Hay'addaha gargaarka ee ka howlgala xeryaha Dhadhaab ayaa maanta joojiyay qeyb ahaan shaqooyinka gurmadka ay ka wadaan xeryahaasi.
Shaqo-joojintan ayaa waxay ka danbeysay kaddib markii shalay xeryahaasi laga afduubtay laba ka tirsan shaqaalaha gar-gaarka oo u shaqeynayay hay'adda MSF Spain.
Labadan shaqaalaha ah oo ah laba haween ah ayaa niman hubeysan ay shalay afduubteen iyagoo sidoo kalena dhaawac gaarsiiyay darawalkii waday.
Ilaa hadda lama oga meesha la geeyay shaqaalahan la afduubtay, balse mas'uulliyiinta Kenya ayaa sheegay inay ka shikisan yihiin in ddadka afduubta geystay ay yihiin Soomaali.