Abuu Muscab, Afhayeenka ciidamada Alshabaab oo la hadlay warbaahinta qaarkood ayaa sheegay in xalay ciidamada Alshabaab ee sida ba'an u tababaran waa siduu hadalka u dhigaye ay xero-taraar ku galeen dhufeys uu ku jiray mid ka mid ah ciidamada AMISOM ka dibna askerigaas looto (sur-gooyo) ku dileen.
Dhanka kale waxaa sheegashadaas Alshabaab gaashaanka u daruuray afhayeenka AMISOM kaas oo ku dooday in wax ciidan ah aan laga dilin, xero-taraarna waa halkiisee aysan Alshabaab xitaa ku dhicin in ay ka soo ag-dhowaadaan saldhigyadooda.
Waxaan oo dhan ayaa dhacaya xili dagaalo shacab ku hoobtay ay hadda ka socdaan magaalada Muqdisho.
halgankanet@gmail.com
