Kooxo Burcad Koofur Afrikaan ah ayaa xalay ku dilay duleedka Magaalada Cape town ee dalkaas Ganacsato Soomaali ah, markii ay weerareen goobo ganacsi halkaas ku yaala.
Weerarka ay fuliyeen burcada Koofur Afrikanka ayaa waxaa ku dhintay labo ganacsato, halka ay ku dhaawacmeen saddex kale.
Wararka ayaa sheegaya in kooxahaas ay dhac iyo boob u geysteen goobihii ganacsiga ay lahaayeen soomaalida, iyagoo qaatay hanti fara badan.
Falkan ayaa ah kii u horeeyay ee bishan ka dhacay duleedka magaalada Cape Town, inkastoo bilihii la soo dhaafay si xiriir ah u dhacayeen dilalka lagula kacayay ganacsatada soomaalida.
Ganacsatada Soomaalida ee ku dhaqan dalka Koofur Afrika ayaa la kulma tacadiyo kala duwan oo isugu jira dil, dhaawac iyo boob loo geysto goobahooda ganacsi.
↧
Burcad Koofur Afrikan oo Ganacsato Soomaaliyed ku dilay duleedka Cape Town
↧
