Dadka dunidan dulsaaran waxaa lagu kala soocaa af iyo addin, micnaha
waxaa lagu kala saaraa dhawaq iyo dhudhun, haddaan si kale u dhaho,
waxaa lagu kala duwaa dibna hadal iyo duud heeryo, dabcan, deegaan
dayran iyo dabeecad duummanna ha daleel marin, xeer beegti, xukun
dhigan, xeyndaab xiran iyo xuduud xeeranna xaf ha uga gudbin.
Soomaalida waxaa lagu tiriyaa, umudaha dunida korkeeda ku nool kuwooda
ugu afka hodonsan, dabcan, Anigu isuma marqaati kicine, waxaa marag
furay afleyda umadaha kale, qiimayn badan, qotomin fog iyo qiyaas dheer
ka dib, illeen usha saar, isha mari iyo afka ka sheeg kuma imaane,
malahayga Carabiga ayaa naga horreeya ma ahane, afafka kale, waa hore
ayaan luxudka ku soo ogaannay.
Midawgii labada gobal ee Waqooyi iyo Koofur ka dib, iyo curashadii
Jamhuuriyadda Dimoqoraadiga Soomaaliya, waxaa maamulkii dalka hoggaanka u
qabtay laba af gumaysi, waa Ingiriis iyo Talyaaniye, dabcan, Carabigana
ha dhaafin, oo marti aan la moogayn ahaa. Sidaa waxaa ugu wacnaa af
soomaaliga oon qornayn! Ku hadlid iyo hawraar isku dhihid waa lahaa,
haba jiraan dhawaq guri, dhihid degmo iyo dhaajin tuulee.
Waxaase la isla keeni waayey afka la adeegsanayo, illeen aqoonyahan
kasta ama maamule kasta af gaara ayuu soo bartaye, Intii Waqooyiga ka
timid nin walba wuxuu adeegsan jiray Ingriiska, halka inta Koorfurta
joogtayna ay adeegsan jireen Talyaaniga, oo ah dabcan, labadii dawladeed
oo kala gumaysatay labada gobal, Carabigu wuxuu u ahaa dhextaal, laga
yaabee qofku inuu yaqaanno iyo inuusan aqoon, sidaa ayuu ku ahaa
“Barbarre” micnaha aan dhanna hayn.
La yaabka dhacay ayaa ah, in marka xafiis dhambaal u diro xafiis kale,
jawaabta u imanaysa xafiiska dhambaalka diray ay ku qoran tahay afkii uu
ku diray ma ahan af kale, maxaa yeelay, labada masuul ee is
weydaarsanaya dhambaalka, ayaa midba af gaara soo baartay, mana jirin af
u dhexeeya oo qoran, oo ay ku kala haqab beelaan.
Sidaa ayaa xaalku ku socday sanadihii dawladdii loo baxshay
“Musuqmaasuqa” kollay magacyo kale waa jiri karaan, ma ahan muddo yar,
waa ku dhawaad toban sano, intaa waxaa sii dheeraa, inay jirtay aragtiyo
qalloocan, oo ahayd qofkii aan af qalaad aqoon inuusan waxba ahayn,
maya, inuusanba u qalmin inuu dal maamulo danna maareeyo, layaab, qofkii
aan Bujuuq bujuuq dhihi karin, waxaaba laga dhigay gun aan gobta la
garrami karin!
Hadduu curtay Kacaankii Ciidanka sanaddii 1969-kii, ayna dhalatay
“Dawladdii Hantiwadaagga” ayaa loo hawlgalay qorista afka, laba sano ka
dib waxaa la hirgaliyey af soomaaliga, 21-kii Octobber sanaddii
1972-dii, hubaal in loo qabay laxawjeclo aad u weyn iyo hamuun  badan,
si fududna ku dhaqangalay barnaanmijkii “Ololaha Barashada af
Soomaaliga”.
Maalintaa, waa maalintii afka la qoree iyo maalintii ay jirtay af
la’aanta, micnaha xafiisyadu ay wada adeegsanayeen afaf qalaad, ayaa
Abwaan Cali Sugulle “Dun Carbeed” curiyey heestan hirgashay ee heegada
sare gaartay, waa heesma? Ma filayo inay maankiina hees kale ku soo
dhacayso, waa heestii “Af qalaad aqoontu miyaa?” xareedintii iyo luuqdii
Xaliimo Qaliif “Magool” iyo Xasan Diiriye Faarax, Allaha u wada
naxariisto. Aamiin.
Maalintaa maanta waxaa laga joogaa afartan gu’, waxaa biya kama dhibcaan
ah, in xiisihii shalay loo qabay aan maanta loo qabin, maya, waxaaba
marag ma doonta ah, in dad badan kugu qashimaysanayaan marka aad af
soomaali ku hadasho, haddaanba lagu oran: “Yaa, maxaad tiri?” dabcan,
mar walbana lagugu dhahayo afkaa markaa la adeegsanayo, kuu doono ha
ahaadee.
Dadka qaar, marka aad erayo uusan garanayn adeegsato, wuxuu isla markii
la soo boodayaa, war ma af soomaali baad ku hadlaysaa, mise af Jinni?
Xukunka koowaad waa kaa, balse, kuma weydiinayo, eragaa maxaa looga
jeedaa? Maxaa laga wadaa, iyo macnihiisu waa maxay? Midna.
Haddaba, aan u daadego dulucda qormada, marka adoo wax tabanaya wax kale
laguugu daro ayaa la yiraa: “Luq/Lur horaa laqanyo kicisa” ama “Anoo
oyn rabaa Sacu Seynta igu dhuftay” si kale, waxaa loo yiraa: “Anoo hore u
socda ayaan taraanturrooday”
Ujeedku waa, Anoo la yaabanaa Carabiga Madaxweyne Shariif shaaric walba
la taagan yahay, ayaa waxaa noogu darsoomay Ra’isul wasaare Gaas,
Madaxweynaha kuma dhibsan, kumana qabsan, illeen isagu umadda uguma
qudbeeyee, dabcan,  markuu Wadaadaynayo kuma darin, ee uu jilayo
Khadiibe, iyo marka uu ducada guud dirayo, balse, inta kale dadweyaha
wuxuu wax ugu tabiyaa Soomaali, haba u badnaado Carabiye, illeen waa tii
la yiri: “Weel walba wixii ku jiraa ka fiixa!”.
Qosolku wuxuu ahaa markii Amiin Camir, waa farshaxanaystaha weyne, uu ka
sameeyey sawir gacmeed. Waxaa ku sawrinaa laba askari midi Gambar ku
fadhiyo, midka kalana taagan yahay, dabcan qorina garraarsan yihiin.
Waxay daawanaayeen shaashad/dhalo [Muuqtuse] hortooda taallay, oo
madaxweyne Shariif ka dhex muuqday, isagoo ka qeybgalay shirkii London,
waxaana  gadaashooda taagneyd qof dumar ah. Midkood ayaa dhahaya:
“Aamiin, Aamiin” midkii kale ayaa wuxuu ugu jawaabayaa: “Ilaah ha ka
aqbalo ducada, Aamiin” qofka dumarka ahayd ayaa ku tiri: “War doco ma
ahan ee waa khudbaddii ayuu afka Carabuga ku aqrinayaa!”.
Dhibka jira ayaa se ah, in marka aad dhagaysato muxaadaro wadaad, aadan
kala garanyn wadaadkani ma Soomaali ayuu wax u sheegayaa? Mise Carab la
Soomaaliyeeyey? Eraga ah Carab la Soomaaliyeeyey ula kac iyo ujeed ayaan
u adeegsaday, inaan muujiyo qabweyniada Qawmiyadda Soomaaliyeed, oo aan
sheedda dhigo sheeko khiyaaleedka meelaha lala shuushuu leeyahay, ee ah
Soomaali ayaa Carab ah, ama Carabowday!
Wadaadadu marka ay dadka Wacdinayaan waxaan afkooda ka faaruqin erayada
Carabiga ah, Carabi ahaan inaan halkan ku qoro wax qiimo ah ma lahan,
balse, erayo ayaan Soomaaligooda qorayaa ee bal ila dhuuxa: “Eebbe
sarreeyee, Udgoone Maxamed, Wadaaygii ..... –magaca Saxaabiga-IWM”
wadaadaduse mar walba waxaad maqlaysaa iyagoo Carabigu afkooda ka
fanfaniinayo.
Anoo meeragaha dhex dabaalanaya, wardoon iyo waariddoon ah, ayaan
duljoogsaday qormo uu qoray Ra’isul wasaare Abdiwali Maxamed Ali “Gaas”,
aqriste, adba malee afkee ku qorneyd? Inta aanan dareenkayga ku maanin
waxa ii soo bixi doona, waxaan ku dadaalay inaan si fiican isaga hubiyo
magaca, dhawr kol ayaan ku celiceliyey aqriskiisa, haddana, aamini
waayey, dabadeedna isha ku kuuray, anood mooddo inaan dalbanayo aragti
iga baxsan inay magaca ii ifiso.
Qormada magaceeda waxaa la yiraa: “We're Winning This Fight” oo
macnaheedu noqonayo: “Waan ku guulaysan dagaalkan” qormada oo laga soo
xigtay mareegta http://www.foreignpolicy.com
haddaan isha la si raacay, oon sadarrada hore boobsiiyey, Anoo
maankayga su’aaluhu is dhex jiirayaan, maxaad ugu tagi doontaa? Maxaa ku
qoran? Muxuu sheegi doonaa? IWM. Xoogaa markaan aqriyey, Allaylhehe
uguma tagin wax ka baxsan sheekadii lagu yaqaanay siyaasi, liilkan hoose
ka sii dhugo qormada:
http://www.foreignpolicy.com/articles/2012/04/05/were_winning_this_fight  .
Markii hore waxaan is lahaa, wax uu af soomaaliga ku sheegi waayey, ayuu
doonayaa inuu afka qalaad noogu xarriiqi doonaa, mase noqon! Oo haddaa
“Af qalaad aqoontu miyaa?” waaba iga yaab iyo su’aale, miyuu kari waayey
inuu Soomaali ku qoro? Waxaa lagu doodi karaa, wuxuu ugu talagalay
mareegtaa oo ka faalloota siyaasadda arimaha dibadda, balse, Aqriste,
adigu waligaa ma aragtay mudane Gaas oo maqaal af soomaali ah qoray?
Mise, waa haddii aadan Af qalaad wax ku qorin, dadba ma tihid?.
Run ahaan awal ayaan qaati ka taagnayn, mar walba oo uu afka kala qaado,
erayada qalaad ee afkiisa ka soo afuufmayey, oo haddaa, dadka dhami
miyey kula garanayaan erayadaa? Mise waxaad moodday inaad u
khudbadaynayso arday jaamacadeed? Waliba waa qasab inaad tixgaliso
Kuliyadda iyo qeybta ay dhigtaan, haddaad arday afafka dhigata aad uga
sheekayso Seynis adaa ka gardaran, waa dhanka kalee, arday Saynis
dhigata haddaad Injineerin uga sheekaysana la mid.
Ani waaba igu su’aale, sida cinwaanka qormadaba ku qorane, horta ma
Madax qalaad mase madax qaran?! micnaha ma waxay madax u yihiin afafka
qalaad ee ay ku hadlayaan dadkii la garanaya? Mise waxay madax u yihiin
qarankan Soomaali? Dabcan lama oran kara, inta Soomaaliga ku hadashee,
balse, inta ku magacaaban Jamhuuriyadda Soomaaliya, ninkii dood ka
qabaa, dib ha u eego shirkii London ee dhacay dhammaadkii january, ee
sanadkan.
Labadii shir ee Garoowe lagu qabtay, ayaa afka la adeegsanayay ahaa
Ingiriis, ma ahan qoraalka iyo eray bixinta kaliya, balse, sida loo
macneeyey waxay ahayd, inaan is faham xumo dhicin! Aniga iima dhadhamin,
aqriste adiga sidee u aragtay? Yaa shiraya Soomaali? Maxay ka
shirayeen? Aayahooda, haddana, sidaa oo ay tahay, goobta waxaaba joogay
dad aan Ingiriis iska daaye, Soomaali qori aqoon, saxiixayaashana ka mid
ahaa, oo kuwaa sidee laga yeelayaa?.
midda kale, oo aan qadyaan ka taagnayn ayaa ah, in heshiis walba oo
dawladdu la gasho dawlado kale, ha’aydo iyo xitaa wareegtooyinka dawladi
ah ama kuwa gudaha quseeyaba, ay ku wada qoran yihiin af qalaad!
Hubaal inta dad madax loogu noqdaa in  afku ugu horreeyo, micnaha haddii
aadan af ku haqab tiri karin, eray ku baahi bi’in karin, Wallee
madaxnimadaa waa mid ba’day, iyadoo la kala afaf duwan yahay ayaa
haddana la is hogaamiyaa, oo markaa waxaa jirta mid wadaag ah oo dadka
dhan ka dhaxaysa, ayna wada yaqaannin, waan filaa inay tusaale ku filan
tahay Kenyada dariska nala ah, marka laga soo tago Kiswahiliga, afka
koowaadi waa Ingriis, oo ah afka la isku wado garto.
Annaga dhibkaa namaba haystee, maxaa afkeenna loo bahdilayaa? ayna
horseed ka yihiin kuwa hoggaanka u haya umadda, miyeysan ku habboonayn
inay la yimaadaan xilkasnimo? Illeen iyagaa ah indhihii umadda, hubaal
ina aqoonyahanno joogan, ayaan darrada ayaa se ah, in iyagaba aan laga
horrayn, oo ay yihiin hogaamiyayaal iyo higaadiyayaal [Barayaal].
Ugu dambayn, waxaa waajib ah in afka hooyo la siiyo mudnaanta koowaad,
maamuuskiisa saro loo qaado, maalgalin lagu sameeyo maanleyda meerisyada
marin taqaan, si madag suugaaneedku u bixiso holac wax ifiya aanse wax
gubin, una maamulaan manka iyo milgaha lagu haaneediyey quruxda afkeena,
maadaama aysan jirin cid uga ogaal badan.
Mid madaxda ayaan dhihi lahaa, inay naga yareen erayada qalaad, qof
baahi u qabo, xiiso iyo hamuun maba ku darine, qofkaana isagaa raadsane,
kuwa u dhashay oo ku dhashay ayaa jooga, oo laga dhagaysan karaa, ama
laga dhihid dalbi karaa, inta aan se dan iyo heello ka lahayn, ama aanba
garanayn, saw kuma habboona in la tixgaliyoo, laga daayo erayadan ay
eedsanayaan.
midda xigta, waxaan leeyahay inta af soomaaliga ku hadasha, meesha uu
rabo ha joogee, maamulka uu doonana ha ku hoos noolaadee, afku waa
dhaxal naga dhexeeya, una baahan faaya dhawr iyo dhaaya ku hayn.
Midda ugu dambaysa, oo ah mid la wada wadaago, maamule, maanle iyo
muwaadinba, waxay tahay maadaama wali afku dheeldheellin ku jiro,  in
loo wada hawlgalo sidii looga saari lahaa, micnaha maadaama afku qabyo
qoraal ku sugan yahay, oo aan wali qoraalka afku saldhigan, in loo wada
tafa xayto sidii loo sugi lahaa, canaabta hawsha inteeda badan waxaa
looga fadhiyaa waa maanlaha, maamul wanaagsanna u baahan, oo la daba
taagan taakylayn, muwaadinku tageero buuxda u hayo. Qomada murtidan
ayaan ku so oaf xirayaa: “Dadku afka ayuu isku gartaa, Duunyaduna urka”.

Bashir M. Hersi
brdiraac@hotmail.com

Madaxweynaha Dawladda ku Meel Gaarka Soomaaliya Shiikh Shariif ayaa
Xarunta Madaxtooyada ee Magaalada Muqdisho kula kulmay waxgarad iyo
Odoyaal Dhaqameed ka soo jeeda Beelaha digil iyo Mirifle.Kulankan uu
Madaxweynaha la yeeshay odoyaashaas ayaa ahaa mid looga hadlay guud
ahaan sidii dalka Soomaaliya Nabad loogu soo dabaali lahaa gaar ahaana
Gobolada ay Odoyaashaasi ka soo jeedaan.
Shariif
ayaa xusay in nabaddu ay aas aas u tahay horumarka dal walba uu gaarayo
sidaa darteedna Odoyaashan looga baahan yahay in ay ciyaaraan doorkooda
kaga aadan. Madaxweyne Shariif ayaa soo hadal qaaday dadaal ay iminka
Xukuumaddiisu ka wado Gobolada Bay iyo Bakool oo uu sheegey in iminka ay
ku sugan yihiin mas’uuliyiin sar sare oo uu ka mid yahay Guddoomiyaha
barlamaanka ku meel gaarka Soomaaliya kuwaasoo uu sheegey in ay ka
shaqaynayaan sidii loo wanaajin lahaa Xaaladda amni ee Goboladaas.
Madaxweynaha ayaa ku celiyay in Odoyaasha laga doonayo inay qayb
libaaxle ay ka ciyaaraan sidii loo nabadeyn lahaa Soomaaliya oo dhan
isla markaana loo dhamayn lahaa colaadda.Kulankan Madaxweynaha uu la
qaatay odoyaashaas ayaa dadka qaar waxa ay ku macneynayeen inuu yahay
mid u sii gogal xaaraya sidii Odoyaasha Dhaqanku ay u soo xuli lahaayeen
Xildhibaanadii meteli lahaa beelaha Soomaaliyeed marka uu dhamaado
Xilliga Barlamanka xiligan jira oo ay ugu egtahay bisha Ogosto ee
sanadkan.
kulankan ayaa waxa uu imaanayaa xilli Gobolada Bay iyo Bakool qaybo ka
mid ah ay ka socnayaan Dagaalo u dhaxeeya Ciidamada Dawladda oo
garabsanaya kuwa itoobiya iyo ahlu sunna iyo Xarakada Shabaab sidoo kale
kulankaan ayaa ku soo beegmey Xilli olole loogu jiro Tartanka
Doorashada Madaxweyninimo ee dhacay Sannadkaan iyadoo Masuuliyiinta ugu
sareysa ay dadaal ugu jiraan sidii Odoyaasha Dhaqanka ay u soo xuli
lahaayeen Xildhibaano iyaga Taageersan kuwaas Matelaya Golaha
Baarlamaanka dooranaya Gudoomiye Baarlamaan iyo Madaxweynaha .
W/D Amin Yuusuf Khasaaro
E-Mail amiinkhasaaro@hotmail.co.uk
E-Mail amiinkhasaaro@yahoo.co.uk

Warar Naga Soo gaarayo Gobolka Shabelada Hoose ayaa Shegaayo In Abaan
Duulihii Ka Tirsan Kooxda Al-Shabaab oo ka Mid Ahaa Ragii Muhajiriinta
Ee Ka Dhinac Dagaalamayey Kooxda Al-Shabaab Oo lagu Magaaco Abuu Manzuur
Al-Ameriki dhalashadiisa ay tahay dalka Mareykanka ay kooxda Al-shabaab
soo Afjareen Hadalkiisa.
Dilka Abaan Dule Abuu Manzuur Al-Ameriki ayaa Yimaaday Todobaadkii La Soo Dhaafay Habenimadii Qamiista ahayd5/04/2012 Kadib
Markii Madaxda Ugu Sareysa Kooxda Al-shabaab ay Isugu Yeertay Shir
Looga Hadlayay Amaanka Ay Isu Imanayeen Degmada Baraawe Halkaas oo Ay Ku
Sugnayeen Xasan Daahir Aweys,Shiikh Muqtaar Roobow Abuu Mansuur, Cali
Dheere, Godane, Fu’aad Shon Gole, Ibraahin Afgaan, Iyo Rag Kale oo ka
Tirsan Madaxda Kooxda Al-shabaab.
Abuu Manzuur Al-Amerei ayaa Wararka waxay Shegayaan Inuu Ka Soo Baxay
Magalada Marka Halkaas Oo ku Suganaa waayadii Dambe Xili Dhamaan Madaxda
Al-Shabaab Ay Ku sugayeen Magalada baraawe Oo Ay Gareen maalin Weyn
Shirkana Uu Isaga Uu Kali ah uu ka Maqnaa ayaa Ciidamo Ka Tisan
Al_shabaab waxay ka Soo Qadeen Marka Oo Ilaao U Ahaa .
Intuu Uu Wadada Dheer Ee Ku Soo Jiray ayaa Waxaa Wadaa U galay Ciidamo
Aad U farabadan Oo ka Tirsan Kooxda Al-shabaab Oo Marka Loo Ego Kuwa
Ialaada U Ah ka Badan wada Dhenac Yadeeda U Kalay Inta U Dhaxeysa Marka
Iyo Degmada Baraawe.
Abaaro 4:40:AM Ee Subaxnimo Sacada Geeska Africa ayaa Ciidamadi Wada U
galay Abuu Manzuur Al-Amereki waxay Ku Amreen Dhamaan Inay Hubka Dhigaan
Ciidankii Saarnaa gaariga Oo Nuuciisa Ahaa Qooqan iyadoo hubka laga
dhigay dhaman ciidanka aya waxaa lala soo dagay Abuu Manzuur Al-Ameriki
Waxana Qoorta Looga Jaray Midi Iyadoo Markii La Dilayna Lagu aasayo
Meydkiisa Inta U Dhaxeysa Barawe Iyo Marka Ee Gobolka Shabelada Hoose.
Madaxdii Ka Tirsanaa Kooxda Al-Shabaab oo Shirka Ku Lahaa Magalaad baare
ayaa Markii ay Ka warheleen Dilka Auu Manzuur Al-Ameriki waxay kula
tageen Shirka Iyagoo soo kala Dhexgalay Khilaaf Xoogan Oo Ku Adan Dilaka
Abuu Manzuur Al-Ameriki Qaarkoodna ayaa Aad Uga Xumaday Dila Amuu
Manzuur Iyadoo Lagu Eedeyay Inuu Ka Dambeeyo Madaxa Ugu sareeyo Kooxda
Al-shabaab Godane.
Qaar kamid Ah sarakisha Ugu sareysa Al-shabaab oo wehlinaayaan Ajaaniib
ayaa Isaga Baxay Magalada waxaana Ka Mid Ah Fu’aad Shongole Iyo Ibraahin
Afgaan Oo ku carary Buuraleyda Galgala halkaas Oo Isku Diyaarinayaan
Iyagoo Isa Soo racay xasan daahir Aweys Iyo Shiikh Muqtaar Roobow Abuu
Manzuur Oo Markii Hore Ka Tagay Magalada Marka halka Cali Dheerana uu
Isna Ku Soo Laabtay Degmada Afgooye,Lamana Oga Halka uu Aday Abaan
Duulaha Koxda Al-Shabaab Godane.
Arinkaan aaya Ka Dambeysay Markii Ay Soo shaac Baxday Khilaaf Soo Kala
Dhex Galay Madaxa Ugu Sareyso Kooxda Al-Shabaab Iyo Abuu Manzuur
Al-Ameriki Xiligaas Oo Warbaahinta U Sheegay Inuu Xaladiisa Amaan Ay
Qatar Ku Jirto Al-Ameriki Markii Uu soo Diray Cajalad Muuqaal Ah.
Dilka Ameriki ayaa waxay Sababtay Khilaaf Xoogan Oo Soo kala Dhex Galay
Kooxda Al-Shabaab Oo Qaarkood kalsonidii Iskala Laabtay Arinkaasna ay u
Muuqato Inuu Nin Walbo Uu Difaac Ka Gelaayo Deegaanka Uu ka Soo Jeedo,
wararka qaar ayaa Shegaayo In Madaxda Ugu Sareyso Marka Laga Reebo
Godane Inay Geli Donaan Buuraleyda Gal gala Ee Degaanka Puntland Iyadoo
Madxweynahe faroole Uu Beesha caalamka u Sheegay Inay Dhanka Biyaha Iyo
Dhulka ay ka soo Galayaan Kooxda Al-Shabaab Deeganada Puntland.
X,Horyalmedia.

Gudoomiye Tarsan ayaa waxaa maanta lagu weeraray Degmada C/Casiis ee Gobolka Banaadir, iyadoo si kedis ah uu uga badbaaday weerarkaasi oo u muuqday, mid qorsheysan oo lagu doonaayay in lagu dillo.
Gudoomiyaha Maamulka Gobolka Banaadir ee Dowladda Kmg ah ee Soomaaliya Maxamuud Axmed Nuur “Tarsan”, ayaa wuxuu doonaayay in uu xil ka qaadis uu ku sameeyo Gudoomiyaha Degmada C/Casiis ee Gobolka Banaadir Mudane Yuusuf Cali Indhoole, isagoona u soo magacaabay Gudoomiye kale.
Tarsan iyo Gudoomiyaha cusub ee uu u soo magacaabay Degmada C/Casiis ayaa waxay soo gaareyn Degmada C/Casiis, iyagoona doonaayay in xilka lagu wareejiyo Gudoomiyaha cusub ee uu u soo magacaabay Degmada C/Casiis.
Balse Ciidamadda Gudoomiyaha Degmada C/Casiis Mudane Yuusuf Cali Indhoole, ayaa waxay weerar ku soo qaadeen Gudoomiye Tarsan iyo Gudoomiyihii cusub ee uu sheegay inuu u soo magacaabay Degmada C/Casiis.
Waxaa goobtaasi ka dhacay dagaalo geystay khasaaro iskugu jira dhimasho iyo dhaawac, iyadoo xaalad khatar badan ay maanta soo wajahday Gudoomiye Tarsan, waxayna iskaga soo taggeen Degmada C/Casiis si dhib badan.
Degmada C/Casiis ayaa wixii xilligaasi ka dambeysay lagu qabtay banaanbax looga soo horjeedo in xil ka qaadis lagu sameeyo Gudoomiyaha Degmada C/Casiis ee Gobolka Banaadir Mudane Yuusuf Cali Indhoole.
Majirto wax war ah oo ka soo baxay dhinaca Dowladda Kmg ah ee Soomaaliya oo ku aadan, dagaalada maanta labadaan Masuul ku dhex maray Degmada C/Casiis ee Gobolka Banaadir.

Muqdisho (RBC Radio) Maamulka Galmudug ayaa sheegay in aanan haatan loo baahnayn qilaafka iyo is qab qabsiga u dhaxeeya baarlamaanka KMG Soomaaliya.
Madaxweyne ku xigeenka maamulka Galmudug C/samad nuur guuleed oo la hadlay warbaahinta ayaa wuxuu sheegay in aysan muhiim ahayn in uu sii socdo qilaafka u dhaxeeya baarlamaanka KMG Soomaaliya.
Wuxuu sheegay madaxweyne ku xigeenka in baarlamaanka KMG Soomaaliya ay midoobaan isla markaana ay iska dhaafaan qilaafka u dhaxeeya, sidoo kale wuxuu intaasi uu ku sii daray hadalkiisa in loo baahanyahay in baarlamaanka KMG ay u dadaalaan shacabkoodo oo ay meel iska dhigaan qilaafka ka dhexjira.
Baarlamaanka KMG Soomaaliya ayaa haatan waxaa udhaxeeya qilaaf waxaana baarlamaanka uu u kala qaybsanyahay labo, iyadoona ay kala hogaamiyaan Shariif Xasan Sheekh Adan iyo Madoobe Nuunow Maxamed.
Sidoo kale xildhibaanada uu hogaamiyo Madoobe Nuunow  Maxamed ayaa waxay qorshaynayaan daba yaaqada bishaan in ay doortaan madaxweyne cusub.
Arimahaan oo dhan ayaa waxay ku soo adayaan iyadoo dowlada KMG Soomaaliya ay u harsantahay waqti yar, isla markaana la soo xuli doono baarlamaan cusub.
 RBC Radio
Xafiiska Wararka Muqdisho

Addis-ababa – GMN - Kulankii looga hadlayay arimaha AMISOM iyo ciidamada dowladda ee ka dhacay magaalada Addis Ababa ayaa arrimihii looga hadlayay iyo go’aanadii kasoo baxay waxaa faah faahin ka bixiyay dowladda KMG.
Wasiirka Gaashaandhiga Xukuumadda KMG Soomaaliya Xuseen Carab Ciise ayaa isaga oo ku sugan magaalada Adis ababa ee dalka Ethiopia faah faahin ka bixiyay kulan halkaasi ugu soo gabagaboobay wasiiradda Gaashaandhiga dalalka ay ciidamada ka joogaan Soomaaliya.
Xuseen Carab Ciise ayaa waxa uu sheegay in kulankaasi looga hadlayay arimo la xiriira ciidamada AMISOM oo haatan la kordhiyay iyo ciidamada dowladda KMG Soomaaliya, waxaana uu sheegay in laga wada hadlay midaynta ciidamada AMISOM iyo hogaankooda, iyo sidoo kale sidii wada shaqeyn ay u yeelan lahaayeen ciidamada dowladda iyo kuwa AMISOM iyo sugida amaanka dalka.
Wasiirka Gaashaandhiga dowladda KMG Soomaaliya ayaa waxa uu sidoo kale sheegay in go’aanada kasoo baxay Shirkaasi in gudaha dalka lagu tababaro ciidamada xooga dalka si ay u xoogaystaan islamarkaana ay awood ugu yeeshaan in ay la wareegaan amaanka dalka marka ay isaga baxaan ciidamada AMISOM.
Wadamada ay ciidamada ka joogaan Soomaaliya ee kulanka goobjooga ka ahaa ayaa waxa ay kala ahaayeen dalalka Burundi, Uganda, Ethiopia, Kenya, Sere lion iyo Soomaalida oo kulanka uu iyada ku saabsanaa oo ay uga qeyb galeen wasiirka Gaashaandhiga Xuseen Carab iyo Taliyaha ciidamada xooga dalka.
Gedo Online News
Gedoonlinenews@gmail.com

Ra’iisul wasaaraha Xukuumadda FKMG Soomaaliya ayaa ka hadlay dhabbaha loo marayo soo xulidda aqalka odaayasha dhaqanka ee Soomaaliya iyo kan Barlamaanka.
Ra’iisul wasaaraha Xukuumadda Soomaaliya Dr. Cabdi Weli Maxamed Cali oo warreysi siiyay laanta Af-Soomaaliga ee Idaacadda VOA-da ayaa sheegay in dhabbaha loo marayo soo xulidda xubnaha aqalka Barlamaanka iyo Odayaasha in marka horre ay isla soo go’aaminayaan Odayaasha ehelka ay ka soo jeeddaan kaddibna la sii marsiinayo wadiiqaddii loogu talla galay, arrimahaasina  ay meel wanaagsan marayaan.
Ra’iisul wasaaraha ayaa xusay in dowladda Soomaaliya ay xoojineyso sidii loo fulin lahaa dhammaan qorshayaasha looga gudbayo marxaladda KMG ah, isagoo carrab ku adkeeyay in Laba sanno dib loo dhiggayo dhismaha maamul gobolleedyada, si loo xoojiyo dhismaha dowladda cusub ee imaan doonta.
Dr. Cabdi Weli ayaa tilmaamay in dowladda ay ahmiyadda kowaad siineyso dhabbaha nabadda iyo dhismaha qaran Soomaaliyeed oo loo dhanyahay, waxa uuna ku cel celiyay in wax walba la waafajin doono cadaallada.
Hadii Aad Joogtid Europe,USA iyo Canada Wararka iyo Barnaamijyada ka baxa Radio Muqdisho ee ku dhaafa ka Dhageyso Taleefonkaaga adigoo garaacaya:-
Yurub                                            +442035190460
USA & CANADA                         +17124327760
 

Wasaaradda Gaashaandhigga Xukuumadda Soomaaliya ayaa sheegtay  in ay wado qorsho lagu joogteenayo Mushaaraadka ciidammada Xoogga dalka Soomaaliyeed, isla markaana lagu dhisayo  goobo caafimaad oo u gaar ah Ciidammada.
Ra’iisul wasaare ku xigeen ahna wasiirka Gaashaandhigga Xukuumadda Soomaaliya mudane Xuseen Carrab Ciise isaga oo ku sugan dalka Ethiopia warreysi siiyay Radio Muqdisho ayaa sheegay in magaalada Addis Ababa uu uga qeyb gallay shir ballaaran oo looga halay arrimaha Military-ga iyo howlgallada ka socda Soomaaliya, isagoo sheegay in shirkaasi ay ka soo baxeen qodobo wax ku owl ah.
Wasiirka Difaaca ayaa tilmaamay in qodobada shirka ka soo baxay ay ugu waa weyn yihiin, sidii ciidammada Military-ga Soomaaliya loogu helli lahaa xerooyin gaar ah isla markaana Qalabbeysan, waxa uu xusay in dalalka shirka ka soo qeyb gallan ay si wadajir isugu raaceen xoojinta ciidammada Military-ga Soomaaliya, si ay u illaaliyaan nabadgalyada dalka.
Wasiirka Gaashaandhigga ayaa sidoo kale ka dhawaajiyay in ciidammada Military-ga Mushaaraadkooda si joogto ah u qaadan doonaan, haddana ay u qaataan, isagoo carrab ku dhuftay in wasaaradda Gaashaandhigga ay illaalineyso sharafta iyo xaquuqda ciidammada Military-ga ee u taagan Difaaca sharafta dhulleed ee dalkeenna.
Mudane Xuseen Carrab Ciise ayaa hoosta ka xariiqay in ay wadaan ololle ku aadan in Isbitaallo gaar u ah ciidammada Military-ga loo hello, si joogto ahna u shaqeynaya, “dalalka Afrika hadda waxaa ka go’an in Soomaaliya ay hesho ciidan xooggan oo awoodda dalka si buuxda u maamulla” ayuu yiri Xuseen Carrab Ciise.
Ugu dambeyntii waxa uu hoosta ka xariiqay in dalal badan ay u bandhiggeen, sidii Mushaaraad loogu helli lahaa saraakiisha horre ee ciidammada Xoogga dalka ee hadda howlgabka ah, arrintaasi ay meel wanaagsan u gaartay, isla markaana uu rajeynayo in sida ugu dhaqsiyaha badan loo hirgaliyo.
Hadii Aad Joogtid Europe,USA iyo Canada Wararka iyo Barnaamijyada ka baxa Radio Muqdisho ee ku dhaafa ka Dhageyso Taleefonkaaga adigoo garaacaya:-
Yurub                                            +442035190460
USA & CANADA                         +17124327760
 
 
 

Baydhabo – GMN - Kooxda Al-Shabaab ayaa la sheegayaa in ay weerar ku qaadeyn garoonka diyaaradaha magaalada Baydhabo ee xarunta gobalka Baay oo ay hadda gacanta ku hayaan ciidamada dowladda iyo kuwa Ethiopia.
Ilaa hadda lama soo sheegeyn wax qasaaro ah, oo ay geesteyn hoobiyaasha xaley lagu weeraray garoonka diyaaradaha Baydhabo, waxana saaka magaalada ka socda baaritaano xooggan.
Sidoo kale, meelaha kale ee Shabaab xaley weerartay waxa ka mid ah, degmada Xudur ee xarunta gobalka Bakool, oo iyana joogaan ciidamo Ethiopian ah iyo kuwa dowladda KMG ah.
Wararkii ugu dambeeyay ee naga soo gaaray Baydhabo saaka waxa ay shegaayaan in ciidamada dowaladda ay baaritaano ay ka sameeyeen meelaha ka agdhawaa goobaha xaley la weeraray, in kastoo aan la sheegin cid loo qabtay weerarkaas.
Magaalada Baydhabo ee xarunta gobalka Baay, oo dhawaan ay gacanta u gashay dowladda KMG ah, oo gacan ka heleysa ciidamo Ethiopian ah, ayaa waxa dhawaanahan ka dhacayay, qaraxyo, dilal iyo weeraro dhamaan kuwaas oo la sheegayo in ay ka dambeeyaan Shabaab oo bishii Febaury laga saaray magaalada oo seddax sano ka arrimineysay.
Dhinaca kale, waxa dhawaan maalin ka hor magaalada Baydhabo ee xarunta gobalka Baay ka degtay diyaarad u rarneyd hay’adda UNICEF taas oo siday gargaar dawo geesay isbitaalka Baydhabo oo ay jiifaan bukaano badan.
Diyaaradan dawada siday oo ka soo duushay magaalada Nairobi ee dalka Kenya. ayaa markii Baydhabo gaartay,waxa halkaas ku soo dhaweeyay masuuliyiinta maamulka DKMG ah ee gobalkaas iyo Agaasimaha Isbitaalka Baydhabo Dr.Ilyaas Sheekh
Waxana ay dhamaan sheegeyn in gargaarkaas dawo uu xiligan u baahan yahay Isbitaalka oo ay jiifaan dad badan oo waxyeelo ay ka soo gaartay qaraxii ka dhacay suuqa magaalada Baydhabo.
Gedo Online News
Gedoonlinenews@gmail.com

Afmadow – GMN - Maxamed Sh. Yuusuf oo ah Madaxa Maaliyada Ururka Raaskambooni, ayaa daboolka ka qaaday qorshaha haatan ay ka damacsan yihiin deegaanada iyo degmooyinka Al Shabaab ay kaga harsan yihiin gobolka Jubada hoose.
Max’ed ayaa sheegay in haatan ciidamadooda ay ku sugan yihiin duleedka degmada Afmadoow iyo degmada Badhaadhe balse waxa uu sheegay in maalmaha soo aadan ay rajaynayaan in ay la wareegaan magaalooyin uu sheegay in ay ka mid tahay magaalada Kismaayo ee gobolka Jubada hoose.
Madaxa Maaliyada Raaskambooni ayaa waxa uu ku eedeeyay Al Shabaab in ay dhibaato ku hayaan shacabka ku nool deegaanada ay gacanta ku hayaan ee Jubada hoose, waxaana uu xusay in ay ka hosistaageen dadka in ay usoo barakacaan deegaanada ay ka taliyaan halkaasi oo uu sheegay in mucaawino laga qeybiyo.
Saraakiisha dowladda, Kenya, Raaskambooni waxa ay marar badan ku celceliyeen in ay soo afjarayaan Shabaabka Jubooyinka ayna la wareegayaan magaalada Kismaayo oo ay ku xoogan yihiin Xarakada Al Shabaab.
Gedo Online News
Gedoonlinenews@gmail.com

Ciidammada ammaanka magaalada Baydhabo ee xarunta gobolka Baay ayaa gacanta ku dhiggay haweeney Bam  gacmeed ku weerrartay bar ay ku sugaanaayeen ciidammada dowladda Soomaaliya, iyadoo dhanka kale ciidammada dowladda ay iska caabbiyeen weerrar Hoobiyayaal ah oo Al-Qaacidda ku soo weerrartay magaalada Baydhabo.
Kaddib markii Haweeney ay soo adeegsdeen malleeshiyaadka Al-Qaacidda oo Bam gacmeed ku weerrartay Koontarool ay ku sugnaayeen ciidammada dowladda Soomaaliya, hasa ahaayee weerrarkaasi wax khasaaro ah ma uusan geysan sidda uu inoo xaqiijiyay joobjoogge ku sugan magaalada Baydhabo.
Ciidammada ammaanka ayaa hadda baaritaanno ka wado magaalada Baydhabo, iyadoo dadka deegaanka ciidammada ay ku gacan siiyeen soo qabashada haweeneyda Bamka ku weerrartay Ciidammada dowladda.
Dhinaca ciidammada dowladda Soomaaliya ayaa ka hortahay weerrar kale oo loo adeegsaday Hoobiyayaal, isla markaana ay soo tuurrayeen malleeshiyaadka Al-Qaacidda xalay, waxaana ciidammada ay jawaab ka bixiyeen Hoobiyayaasha ay magaalada ku soo tuurreen Al-Qaacidda, iyagoo gaaray goobihii ay sida dhuumaaleysiga ah ugu sugneeyeen.
Hadda waxaa deeggan xaaladda magaalada Baydhabo ee xarunta gobolka Baay, waxaana wararkii ugu dambeeyay ay sheegayaan in ciidammada ay wadaan howlgallo ku aadan sidii dadka shacabka ah looga Difaaci lahaa Jawaasiista Al-Qaacidda.
Hadii Aad Joogtid Europe,USA iyo Canada Wararka iyo Barnaamijyada ka baxa Radio Muqdisho ee ku dhaafa ka Dhageyso Taleefonkaaga adigoo garaacaya:-
Yurub                                            +442035190460
USA & CANADA                         +17124327760
 
 

Muqdisho (RBC) Iyadoo maalmahan ay soo baxeyn warar sheegaya in Shabaab oo ka arriminaayay koonfurta iyo bartamaha Soomaaliya, ay hadda badankood u wareegeyn deeganada Puntland, gaar ahaan buuraha Galgala ee gobalka Bari, ayaa waxa markii ugu horreysay arrintaa shaaciyay Al-Shabaab.
Idaacadda ku hadasha afka Shabaab-ka Andulus, ayaa saaka oo jimco ah shaacisay, in saraakiil sare oo ka tirsan Shabaab ay hadda ku sugan yihiin deeganada Puntland gaar ahaan buuraha Galgala.
Waxa ay Idaacadda Sheegtay in Shabaab ay halkaas u gaareyn in ay gaarsiiyaan maamulkooda sida ay hadalka u dhigtay, waxan dadka ay magacowday ee hadda ku sugan Puntland ka mid ah Sheekh Cabdu Qaadir Cali Muumin oo ka mid ah madaxda sare ee Al-Shabaab, kana soo jeeda deeganada Puntland.
Ma sheegeyn, waxa ay halkaas u tageyn in uu yahay culeys kaga soo furmay dhinaca ciidamada dowladda iyo kuwa kale ee barataaraya, oo hadda dhul badan, oo ku yaala koonfurta ka qabsaday Shabaab.
Dhawaan madaxweynaha Maamulka Puntaland C/raxmaan Faroole, wuxuu sheegay Shabaab markii ay ku soo jabeyn dagaaladii ay ka wadeyn Koonfurta iyo Bartamaha Soomaaliya in ay u soo guureyn deeganada Puntland.
Wuxuu sheegay in ay isticmaalayaan dhinaca badda iyo dhulka Al-Shabaab.
Sidoo kale dowladda KMG ah , madaxdeyda ayaa iyana sheegay Shabaab in xoogiisa ay u baxsadeyn deeganada Puntland gaar ahaan buuraha Galgala, oo ay horey u joogeyn maleeshiyo taabacsan Sheekh Maxamed Saciid Atam oo ah wadaad qalqal iyo jahwareer galiyay maamulka madaxweyne Faroole.
Ma cadda hadalka Shabaab ka soo yeeray, uu u sii saameyn doono, maamulka Puntland iyo dowladda KMG ah, haddii ay arrintan dhabowdana waa hubaal ah Puntland ay isku diyaariso dagaal la mid ah kan hadda ka socda Koonfurta gaar ahaan Muqdisho
Si kastaba, waxa su’aasha la isweydiinaayo ay tahay, Al-Shababa oo xiriir toos ah la leh Al-Qaacida, haddii ay fadhiisin cusub ka sameestaan deeganada Puntland siddee ayuu ahaan doona awooda maamulka Puntland, sidoo kale caalamka siddee ay ahmiyada ugu yeelan doonaan maamulka Puntland, ciidamo AMISOM ama kuwa Ethopian ah ma lageyn doonaan deeganadaas? sidee mustaqbalka deeganada Puntland ay noqon doonaan? waa su’aalo ilaa hadda jawaabahooda aan lahayn, laakin soo bixi doona marka si rasmi Shabaab xudun ugu yeeshaan Puntland?
RBC Radio
———————–
Xafiiska Wararka Muqdisho

Baydhabo (RBC) Ururka Al-Shabaab ee ku kacsan dowladda KMG ah iyo ciidanka AMISOM, ayaa la sheegayaa in ay weerar ku qaadeyn garoonka diyaaradaha magaalada Baydhabo ee xarunta gobalka Baay oo ay hadda gacanta ku hayaan ciidamada dowladda iyo kuwa Ethiopia.
Ilaa hadda lama soo sheegeyn wax qasaaro ah, oo ay geesteyn hoobiyaasha xaley lagu weeraray garoonka diyaaradaha Baydhabo, waxana saaka magaalada ka socda baaritaano xooggan.
Sidoo kale, meelaha kale ee Shabaab xaley weerartay waxa ka mid ah, degmada Xudur ee xarunta gobalka Bakool, oo iyana joogaan ciidamo Ethiopian ah iyo kuwa dowladda KMG ah.
Wararkii ugu dambeeyay ee naga soo gaaray Baydhabo saaka waxa ay shegaayaan in ciidamada dowaladda ay baaritaano ay ka sameeyeen meelaha ka agdhawaa goobaha xaley la weeraray, in kastoo aan la sheegin cid loo qabtay weerarkaas.
Magaalada Baydhabo ee xarunta gobalka Baay, oo dhawaan ay gacanta u gashay dowladda KMG ah, oo gacan ka heleysa ciidamo Ethiopian ah, ayaa waxa dhawaanahan ka dhacayay, qaraxyo, dilal iyo weeraro dhamaan kuwaas oo la sheegayo in ay ka dambeeyaan Shabaab oo bishii Febaury laga saaray magaalada oo seddax sano ka arrimineysay.
Dhinaca kale, waxa dhawaan maalin ka hor magaalada Baydhabo ee xarunta gobalka Baay ka degtay diyaarad u rarneyd hay’adda UNICEF taas oo siday gargaar dawo geesay isbitaalka Baydhabo oo ay jiifaan bukaano badan.
Diyaaradan dawada siday oo ka soo duushay magaalada Nairobi ee dalka Kenya. ayaa markii Baydhabo gaartay,waxa halkaas ku soo dhaweeyay masuuliyiinta maamulka DKMG ah ee gobalkaas iyo Agaasimaha Isbitaalka Baydhabo Dr.Ilyaas Sheekh
Waxana ay dhamaan sheegeyn in gargaarkaas dawo uu xiligan u baahan yahay Isbitaalka oo ay jiifaan dad badan oo waxyeelo ay ka soo gaartay qaraxii ka dhacay suuqa magaalada Baydhabo.
RBC Radio
—————————
Xafiiska Wararka Muqdisho

Sarkaalkii ugu horeeyay Xarakada Al-Shabaab ayaa gaaray Buuraleyga Galgala ee gobolka Bari, waxaana uu soo diray fariin laga baahiyay Idaacada ku hadasha afka Al-Shabaab ee Andulus.
Sheekh Cabdiqaadir Muumin oo Al-Shabaab u qaabilsan dhinaca wacyi galinta, asal ahaanaa kasoo jeeda Puntland ayaa sheegay inuu ku sugan yahay Galgala, waxaana uu ugu baaqay shacabka Puntland inay la dagaalamaan maamulka talada u haya.
“Maamulka Puntland ka taliya waa mid gaalada u adeega, Muslimiintana dhib ku haya, waa waajib inaan la dagaalanno.”ayuu yiri Sheekh Cabdiqaadir Muumin.
Madaxweynaha Puntland Cabdiraxman Maxamud Faroole ayaa toddobaadkan bilowgiisii shaaca ka qaaday in Al-Shabaab ay usoo guurayso deegaanno ka tirsan Puntland.
Madaxweynaha iyo Ra’iisul wasaaraha dowladda KMG ah ayaa iyaguna muujiyay walaac kaas la mid ah, waxaana ay sheegeen in Puntland ay ka caawinayaan la dagaalanka Al-Shabaaba.
Buuraleyga Galgala ayaa waxaa horay ugu sugnaa maleeshiyo uu hoggaaminayo Maxamed Saciid Atam, waxaana maaleeshiyadaas ay dhawaan sheegtay inay ku biirtay Al-Shabaab.

 Muqdisho (RBC Radio) Madaxweynaha dowlada KMG Soomaaliya Shariif Sheekh Axmed oo ka qayb galay munaasabad lagu qabtay degmada Hilwaa ee gobalka Banaadir ayaa wuxuu ka hadlay amaanka magaalada Muqdisho.
Sheekh Shariif Sheekh Axmed ayaa wuxuu sheegay in loo baahanyahay in amaanka laga wada shaqeeyo isla markaana sugida amaanka aanan loo dayn ciidamada oo Kaliya.
Wuxuu sheegay in loo baahanyahay in la helo cadaalad isla markaana askarigii ama qofkii shacab ah ee danbi gala in loo baahanyahay in cadaalada la horkeeno.
Sidoo kale Madaxweynaha ayaa wuxuu sheegay in shacabka looga baahanyahay in ay ku soo wargaliyaan wixii amaan daro ah oo ay arkaan in ay ka jirto degmada si ay ciidamada dowlada wax kaga qabtaan.
Madaxweynaha ayaa sidoo kale wuxuu sheegay in mudooyinkii ugu danbeeyay ay badatay cabashada ka soo yeeraysa dadka rayidka ah eek u nool degmadaasi wuxuuna sheegay in dowlada KMG Soomaaliya ay haatan arintaan baaritaan ku samaynayo.
Hadalka madaxweynaha ayaa wuxuu imaanayaa xili degmooyinka magaalada Muqdisho ay dib ugu soo laabteen dadkii ugu badnaa ee horay kaga barakacay magaalada ka dib markii Al-Shabaab laga saaray magaalada.
RBC Radio
Xafiiska Wararka Muqdisho

Muqdisho (RBC Radio) Xukuumada KMG Soomaaliya ayaa meesha ka saartay in uu jiro khilaaf u dhaxeeya haydaha dowlada oo salka ku haaya qaraxii ka dhacay Tiyaatarka qaranka.
Raysal wasaaraha dowlada KMG Soomaaliya Cali Gaas ayaa sheegay in xiligaan uu san jirin wax khilaaf ah oo ka dhex jira dowlada oo ku aadan qaraxaas wuxuuna Raysal wasaaruhu uu sheegay in aanan loo baahnayn wararka magaalada leesla dhexmarayo.
C/wali cali gaas ayaa sidoo kale wuxuu sheegay in Qaraxaas ay ka danbeeyeen kooxda Al-Shabaab isla markaana ay sheegteen ayagu laakiin aanan loo baahnayn in hay’adaha dowlada lagu eedeeyo.
Wuxuu intaa ku daray inuu jiro gudi loo saaray arintaas loona baahanyahay in gudigaasi laga warsugo oo aanan laga hordhicin baaritaanada ay wadaan gudigaan heerka wasiir ah.
Hadalkaan ka soo yeeray raysal wasaaraha dowlada KMG Soomaaliya C/wali Maxamed Cali ayaa wuxuu ka sheegay asaga oo la hadlayay laanta afka Soomaaliga ee BBC.
Waxay ku soo adaysaaaaaaaa arintaan xili madaxweynaha dowlada KMG Soomaaliya uu sheegay in qaraxaasi uu ku dhacay qaladaad ka yimid dhanka wasaarada warfaafinta Soomaaliya halka wasaarada warfaafintana arintaasi ay iska fogaysay.
RBC Radio
Xafiiska Wararka Muqdisho

Shir ay wadamada ku horeeya warshadaha ay khamiistii ku yeesheen magaalada Washington ee dalka Maraykanka ayaa qodobadii ay ka hadlayeen waxaa meel sare kaga jiray arrimaha dalka Soomaaliya iyo sida ugu macquulsan ee loo xallin karo dhibaatada heysata dadka Soomaaliyeed mudada dheer.
Gabagabadii shirkaasi ayaa waxa laga soo saaray warmurtiyeed ka kooban 9-qodob oo quseeya arrimaha Soomaaliya, iyagoo taageeray hannaanka geedi socodka nabadda Soomaaliya, waxaana qodobadii laga soo saaray shirka ee quseeya Soomaaliya ka mid ah:-

1. In la taageero Soomaalida oo lagu gacansiiyo sidii ay uga gudbi lahaayeen marxaladda ay haatan ku jiraan.
2. In dhinacyada Soomaalida ay fuliyaan qodobadii ka soo baxay heshiisyadii ay ku gaareen Garoowe, kuwaas oo kala dhacay December 2011-kii iyo February 2012-ka.
3. In dhinacyadaasi ay sii laba jibbaaraan dadaalkooda, isla markaasna ay isku taxalujiyaan sidii ay uga bixi lahaaayeen xilliga ku meel gaarka iyo fulinta qorshaha Road Map-ka Soomaalia oo gacantooda ay ku saxiixeen.
4. In loo diyaar garoobo wixii ka dambeeya bisha August oo ay ku egtahay waqtiga dowladda xilligaasina ay dhacayaan doorashooyin.
5. G8 waxay soo dhaweynayaan shirkii London ee dhacay bishii February iyo qodobadii shirkaasi ka soo baxay, waxa ay sidoo kale taageeraysaa shirarka soo socda ee ka dhacaya dalalka Turkiga iyo Talyaaniga kuwaas oo looga hadlayo arrimaha dalka Soomaaliya.
6. Kooxdu waxa ay diiradda saareysaa sidii dowladda KMG ay uga gacan siin laheyd la dagaalanka kooxaha argigixisada geeska Afrika.

Wadamada la isku yiraahdo G8ka ayaa waxaa ka mid ah France, Germany, Italy, Japan, Britain, Maraykanka, Canada iyo Ruushka, kuwaasoo dhaqaalahooda ka sareeya dalalka kale ee caalamka.

Dagaalyahano ka tirsan Al shabaab ayaa xalay weerar safballaaran ah ku qaaday deegaano ay ka mid yihiin Ex-Control Afgooye, Kaxda, xarunta Asluubta iyo deegaano kale, waxaana halkaasi ka dhacay dagaal muddo saacado ah socday, isla markaasna la isku adeegsaday hubka noocyadiisa kala duwan.
Dhinaca kale xoogagga Xarakada Al-shabaab ayaa waxay xalay ku weerareen magaaooyinka Baydhabo iyo Xudur ee gobolada Bay iyo Bakool madaafiic hoobiyeyaal ah, kuwaas oo aan la ogeyn khasaaraha rasmiga ah ee ay geysteen.
Madaafiicdii lagu weeraray Baydhabo ayaa lala bartimaameedsaday goobo ay ka mid yihiin garoonka diyaaradaha, madaxtooyada iyo isbitaalka degmadaas balse lama sheegin khasaaraha ka dhashay, saraakiil ka tirsan dowladda oo wax laga weydiiyay duqeynta ayaa ka gaabsaday inay ka hadlaan, waxaase ay sheegeen in bamgacmeed ay gabari ku weerartay askarta dowladda KMG ah ay ku dhaawacmeen laba askari.
Ciidamada bambaanada lagu weeraray ayaa waxay ku sugnaayeen bankiga Baydhabo iyadoo saraakiishu ay sheegeen in la qabtay gabadhii askartiina la dhigay isbitaalka Baydhabo si loogu daweeyo, halka madaafiic jawaab u aheyd oo ay Baydhabo ka tuureen ciidamada Itoobiya ay ku dhacay deegaano ay ka mid yihiin Makuuto iyo Sheekh Casharoow oo la rumeysanyahay in madaafiicda laga soo tuuray.
Dhanka kale xoogagga Al-shabaab ayaa sheegay inay xalay saqdii dhexe madafiic hoobiyeyaal ah la beegsadeen degmada Xudur ee gobolka Bakool oo ay gacanta ku hayaan ciidamada Itoobiya iyo kuwa dowladda KMG, lamana oga khasaaraha ka dhashay.

Kooxaha burcad badeeda Soomaalida ah ayaa sii daayey markab uu ka babanayey calanka dalka Panama oo u rarnaa ganacsato Soomaailyeed, kaas oo afduub ahaan ay u qabsadeen laba bilood ka hor isagoo ku socday dekedda Berbera ee maamulka Somaliland.
Saraakiil ka tirsan maamulka Somaliland ayaa sheegay in markabka lagu magacaabo MV Leila la afuubay bishii Feberaayo isagoo marayey meel ku dhow dalka Cummaan, waxaana markabkan uu waday shixnad isugu jirtay alaabooyin iyo gaadiid, iyadoo ay burcad badeeddu ku heysteen biyaha Puntland.
Maxamed Cusmaan oo ah taliyaha ciidamada la dagaalanka burcad badeedda ee maamulka Somaliland ayaa u xaqiijiyay wakaaladda wararka Reuters in Markabka la sii daayey, wuxuuna yiri mar uu arrimahaasi ka hadlayey “Waxaan la hadlay ku xigeenka maamulka dekedda Berbera Cumar Abuukar oo ii xaqiijiyey in markabka laga sii daayey Boosaaso, isla xalayna uu ku soo xirtay dekedda Berbera”.
Taliyaha ciidamada la dagaalanka burcad badeedda ee maamulka Somaliland waxaa kale oo uu sheegay in sii deynta markabkan ay ku timid ka dib markii la bixiyey madaxfurasho lacageed, taas oo ay iska ururiyeen, Ganacsatada, Odayaasha dhaqanka iyo waliba shirkadaha Maraakiibta, wuxuuna yiri “Wadahadalada lagu sii daayey markabka waxay socdeen bil, waxaana howlwadeen ka ahaa todoba qofood, ugu dambeynna waxaa la bixiyey lacag madaxfurasho ah oo gaareysa 250,000 oo dollar si markabka loo sii daayo”.
Shaqaalaha iyo hantida markabka saaran ayaa la sheegay inay dhammaantood yihiin kuwo wanaagsan oo aan wax dhib ah loo geysan, iyadoo tani ay noqoneyso markii ugu horeysay oo markab u raran ganacsato Soomaaliyeed laga bixiyo madaxfurasho lacageed, waxaana horay loogu guuldareystay waan waano badan oo la doonayey in markabkan lagu siidaayo, maadaama kooxaha bucad badeeda ee heysatay ay sheegeen inaysan sii deyn doonin markabka inta laga siinayo lacag madaxfurasho ah.

Madaxweynaha daka Yugandha iyo taliyaha ciidamada Yugandha ee ku sugan magaalada Muqdisho ayaa siyaabo kala duwan uga hadlay waxyeelo 5-ruux oo Soomaali ah ka soo gaartay gaari kuwa ciidamada ah oo ay leeyihiin ciidamada AMISOM, gaar ahaan kuwa ka socda dalka Yugandha ugu geysteen gudaha magaalada Muqdisho.
Taliye ku xigeenka ciidamada AMISOM Gen. Audace Nduwumunsi ayaa raali-gelin ka bixiyey mid ka mid ah gaadiidkooda oo si xun ugu dhacay gaari ay dad rayid ah wateen Khamiistii aynu soo dhaafnay shilkaas oo ay shan qof oo Soomaali ah oo gaariga saarnaa ay ku dhaawacmeen, kuwaas oo dhaawacyadooda qaarkood lagu sheegay kuwo halis ah.
Taliye xigeenku wuxuu sheegay in shacabka Soomaaliyeed ay yihiin walaalahood, ayna mar walba u taaganyihiin inay caawiyaan si ay nabad ugu helaan dalkooda, waxaana mar walba ku dedaalaynaa sidii aan uga fogaan laheyn waxa dhibaateynaya, wuxuuna intaasi ku daray in darawalkii waday gaarigi jiiray gaarigii ay la socdeen dadka shacabka ah ay horkeeni doonaan Maxkamad, isagoo ciidamada AMISOM ugu baaqay inay ilaaliyaan shuruucda wadooyinka, ayna ka fogaadaan falalka noocan oo kale ah.
Shilka ayaa ka dhacay Khamiistii agagaarka Hotel Jubba, waxaana gaariga AMISOM uu ku dhacay gaariga ay la socdeen dadka rayidka ah sidoo kale ka waxaa shilkaasi ka hadlay Madaxweynaha Yugandha Yuweri Musevani oo sheegay inay aad uga xunyihiin shilkaasi ay geysteen ciidamada dalkiisa, wuxuuna sheegay inuu raaigelin ka bixinayo shilkaasi oo uu sheegay inuu ku dhacay si kam ah,isagoo sheegay inay haatan baarayaan waxyaabaha keenay shilkaasi inuu dhaco.
“Waxaan raali-gelin ka bixinayaa shilka uu geystay mid ka mid ah askarta AMISOM oo waday gaariga ku dhacay gaariga kale ee ay la socdeen dadka rayidka ah, waxaana ku dhaawacmay shilkaasi shan qof, waxaan diyaar la nahay inaan caawino dadkii ku dhaawacmay shilkaasi baarisna ayaan ku sameynaynaa sida uu shilku ku dhacay, marka aan soo ogaano sida uu u dhacay ayaana si fiican uga hadli doonaa” ayuu yiri Yuweri Musevani.