Wararka ka imaanaya magaalada Beledweyne ayaa sheegaya in saaka halkaas ay ka taagan tahay xaalad aan deganeyd ka dib markii ciidamada Alshabaab saraakiisha hogaamisa ay xalay magaalada isaga baxeen.
Bixitaan Saraakiishan ayaa waxaa sababay baa la leeyahay Ciidamo Itoobiyaan ah oo aad ugu soo dhowaaday magaalada kuwaas oo sida muuqata ku soo fool magaalada Beledweyne.
Dadka deegaanka ayaa xaqiijiyay in inta badan Ciidamada Alshabaab iyo saraakiishoodi hogaamineysay ay isaga hayaameen magaalada Beledweyne waloow meelaha qaar ay weli ku sii sugan yihiin, waxayna dadku muujinayaa cabsi xoogan maadaama ay suurtagal tahay in magaalada lagu dagaalo.
Saraakiisha Alshabaab ayaa u soo dhaqaaqay magaalada Buuloburde waxaana adag in saraakiishaas lala xiriiro oo warar xiisad taagan ku saabsan laga helo.
Wixii war ah ee soo kordha dib ayaan idiinkaga soo gudbin doonaa.
