Radio Muqdisho Oo Barnaamij Gaar Ah Ka Sameeyey Mashaqadii Maanta Muqdisho Ka Dhacday Ee Shaamoow Laba(Dhageyso)

Radio Muqdisho Codka Jamhuuriyadda Soomaaliya ayaa barnaamij gaar ah ka sameeyey mashaqadii maanta ka dhacday magaalada Muqdisho taasi oo ay ku naf waayeen dad badan oo Soomaaliyeed kuwaasi oo u badan Arday ku hamineysay inay Mustaqbalkooda Waxbarasho sii wataan .
Ardayda goobta ku naf weysay waxa ay isugu jiraan Laba qeybood oo kala ah:-
Qeyb ku guuleysatay imtixaanka ay u galeen deeqda Waxbarasho oo usoo aaday xarunta Wasaaradda Waxbarashada inay qaataan Fiisooyinkii iyo Tikidadii u fududeyn lahaa inay dalka Turkiga Waxbarasho u aadan.
Iyo Qaybta kale oo ah Arday hada dooneysay inay buuxiyaan Foomamka imtixaan gelista si ay uga qeyb qaataan imtixaanka loo galayo deeqda Waxbarasho oo iyaguna saakay u yimid Xarunta Wasaaradda Waxbarashada,Hidaha iyo Tacliinta Sare inay heleen waraaqihii ay imtixaanka ugu fariisan lahaayeen.
Hadaba Barnaamijkaan ayaa waxaa uu ka hadlayaa qaabka ay dhacadadu u dhacday iyo xanuunka ay Umadda Soomaaliyeed ku reebi karto waxaana ka qeybgalaya Waxgaradka indhaha u ah Bulshada iyo Ardayda Soomaaliyeed ee Wax kabarata Jaamacado ku yaala dalalka Caalamka qaarkood.
Riix Halkaan Si Aad U Dhageysato Barnaamij Gaar Ah Mashaqadii Shaamoow 2 Tabiye Jayte Farsamo Cabaas