Madaxweynaha Yugaandha Musaveni oo warbaahiyayaasha kula hadlay magaalada Kampala ayaa sheegay in uu la kulmay mas'uuliyiin ka socotay QM islamarkaana kala hadlay aayaha dambe ee Ciidamada AMISOM.
"QM waxaan isku afgaranay in ay kordhiyaan lacagaha ay ku bixiyaan ciidamada AMISOM" Madaxweynaha Yugaandha oo farxadi ka muuqatay ayaa hadalkaas u sheegay warleydii uu warka siinayay.
"Amaanka iyo kala dambeynta in aan soo celintooda gacan ka siino Dowladda Soomaaliya ayaan Muqdisho u joognaa waana wax muhiim ah in QM dhaqaalaha u sii kordhiso ciidamada AMISOM" Sidaas waxaa warbaahiyayaasha u xaqiijiyay Madaxweynaha Yugaandha oo neefi ka soo fuqday markii uu xaqiiqsaday in ciidamadiisu Soomaliya dhimasho iyo dhaqaale intaba ka helayaan.
Musaveni ayaa horay u sheegay in uu ciidamo lixaad leh oo nabadda dhaliya Soomaaliya u dirayo haddii lacag la siiyo tanina waxay hadda ka turjumeysaa sida QM ay ugu heelan tahay dhaqaale ku bixinta Hawlgalka AMISOM ee sida Soomaalidu qabto aan la mahadin.