Shirkii Kooxda Xiriirka Caalamiga Oo Lagu Soo Gebagebeeyay Jabuuti

Shirkii Kooxda xiriirka caalamiga ah ee ICG ee ka soconayey magaalada Jabuuti ayaa maanta si rasmi ah loo soo gebogebeeyey ayadoo dhinacyadii ka qeybgalayna ay isla gaareen go’aanno dhowr ah.
Munaasabadii xiritaanka shirkaasi ayaa waxaa khudbado ka jeediyay mas’uuliyiin uu ka mid ahaa R/wasaare C/weli Gaas oo tilmaamay in la isku afgartay waxyaabihii looga hadlay shirkaasi isagoo soo dhaweeyay qodobadii ka soo baxay shirkaasi.
Qodobadii shirkaasi ka soo baxay ayaa waxaa ka mid ahaa in la dhowro heshiiskii Kambala isla markaana la hirgeliyo qorshaha nabadda ee Roud Mapka si looga baxo waqtiga kala guurka ah, in maamullo loo sameeyo meelaha laga saaray shabaab ama laga saari doono iyo qodobo kale oo ay ka mid ahaayeen ka qeybgalka shirka London.
Shirkan ay yeesheen kooxda xiriirka caalamiga ah oo shalay furmay ayaa maanta la soo gebagebeeyay iyadoo looga hadlay xaaladda dalka iyo sidii loo taageeri lahaa shacabka iyo dowladda Soomaaliyeed.
Haddii Aad Joogtid Europe,USA iyo Canada Wararka iyo Barnaamijyada ka baxa Radio Muqdisho ee ku dhaafa ka Dhageyso Taleefonkaaga adigoo garaacaya:-
Yurub                                            +442035190460
USA & CANADA                         +17124327760