Tayib Dubad Yuusuf, Wasiirka arimaha dibadda Jibuuti ayaa maanta magaalada Muqdisho safar aan lasii shaacin ku soo gaaray magaalada dagaalada la ildaran ee Muqdisho.
Wasiirka ayaa waxaa madaarka Muqdisho ku soo dhoweeyay xukuumada Soomaaliya oo uu hor joogay Ra'iisal wasaare Farmaajo iyo weliba xubno kale oo Golaha Wakiilada ka tirsan.
Farmaajo ayaa sheegay in ay ka xukuumad ahaan aad ula dhacsan yihiin booqashada uu wasiir ka socda dowladda Jibuuti ku yimid magaalada Muqdisho, dowladaas oo u diir naxaysa Soomaalida dhibaateysan waa siduu Ra'isal wasaaruhu hadalka u dhigaye.
Wasiirka arimaha dibadda Jibuuti ayaa dhankiisa muujiyay taageerada ay u yahaan dowladda Soomaaliya oo sida uu sheegay shacab iyo dowlad intaba aysan Reer Jibuuti u kala harin taageerideeda.
Jibuuti ayaa horay u balan qaaday in ay Soomaaliya u soo direyso ciidamo ka qeybqaata hawlgalka loogu yeero Nabad ilaalinta ee AMISOM.