Isgoysyada Baar Ubax, SOS iyo Ex-Koontarool Balcad ayaa waxaa maanta meydad shan gaaraya soo dhigay xoogaga Xisbul islaam oo maalmihii la soo dhaafay dagaal xoogan kula jiray Ciidamada Dowladda.
Meydadka oo ay ka muuqatay rasaas aad u fara badan oo xubnaha jirkooda qaar jarjaray ayaa waxaa markii ay Xisbul islaamku soo dhigeen Laamiyada ku soo duday shacab doonayay in ay arkaan wejiyada Meydadka si ay u aqoonsadaan.
Meydadka oo qaarkood la aqoonsaday ayaan weli laga qaadin meeshii ay la soo dhigay cabsi laga qabo xoogaga Xisbiga dartood waxaana la filayaa in caawa goobahaas laga qaado si loo xabaalo.