Maxkamadii xukuntay wariyihii horseed radio ee dhowaan lagu xiray mgaalada Boosaso ayaa sheegtay maaanta iney sii deysay wariyaha kadib markii qareen uu u doodayey sheegay iney sharci darro tahay.
Iyadoo horay loogu riday agaasimaha idaacada Horseed Media xukun gaaraya ilaa iyo 6 sano oo xarig ah iyo ilaa iyo $500, ayaa maanta maxkamada waxa ay ku dhawaaqday in ay go aankaasi ka laabatay.
Arintaan ayaa waxa ay ka danbaysay ka dib markii culey la saaray madaxwynay Puntland oo haatan Itoobiya kulmo kula leh saraakil ka tirsan EU-da waxaana wararka aan heleyno sheegayaan inuu isagu amray in la sii daayo wariyaha kadib markii ey codsadeen madaxdii la kulmayey.
Agaasimaha idaacada Horseed Media C/fitaax Jaamac Mire, oo mudooyinkaan xabsiga ku jiray ayaa horey loogu xukumay ilaa 6 sano oo xarig ah iyo waliba $500, asagoo aanan loo qaban wax khareen ah oo u dooda.
Maxkamada darajada Koowaad ee magaalada Boosaaso ayaa waxa ay sheegtay in kiiska wariye C/fitaac jaamac Mire dib loodhigay mudo todobaad ah, ka dibna maxkamada la soo taagi doono.
Xariga iyo xukunka C/fitaax Jaamac aya waxa uu ka danbeeyay ka dib markii idaacada Horseed Media ay waraysi la yeelatay Sheekh Maxamed Saciid Atam oo ah hogaamiye diimeed ka soo horjeeda dowlada Puntland.