Maamulka degmada Burco ee Togdheer ayaa xabsiga u taxaabay dhalinyaro sida la sheegay ku hawlanaa dhaqdhaqaaqyo ammaanka lidi ku ah.
Gudoomiyaha gobolka Togdheer ee Somaliland oo saxaafada la hadlay ayaa daboolka ka qaaday in ay xirixireen dhalinyaro ka yimid meelo ka baxsan degmada Burco, dhalinyaradaas oo sida uu ku dooday looga shakiyay in ay maleegayeen mu'aamarado ka dhan ah ammaanka gobolka.
"Dhalinyradan waxay ku jiraan Xabsiga magaalada Burco waxaana ku socda Baaritaan, cidii dembi lagu helo waa la maxkamadeeynayaa cidii kale ee aan waxba lagu helinna waxaa loo soo celinayaa xorriyadooda.
Maamulka Somaliland ayaa ka mid ah maamulada sida weyn ula dagaala waxa loogu yeero Argagixisada waxayna weliba dadka ay qabteen qaarkood u gacan geliyaan Itoobiyaanka, Itoobiyaankuna waxay u sii beec geeyaan Mareykanka.