Jaaliyada Puntland ee Qadar “Hambalyo Soomaalaay

Warqad Katimid: jaaliyadda PL eek u dhaqan waddanka QATAR
Ku: dhammaan shacabka soomaaliyeed meel ay joogaanba
Ku: dhammaan shacabka puntland
Ku: dawlad goboleedka PL.
Ujeeddo hambalyo iyo Bogaadin.
Rag isku calool ahi ceelna waa biyeeyaan colna waa celiyaan , isku duubnida iyo is walaaleysiga shacabka soomaliyeed guud ahaan ma,ahayn wax cir ka soo dhac ah ee wuxuu ahaa maamuus uu hidda ulahaa dadkeennu intii aysan gabraaratadu fool xumayn hidahaas qiimaha lahaa , hasa yeeshee gabbalkooda sii dhacaya & hanuunsanaanta bulshada soomaaliyeed eeku dhaqan PL ma ahayn wax dhayal ah laakin waxay mar walba ahaayeen kayd rabi u qorsheeyay shacabka soomaaliyeed in ay hoygaas colaad iyo cayrba ilaah kaga nabad geliyo.
Waa mahad ilaah in manta maamulka PL uu u gudbay galayna marxalad aan 30kii sano ee dawladuhu shaqaynayeen aysan gaarin, arrintaan oo tusaale u ah dadka soomaaliyeed intooda wanaagga jecel waxayna dhabarjab ku tahay gabraaratada iyo booli quutayaasha laga daahay  khayraadka dhulkooda nooc walbaba ha ahaadee , dhinaca kale waxaa hambalyo aan lasoo koobi Karin aan halkaan uga jeedinaynaa dhallin yaradii hawshaan u xaydatay oo wakhtigoodii iyo maalkoodiiba u huray guushaan soomaaliya usoo hoyatay oo haddii aysan ayagu udhaqaaqin aan marna suura gasheen, waxaa kale oo ammaan mudan xoogagga ammaanka PL oo ayagu intaa la harjadaya adkaynta nabad gelyada gobolka oo haddii aysan nabaddaani jidheen aysan  suurtoobi lahayn  horumarka dhaqan dhaqaale ee ay manta bulshadu ku naalloonayso,waxaan kale oo aan halkaan ka hambalyaynaynaa gabdhaha PL oo ayagu ah astaanta sharafta iyo
karaamada soomaaliyeed ad adaygga iyo waxtarkuna waa sababta mudnaanta koowaad siisay badbaadada dhallaanka PL oo la orankaro waa dhallaanka kaliya ee soomaali manta isku hallayn karto , waxay
kaloo ahaayeen gabdheheennu kuwa dhowrsoonaa dhaqankooda ilaaliyay isla markaana dhisay bulsha caafimaad qabta, hadaysan gobolkaan jiri lahayn bulsha caafimaad qabtana aysan suura gal ahaateen in wax horu  mar ah lagaaro, waxaa kale oo aan halkaan ka hambalyaynaynaa dhammaan qaybaha kale ee bulshada gaar ahaan culumaa, diinka , shaqaalaha , macalimiinta, ganacsatada iwm.
Waxaana ilaahay ka baryaynaa inuu noo gargaaro oo na samata bixiyo.