Faroole oo Taageeray Farogelinta Kenya ee Somalia

Madaxweynaha Puntland C/raxmaan Faroole ayaa teegeeray faragelinta Kenya iyo Howlgalka ciidamada Kenya ay ka wadaan Koonfurta Somalia. Waxaana uu sheegay in ay xaq u leeyihiin in ay la dagaalamaan Al-shabaab.
Faroole oo hadda ku sugan Magaaladda London, halkaasoo uu kaga qaybgalayo shir la xiriira Burcad-badeeda ayaa hadalkan ka sheegay,mar uu waraysi siiyay Laa’nta Afka Somalia ee BBC-da
“ aanigu waxaan u arkaa inay caawinayaa wallaalahood Goboladaas degan oo qaxootiga ku jooga dalkooda, oo alshabaab ka soo saareen Dhulkoodii oo ku dhibaataysnaa, oo ay al-shabaabkaas ay ka mid yihiin Kenyan iyo kuwo wadamo shisheeyo ka yimid sida Baakistaan, Afganisatan, iyo Afrika ka yimid” ayuu yiri
“Waxaan kaloo u arkaa , mar haddii iyaga gudahoodii loo soo galay, oo lagu sameeyay rabsho dhaqaalahoodii iyo Dalxiiskoodii, in ay wax iska dhiciyaan. Awal baan hore uga malaynaynay in ay caawiyaan, oo ka caawiyaan (Dowladda Somalia) in magaalooyinka Waaweyn ee Jubbooyinka ku yaala in la qabto” ayuu sii raaciyay
“ Annigu ma arko, cabsina kama qabo, intay Kenaya Somalia Qabsato ay haysato” ayuu sii raaciyay
Mar la waydiiyay Madaxwaxweyn Faroole, inay dhici karto, sidii dhacday xiligii Ethiopian soo galeen Somalia, In uruka Al-shabaab Taageero ka helo shacabka, wuxuuna yiri
“Taas ma filayo, waayo Alshabab waa ururkii ugu xumaa ee soo mara Soomaaliya, dhibaata badan ayayna shacabka u geysteen.”