Sidii Caadada Inoo Ahayd Xeer Jajabkeenii Aynu Dalka Ugu Tudhaynay Ayuunbaa Laga Hadli
Hargyesa(Waaheen)-Sadexda xisbi qaran ayaa yeeshay kulankoodii ugu horeeyay ee xal loogu raadinaayo khilaafaadka siyaasiga ah ee ka dhashay mudo kordhinta golaha guurtidu uu shaanbadeeyay.
Shirkan oo uu gudoominayay madaxweyne ku xigeenka Somaliland Cabdiraxmaan Ismaaciil Saylici waxa ka hadlay guddoomiyayaasha sadexda xisbi qaran oo sheegay in loo baahan yahay in xal siyaasi ah la gaadho soona bandhigay ajandahooda.
Ugu horayntii guddoomiyaha xisbiga talada haya ee Kulmiye Muuse Biixi Cabdi oo warbaahinta la hadlay waxa uu yidhi “Waxaanu bilawnay shirkii sadexda xisbi ay kaga hadlayeen arimaha doorashooyinka kaas oo uu gudoominaayay madaxweyne kuxigeenku, shirku bilaw ayuu ahaa markii aanu arimaha isla eegnay waxaanu ku heshiinay ajandii shirka iyo sida aanu u gudo gali lahayn anaga oo si walaaltinimo ah oo niyad sami ah oo qolo waliba si degan oo masuul ah u soo fikirtay, markaas waxaanu isla meel dhignay qodobadii muhiimka ahaa iyo qaabka uu shirku u soconaayo, waxaanu ku heshiinay in shirka ajandihiisu uu noqdo in arintaas qoloba meel iska taagtay ee dib u dhaca doorashooyinka in aanu helno xil siyaasi ah oo sadexda xisbiba ku qancaan oo aanu gudahayaga ka dhamaysano, waxaanu isla qaadanay in Khamiista iyo Jamcaha ay qolo waliba isku noqoto oo sabtida aynu furno doodii ahayd arintan sidee ayaynu uga baxnaa oo ajandii si toos ah loo galo.”
Guddoomiyaha xisbiga mucaaradka ah ee Waddani Cabdiraxmaan Maxamed Cabdilaahi (Ciro) ayaa isaguna dhankiisa waxa uu warbaahinta u sheegay sidan “Waxanau nimi gogashii xukuumaddu ay u dhigtay sadexda xisbi qaran,waxaana shirkaas guddoominayay madaxweyne ku xigeenka Jamhuuriyada Somaliland markii aanu isku nimi waxaanu ka doodnay wax laga wada hadlaayo, waxa laga wada hadlayaa waxa uu noqday khilaafka ka dhashay go’aanka mudo kordhinta ee golaha guurtida asxaabtu meelo kala duwan ayay kala joogeen laakiin waxaanu isla garanay in xal siyaasi ah la doono,asxaabtuna u soo waranto dadkoodii Sabtidana laysu soo noqdo xal siyaasi ahna loo raadiyo khulaafkan mudo kordhinta ka dhashay.”
Faysal Cali Waraabe guddoomiyaha xisbiga mucaaradka ah ee Ucid ayaa isaguna dhankiisa waxa uu halkaas ka yidhi“Waxaanu u fadhiisanay arin adag, waa rintaas gaadhay markii ugu horaysay golaha amaanka ee qaramada midoobay waliba waxa ku faanay ninkii Somaliya haystay(Nikolos Key ) oo yidhi waxaanu ku boorinay in wada hadal la furo, isagu naguma boorin ee anaga ayaa keenay arintan anagu ma nihin reer Somaliya iyaga ayuu u yeedhiyaa, inaga ayuu inaga yimi oo waa wax aynu leenahay.”
Faysal oo hadalkiisa sii wataa waxa uu yidhi“Hadii aanu Ucid nahay labadan xisbi ee kale labadaba waa loo kordhiyay oo laba nin oo loo kodhiyay ayaanu la fadhinay oo daafacaya mawqifkoodii xisbiga kaliya ee aan loo kordhin waa anaga, Ciro iyo Siilaanyaba waa loo kordhiyay aniga ayuunbaan waxba lay kordhin, markaas waxaanu ku hesiinay in aan laga hadal ma sharcibaa mise sharci daro waayo sharciga mar hore ayaynu keebka gashanay oo maalmahanba kuma shaqayno, in aynu xal doono weeye, sidii caadada inoo ahayd xeer jajabkeenii aynu dalka ugu tudhaynay ayuunbaa laga hadli, asxaabtaydiina waanu kula noqon, Sabtida ayaanu soo saari doonaa wax umadda ka farxiya cadawgana ka nixiya.”
19
(function(d, s, id) {
var js, fjs = d.getElementsByTagName(s)[0];
if (d.getElementById(id)) return;
js = d.createElement(s); js.id = id;
js.src = "//connect.facebook.net/en_US/all.js#xfbml=1";
fjs.parentNode.insertBefore(js, fjs);
}(document, "script", "facebook-jssdk"));
Weblinks:
Web link Exchange
Websites Friends
SONNA http://sonna.net
HALGANKA http://halganka.net
SOMALI-NEWS http://somali-news.com
GAMESINDEX http://gamesindex.co.uk
BINH http://binh.biz
SOMALIINDEX http://somaliindex.co.uk
Qurandownload http://qurandownload.org
AZVOX http://azvox.net
AZVOX http://azvox.com
Webdesigncompany24 http://Webdesigncompany24.com
Webdesign36 http://Webdesign36.com
Webdesiger-nin http://webdesigner-in.co.ukhttp://binh.bizhttp://clouda.co.ukhttp://cmscasts.comhttp://coloindex.nethttp://drupaltraining.bizhttp://games-trailers.co.ukhttp://gamesindex.co.ukhttp://halganka.comhttp://holiday-to.euhttp://holidays-to.comhttp://homesgb.co.ukhttp://internfinder.co.ukhttp://jobslog.co.ukhttp://newsindex.co.ukhttp://quraan.euhttp://qurandownload.orghttp://resor.co.ukhttp://serverburst.co.ukhttp://serverburst.nethttp://shopislam.orghttp://somali-music.nethttp://somali-news.comhttp://somaliindex.co.ukhttp://somaliindex.comhttp://somaliindex.nethttp://somaliindex.co.uk
