Safiirka Soomaaliya u fadhiya dalka Yugaandha Sayid Axmed Shiikh Daahir oo munaasab Askar Soomaaliyeed tababar loogu soo gebagebeeyay ka hadlayay ayaa muujiyay sida ay ka dowlad ahaan uga xun yihiin qasaarihii nafeed ee ka dhashay qaraxyadii magaalada Kampala.
Safiirku wuxuu tacsi qalbiga ka soo go'day u diray guud ahaan Reer Yigaandha gaar ahaan Eheladi ay ka geeriyoodeen dadkii ku dhintay qaraxyadii mataanaha ahaa ee ka dhacay Kampala kuwaas oo ku dhowaad boqol qofood noloshooda galaaftay.
Dowladda Yugaandha ayuu sidoo kale safiirku uga mahadceliyay kaalmada ciidan ee ay u fidisay Dowladda Soomaaliya waloow uusan soo hadal qaadin xasuuqa ay ku hayaan ciidamada Yugaandheesku Shacabka Soomaaliyeed ee ku dhaqan magaalada Muqdisho.
Si kastaba arintu ha ahaatee waxay hadalka safiirku dad badani ku tilmaameen mid ay ka muuqato naxariis la'aan maadaama hadda oo aan hadleyno madaafiic ka soo dhacday Qoryaha Ciidamada Yugaandha ay ku dhinteen shacab fara badan oo aan wax shuqul ah ku laheyn dagaalada Dowladda looga soo horjeedo.