Wasiirka arrimaha gudaha iyo amniga qaranka Soomaaliyeed Cabdisamad Macalin oo ka mid ahaa ergadii Nayroobi la tagay Ra'iisal wasaare Gaas ayaa sheegay in madaxweynuhu uu ergadan safarka ay Nayroobi ku soo aadeen ka dambeeyay.
Cabdisamad wuxuu dhanka kale sheegay in madaxweynaha iyo ra'iisal wasaaraha uusan u dhexeyn wax khilaaf ah oo ku saabsan safarka Nayroobi, waxaana uu ku dooday in Kenya ay xaq u leedahay dagaalka ay dalkeeda ku difaaceyso.
Lama oga waxa uu madaxweynuhu ka sameyn doono ama sameyn karo heshiiskii shalay ay magaalada Nayroobi ku kala saxiixdeen Ra'iisal wasaare Gaas iyo Ra'iisal wasaare Raila Odinga, heshiiskaas oo dhigayay in wadajir loola dagaalamo al Shabaab.
Kal hore ayeey aheyd markii uu madaxweyne Shariif shacabka u sheegay in uusan raali ka aheyn faragelinta Kenyaatigu ay ku sameynayaan Soomaaliya.