KMG ah oo ay yeeshaan goboladaasi.1. KOOXDA DHUUSAMAREEB
Kooxdani waxaa saldhig u ah oo gogosha u dhigay beesha Ceyr inteeda badan, waxaana kadib ku biiray xubno kala duwan oo saameyn ku yeeshay, iyadoo ay taageero ka helay beelaha degaankaasi intooda badan oo gaaraya 13 beelood. Kadib furitaankii shirkaasi waxay odayaasha isugu tegay Dhuusamareeb fadhiya is tuseen inaysan dan badani ugu jiran shir ay u tagaan degmada Cadaado, waxaana ugu wacan iyadoo ay saameyn ku yeesheen siyaasiyiin ku xiran Itoobiya.
Dhibaatada ugu weyni waxay noqotay kalsooni darro dhex taalla reer Cadaado iyo Dhuusmareeb oo ku saabsan mustaqbalka cidda hogaanka dowlad goboleedkaasi yeelan doonta iyo fadhiga maamulkaasi. waxaa muuqata in reer Dhuusamareeb iyo odayaasha shirkaasi fadhiya aysan ku qanacsaneyn shirka Cadaado, iyagoo u arka in taladu farahooda ka bixi doonto haddii ay xitaan shirka Dhuusamareeb.2. KOOXDA CADAADO
Kooxdani waxaa saldhig u ah beesha Saleebaan, waxaana jiray qorshe hore oo dowladda federaalka dhigtay kaasoo heshiis lagu ahaa in shirka maamul u sameynta gobollada dhexe lagu qabto Cadaado. Waxaa reer Cadaado ay isbaheysi leeyihiin Galmudug ama haddii si kale loo yiraahdo waxaa is fahamsan maamuladii Galmudug iyo Ximin & Xeeb, laakiin waxay isku haleeyeen dowladda Federaalka iyagoo sidaas ku waayay taageerada beelihii kale ee gobolka la deganaa oo dhinaca Dhuusmareeb raacay.
Kooxda Cadaado waxaa ka go’an in shirka maamulka lagu dhisayo ay marti geliyaan, iyagoo heshiis hoose kula jira madaxda dowladda federaalka, laakiin marka ay ugu fiicnaato waxay ku tiirsan yihiin dadaalka madaxweynaha oo haddii uu fashilmo, shirkoodiina meesha ka baxayo ay qeyb ka mida kooxo is haya ay noqon doonaan.Ka billow bidix: Axmed Cabdisalaam, Axmed Fiqi iyo Cabdikariin Guuleed3. KOOXDA GURICEEL
Kooxdan waxay soo baraarugtay xilli danbe, waxaana iyadoo dhan abuuray ama gadaal ak riixaya Itoobiya oo laga yaabo inay raacdo-reeb u yihiin, waana xaalad gaara ah iyadoo muddooyinkii ugu danbeeyay caddeeyay inaysan taageersanayn dhammaan maamul usameynta socota, iyaguna ay xaq u leeyihiin. Kooxdani oo heshiis KMG ah oo xabad joojin ah kula jira dowlada Federaalka waxay dhinac xagjir ah ka taagan tahay labada kooxood ee is haya, waxaana jira qorshe kale oo kooxdan ku jira shir kale oo laga yaabo inuu ka dhaco degmo kamida Galgaduud oo looga dhawaaqayo shir kale oo maamul loogu dhisayo gobollada dhexe.
Marka aad eegto sida wax u socdaan waxaa kuu soo baxaysa in waxa ugu weyn ee la isku heysto ay tahay hogaanka maamulka la dhisi doono oo u baahan in haddaba laga heshiiyo oo cidda ay quseyso isla gartaan inta aan shirba la furin mid socdana la xirin. Madaxweynaha iyo dowladda federaalka waxaa ka muuqda inay wax u qarsoon yihiin laakiin la wada ogyahay taasoo ah inay C/kariin Xuseen Guuleed u dooneyso hogaanka Gobollada Dhexe maamulkiisa inta ay taasi jirtana waxaa jiri doona is mari waaga dhex yaala dhinacyada iyo beelaha ay isu keentay degaaadaa gobolada dhexe.
Waxaa meesha ka baxay mushaxirii Aala-sheekh ee , waxayna hadda sheekadu u muuqataa mid isugu biyo shubatay labada siyaasi ee C/kariin Xuseen Guuleed iyo Axmed C/salaan Xaaji
Ugu danbeyn waxay xaajadu ku danbeyn doontaa is afgarad madaxweynuhu dhaliyo isagoo runta ka sheegaya waxa dowladiisu damacsan tahay ama kala jab ay ka dhashaan laba ilaa saddex maamul oo kala duwan taasoo ayaandarro ku noqon doonta dadka dhibaateysan ee gobolkaasi, waxaana xusid mudan iyo madaxda, siyaasiyiinta iyo odayaasha fara badan ee ku qulqulaya degmooyinkaasi ay intooda badan weligood halkaasi u tegin wax u qabashada dadka ee ay geysay oo qura xil iyo kursi raadis.
Isha: Goobjooge
Weblinks:
Web link Exchange
Websites Friends
SONNA http://sonna.net
HALGANKA http://halganka.net
SOMALI-NEWS http://somali-news.com
GAMESINDEX http://gamesindex.co.uk
BINH http://binh.biz
SOMALIINDEX http://somaliindex.co.uk
Qurandownload http://qurandownload.org
AZVOX http://azvox.net
AZVOX http://azvox.com
Webdesigncompany24 http://Webdesigncompany24.com
Webdesign36 http://Webdesign36.com
Webdesiger-nin http://webdesigner-in.co.ukhttp://binh.bizhttp://clouda.co.ukhttp://cmscasts.comhttp://coloindex.nethttp://drupaltraining.bizhttp://games-trailers.co.ukhttp://gamesindex.co.ukhttp://halganka.comhttp://holiday-to.euhttp://holidays-to.comhttp://homesgb.co.ukhttp://internfinder.co.ukhttp://jobslog.co.ukhttp://newsindex.co.ukhttp://quraan.euhttp://qurandownload.orghttp://resor.co.ukhttp://serverburst.co.ukhttp://serverburst.nethttp://shopislam.orghttp://somali-music.nethttp://somali-news.comhttp://somaliindex.co.ukhttp://somaliindex.comhttp://somaliindex.nethttp://somaliindex.co.uk
