Ardayda Somaliyeed ee Jaamacadda MMU ee dalka Malaysia oo guul balaaran soo xira geliyay “Daawo Sawirada”

Barnaamij xiiso badan oo loogu talla gallay in
arday kasta ay kusoo bandhigto Hidaha iyo Dhaqanka uu lee-yahay dalalka ay ka
kala yimaadeen ayaa waxaa lagu qabtay Jaamacadda  Multimedia
University “Malaka Compus” ee dalka Malaysia.

Barnaamijkaan oo mid si-weyn loo-soo agaasimay
ah ayaa waxaa ka qeyb qaatay arday aad u fara-badan oo ka kala yimid dalal kala
duwan, waxaana laga xusi karaa dalalka ay ka kala yimaadeen sida Somalia,
Sudan, Ethiopia, Saudi Arabia, Syria, Iran, Indonesia, Malaysia iyo dalal kaloo
aad u fara-badan.

Ardayda Soomaaliyeed ee waxbarashada u joogta
jaamacaan ayaa xil weyn iska saaray, sidii ay kusoo xiro gellin lahaayeen, guul
balaaran oo ay ku qanci karaan dhamaan ummada Soomaaliyeed, isla-markaana sida
quruxda leh ay ardayda Soomaaliyeed isu hawleen ayaa waxaa la-dhacay dhamaan
ardaydii ajaaniibta ahayd, ee ka qeyb qaadaneysay barnaamijkaan oo mid aad u
xiiso badan ahaa.

Arday kasta ayaa waxay soo bandhigtay Hidaha
iyo Dhaqanka uu lee-yahay dalalka ay ka kala yimaadeen, isla-markaana waxay
arday kasta ay ku rajo weyneed in’ay guusho u soo hooyaan dalalkii ay ka
yimaadeen, nasiib wanaag ardayda Soomaaliyeed ee Jaamacadda MMU ayaa waxaa u
suurta gashay in’ay iyagu ku guuleystaan ardaydii ugu wanaagsaneed ee soo bandhigta
Hidaha iyo Dhaqanka ugu wanaagsan ama ugu qurxoon.

Gudigii Qimeynta ee barnaamijkaan ayaa sheegay
in ardayda Soomaaliyeed ee Jaamacadda MMU in’ay ku guuleysteen soo bandhigita
Hido iyo Dhaqan aad u qurux badan, misana laga soo shaqeeyay in muddo ah.

Dhamaan ardayda Soomaaliyeed ee waxbarashada u
joogta MMU ayaa si wanaagsan ugu farxay, kadib markii dalka Soomaaliya
loo-caleemo saaray in uu yahay dalka ugu wanaagsan, ama ugu Hido iyo Dhaqan
qurxoon, intii dhaqan ee halkaasi lagu soo bandhigay.

Suurta gellinta barnaamijkaan ayaa waxaa gacan balaaran ka
geystay gudoomiyaha ururka ardayda Somaliyeed ee jamacada multimedia university
(MMU) ee dalka Malaysia Liban Maxamed Mursal 
, Maxamuud Mahdi  gudoomiye ku
xigenka ardayda Somaliyeed ee jamacada multimedia university, C/Fatax
Muuse  “Degdegeeyso” , Mahamed C/Laahi
Jaamac “Burtinle”, Naciima Xasan Aadan , Xaniifa Moxamed Ibrahim iyo Sahra
C/Laahi Jaamac.

Waa markii labaad oo Jaamacadaan lagu soo
bandhigo Hidaha iyo Dhaqanka uu yahay, dalalka ay ka kala yimaadaan ardayda
faraha badan ee Jaamacadaan u jooggo waxbarashada qeybaheeda kala duwan.

Farah Osman Jimale

faarix@yahoo.com

Melaka, Malaysia