Ciidamo farabadan oo kuwa dowladda ah ayaa saakay lagu arkayaa wadada maka almukarama iyagoo baaraya baabuurta qaar halkaasi isticmaala.
Arintan ayaa timid kadib markii ciidamo farabadan oo ka tirsan Alshabaab ku soo dhowaadeen wadada iyagoo doonaya iney ka go'doomiyaan dowladda Garoonka diyaaradah muqdisho.
Boqolaal ciidamada dowladda kuwooda militariga oo ku hubeysan baabuurta dagaalka ee Tiknikada ayaa laga soo saaray xeryaha ay ku jireen Xalane, warshadii hore ee Nac-Naca iyo fariisimo kale oo ay Muqdisho ku lahaayeen, ciidankan ayaa saaka lagu arkayey iyagoo gaaf-wareegayo jidka Makka Al-Mukarama.
Qaar badan ciidamadan dhawaan ayey dalka yimaadeen kadib tababar ay ku soo qaateen dibadda, dad deegaanka ah waxay sheegeen in ay arkayeen ciidamo si aad ah u hubeysan oo aagga dhaqdhaqaaq ka wada.
Wadadan waxaa maalmahan ka socdan dagaallo, iyadoo ay ku soo dhawaadeen Al-Shabaab oo doonayo in ay mar gacanta ku dhigaan jidkan si ay dowladda KMG go'doon ugu noqota madaxtooyada iyo garoonka diyaaradaha ee magaalada Muqdisho.
Makka Al-Mukarama waxaa si weyn u adeegsado ciidamada mas'uuliyiinta iyo ciidamada dowladda iyo waliba sidoo kale gaadiidka AMISOM.
Ciidamada Alshabaab ayaa la sheegayaa iney ka fogeyn iyagoo ku sugan meelo kamid ah degmada Hodon oo ey dhowaan la wareegeen