Dibad balaaran ayaa wuxuu maanta ka dhacay magaaladda caasimadda ah ee
muqdisho, iyadoo ay soo qaban-qaabiyeen qeybaha kala duwan ee bulshada
rayidka, waxayna aad u ammaaneen ku simaha Raaisal Wasaaraha dowladda
kmg C/Waaxid Cilmi Goonjeex.
Dibad baxaan ayaa wuxuu ka dhacay barxadda weyn ee ku taalla Ex Fiyoore
ee soodinta degmooyinka Xamar weyne iyo Wardhiigley, halkaa oo ay iskugu
yimadeen, Haween, caruur iyo qeybaha kala duwan ee wax-galka bulshada.
Dibad baxayaashaan ayaa waxay sheegeen in uu Goonjeex yahay nin fur
furan oo wax qaban kara, isla-markaana waxay sheegeen in mudada gaaban
ee uu xilka haayay uu isbadal sameeyay, iyagoo sheegay in uu ku banaan
yahay Raaisal Wasaaraha Somaliya.
Sidoo kale waxay madaxweyne Shariif ay ka codsadeen in uu C/Waaxid Cilmi
Goonjeex uu ka dhigo Raaisal Wasaaraha dowladda kmg ee Soomaaliya,
waayo bay yiraahdeen waa nin wax-qabad leh, waa sida ay hadalka u
dhigeen-e.
Dhanka kale waxay si diiran ay u soo dhaweeyeen guusha ay ciidamadda
dowladda ka gaareyn mujaahidiinta Al Shabaab iyo Xisbul Islaam,
isla-markaana waxay ugu baaqeyn in shaqadooda ay halkaasi kasii wadaan.
Isku-soo wada-duuboo dibad baxaan ayaa wuxuu kusoo aadaayaa xilli laba
todobaad oo qura uu xilka Raaisal Wasaarenimo uu haayo mudane C/Waaxid
Cilmi Goonjeex.
Daawo Sawirada