Waxaa maanta magaaladda Kismaayo ee Gobolka Jubbada Hoose lagu gawracay laba nin oo dhalinyaro ah, iyadoo shacabka ku dhaqan magaaladda Kismaayo ay amuurtaasi ka muujiyeen argagax xoog leh.
Meydadka labadaan nin oo qoorta laga soo jaray, ayaa waxaa maanta la-soo dhigay meel si weyn ugu dhaw garoonka diyaaradaha ee magaaladda Kismaayo, iyadoo aan la-ogeyn sababaha dhabta ah ee loo-gawracay.
Meydadka labadaan nin oo aan la-aqoonsan, ayaa waxaa dilkooda loo-maleeyay inay ka dambeysay Xarakada Al Shabaab, maadaama ay iyadu sameyso dhacdooyin noocaanoo kala ah, isla-markaana gacanta ku heyso magaaladda Kismaayo oo dhan.
Shacabka ku dhaqan magaaladda Kismaayo oo arintaan argagax xoog leh ka muujiyay, ayaa waxay qaarkood ay warbaahinta u sheegeen in arintaan ay iska cadahay cidda dhabta ah ee ka dambeyso.
Xarakada Al Shabaab ayaanan ka hadlin dhacdadaan oo ay maanta walaac xoogan ka muujiyeen, shacabka ku dhaqan qeybaha kala duwan ee magaaladda Kismaayo ee Gobolka Jubbada Hoose.
↧
Laba nin oo lagu qalay magaaladda Kismaayo iyo shacabka ku dhaqan magaaladda Kismaayo oo argagax ka muujiyay
↧