Deegaanka Raage Ceele wararka laga helayo ayaa sheegaya in halkaas uu ku dhexemaray iska hor-imaad hubeysan dadka deegaanka iyo xoogagga al Shabaab.
Iska hor-imaadkan oo ka dhacay deegaanka Buulo Xoor Cad ayaa waxaa ku dhintay sida la soo sheegay laba qofood oo dadka deegaanka ka tirsan iyo hal askari oo al Shabaabka ka tirsanaa.
Dagaalkan ayaa ka bilowday sida la soo weriyay weerar ay al Shabaabku ku qaadeen Hoy ay deegaanka Buulo Xoor Cad ka degantahay Haween halkaas caan ka ah.
Dhaawacyo iyo qasaare maaliyadeed ayaa dhanka kale deegaanka uu dagaalku ka dhacay ayaa laga soo sheegayaa waxaana sidoo kale jira dad ay al Shabaabku halkaas ka kaxeysteen.
Iska hor-imaadyada noocan oo kale ah ayaa mudooyinkan dambe soo batay waxaana hadda muuqata in dadku ay ku dhiirinayaan ka horimaanshaha al Shabaabka deegaanadaas ku xoogga badan.
halgankanet@gmail.com