Magaalada Sirta ee dalka Liibiya ayaa waxaa maanta ka bilaabanaya shir uu oday ka yahay Mucamar Al-Qadaafi, shirkaas oo ay ka qeybgalayaan madaxda dalalka Afrika iyo kuwa Jaamacadda Cararbta.
Mucamar Al-Qadaafi ayaa saakay arroortii hore u sheegay warbaahinta in Shirka lagu lafa-guri doono xaalada cakiran ee Soomaaliya iyo dhibaatada dul saaran Shacabka Soomaaliyeed mudada dheer.
Madaxweyne Shariif oo shirkan qeybqaadanaya ayaa la filayaa in uu ka hadlo xaalada siyaasadeed iyo mid mujtamaca ee hadda dalka ka jirto iyo weliba horumarka ay dowladiisu ku talaabsatay mudadii ay jirtay.