Qisadaan Cajiibka badan hadii aay ku dhaaftay qeybaheedii hore ee aadka u xiisaha badnaaA RIIX HALKAAN OO AKHRISO QEYBIHII HORE EE QISADAANBilloowgaA Qeybtii Ugu Danbeysay SheekadiiA Khiyaamo rag iyo Garaad haween.
Galb nimadii intii aan la 'addimin salaaddii Makhrib ayay Xaliimo u anba baxday gurigii ay degganaayeen Daa'uud qoyskoodu. Waxa jooga Hooyadii Waris, iyo laba hablood oo ay walaalo yihiin kana yar yar isaga. Waxa ay ka codsatay in ay u yimaaddaan caawa salaadda makhrib ka dib.Waxa ay u sheegtay in ay hawl muhiima leedahay oo ay u baahantahay sidaa awgeedna aanay uga maarmi karin.
Sidoo kale waxa ay telefan u dirtay Qoyskii ay ka dhalatay iyadu (Xalimo) Waxa ay la hadashay Habar yarteed Saado, oo ah Hooyaddeedii labaad ee soo korisay markay dhimatay Hooyadeed Muxubbo. Markay labadii qoysba telefon u dirtay ayay Daa'uudna la hadashay oo ay isagana ka codsatay in uu goor hore yimaaddo, mar haddii caawa guriga marti badani imanayso.
In kasta oo uu is ku dayay in la fasaxo martidana ay iyadu la joogto haddana way ka diidday kuna adkaysatay go'aankeedii ahaa in uu yimaaddo caawa. Ma uu garan u jeeddada la iskugu imanaayo, oo kama buu fikirin in ay Xaalimo qorshahan ku jirto. Haddii Makhrib la soo tukaday waa ku wan Habo Saado iyo Gabadh ay dhashay soo garaacay Albaabkii guriga. Il bidhiqsiyo ka dib waa Hooyo Waris iyo labadeedii hablood.
Markay aragtay in lawada yimi ayay Muuse oo ah Waris curadkeedii oo ka wayn Daa' uudna la hadashay oo ay ku tidhi "dumaashi baryahan kumaan arage haddaad wakhti hesho maad na soo mari fiidka." Isna Allaa u sakhiraye hadalba kama keninoo waaka "haye dumaashi marka Cashaayi laga soo baxo ayaan idin soo marayaa." Yidhi.
Xaliimo waxa ay la fadhiisatay ehelkii labada dhanba ka socday ee ay iskugu yeedhay iyadu. Iyaga oo yaabban isna waydiinaya waxa caawa jira ayuu Daa'uudna albaabka soo garacay. Way kacday Xaliimo si ay uga furto una yara nasiso inta uu u soo galaayo Dadka u fadhiya guriga. Isaga oo hurdada fadhiya oo aan wali soo bixin ayuu Muusana soo galay. "Haaa Muuse soo dhawoow walaal", ayay Xaliimo ku salaanatay Muse.
Mar alla mar kuu Daa'uud arkay Muuse oo guriga yimi ayuu dhakafaary oo uu yidhi wallee waxa caawa socdaa waa wax wayn.
Muuse ayay qol kale fadhiisisay, ka dibna inta ay Dumarkii u gashay ayay ku tidhi "Muuse iyo Daa'uud ayaa idiinsoo galaaya" Hadda ayuu qof waliba dhab u yaabay, qofna ma garan karo waxa socda iyo sida wax u socdaan.
Daa'uud oo dhegta iyo indhaha a taagaya ayay Xaliimo ku tidhi qolka fadhigaa lagaa sugaya Daa'uudoow. In yar ka dibba waakan isaguna qolkii galay. Bariido Wanaagsan ayuu ku salaamay gacal iyo xigaalba. Haddii uu dabada uun kursigii fadhiga la helay Muusana soo gal oo Xaliimaa ku tidhi "qolka fadhiga ayaa caawa sheeko ka soctaa oo reerkii baa iskugu yimiye ku soo dhawoow."
"Waa yahay dumashi" inta uu yidhi ayuu soo kacay. "Alla oo caawa ma halkanaa la iskugu yimi, Hooyo Saado ii warrama. Ee hooyo sidee tahay. Waar Daa'uud xaalkaaga ka warran walal ayaantan kumaan arage." Waakaa Muusana madashii ku bariidiyay. In ka yar saacad ayaa la sheekaysatay Daa'uud wadnaha gawda haya, in caawa arrimo waa wayni jiraan oo uu bad ku jirana is garay oo sansaanaka meesha ayaa u sheegay.
Xaliimo ayaa la wada sugayaa, maxaa yeelay martiqaadka iyada lahayd oo dadka iskugu yeedhay. In tii aan la ogaan u jeedada kulanka ayay hooyo Waris hadal kii bilawday "Hooyo Daa'uudoow ilmihii yaraa malla helay?" Daa'uud ayaa la wada eegay, waayo Xaalimo iyo Waris mooyee cid kale ma oga. Isna inta uu naxay ayuu is yidhi waad ka shifantay oo hooyaa ku ogaatayba.
Xaliimo may hadal oo waxay sugaysaa bal waxa uu ku jawaaboA "Hooyo mayee wali waa la raadinayaa" ayuu si aad u cod gaaban ah ugu yidhi Hooyo Waris.
Xaliimo ayaa hadalkii bilawday, waxa ay u mahad celisay Ilaahay, markii xigayna odaygeeda Daa' uud oo ay sheegtay in uu ku ammaanan yahay ogolaanshaha gurigiisa in ay yimaaddaan martidani, walibana ogolaaday in uu xilli hore yimaaddo oo uu kala soo qayb galo cawayska. Ugu danbayntiina waxay u mahadnaqday Waalidkeed iyo walaalahed, sida qummanaanta iyo qaddarinta leh ee ay ugu yimaadden.
Intaa markay dhammaysatay ayay gudashay khudbad ay ka fikiraysay todobaadkay mashquulsanaydba.
"Waxa aan caawa idinku yeedhay intiinaas oo qof arrin dhawaan soo baxday, se barri hore dhacday oo farxad ah. Hase abaatee la innaga qariyay oo aynaan ogayn, in aad ogaataan. Saygayga Daa'uud waxa aan u haystay sida uu maankayga ku dabacay, idinna aad u qabteen sidii aad ku arki jirteenba in uu aniga oo kaliya uu I qabo oo aan xaaskiisa ahay.
Arrintaasi se waa mid xaqiiqada ka fog, waxa uu guursaday muddo sannado laga joogo ka hor, waxa uu leeyahay xaas labaad oo Deeqa la yidhaa, waxa ay u dhashay 4 carruur ah oo uuu Yaxye ugu yar yahay. Waxa uu u guursaday baahi uu u qabo, waxa se uu iiga qariyay baahi uu anna ii qabo. Waxa ay ka ogolaatay in uu qariyo, markaasay ka yeeshay in uu dharaartii oo kaliya ay xaas u ahaato. Hadal iyo dhammaan Waan u duceeyay, oo waa walaashay, carruur carrurtayda la walaalana way u dhashay. Yaxye oo aan 2 dharaarood haystay ayaa sabab u noqday in aan u damqado."
Intaa markay tidhi ayay baxday oo ay Yaxye gacanta soo qabatay. Waxa ay soo dhex is taajisay qolkii, dadkii way wada ammakaageen, Daa'uud uu foorarsaday Yaxyena waxa uu ku dhegay aabbihii Daa'uud. Hooyo Waris ayaa is tagtay oo ku dhegtay ilmihii alla hooyo Hoogay ma k waasu naga qariyay ayay tidhi inta ay ku dhegtay Xaliimo. Xaliimana waxay hadal ku goysay" wax kastaa way dhammaadeen. Daa'uud Yaxye kaxee oo ugee hoyadii hooyo Warisna ha ku raacdo salaanna iga gaadhsii xaaskaaga Deeqa. Idin kana ducaanu idinka baahanahay iyo garab is taag."
Qof waliba isaga oo la yaab dhabannada haysta ayuu sara kacay. Daa'uudna oo hin iyo ilmo ka socota mooyee wax kale waa laga waayay. Yaxyena waxa kaxeeyay Xaliimo, Muuse, habo Saado iyo inanteedii.DHAMAAAAAAAAAAAAAD
Weblinks:
//-->
Web link Exchange
Websites Friends
SONNA http://sonna.net
HALGANKA http://halganka.net
SOMALI-NEWS http://somali-news.com
GAMESINDEX http://gamesindex.co.uk
BINH http://binh.biz
SOMALIINDEX http://somaliindex.co.uk
Qurandownload http://qurandownload.org
AZVOX http://azvox.net
AZVOX http://azvox.com
Webdesigncompany24 http://Webdesigncompany24.com
Webdesign36 http://Webdesign36.com
Webdesiger-nin http://webdesigner-in.co.ukhttp://binh.bizhttp://clouda.co.ukhttp://cmscasts.comhttp://coloindex.nethttp://drupaltraining.bizhttp://games-trailers.co.ukhttp://gamesindex.co.ukhttp://halganka.comhttp://holiday-to.euhttp://holidays-to.comhttp://homesgb.co.ukhttp://internfinder.co.ukhttp://jobslog.co.ukhttp://newsindex.co.ukhttp://quraan.euhttp://qurandownload.orghttp://resor.co.ukhttp://serverburst.co.ukhttp://serverburst.nethttp://shopislam.orghttp://somali-music.nethttp://somali-news.comhttp://somaliindex.co.ukhttp://somaliindex.comhttp://somaliindex.nethttp://somaliindex.co.uk