BOORAME (Somaliland.Org)-Kuliyada Nurse-ka ee Jaamacadda Camuud ayaa maanta shahaadooyin gudoonsiisay 20 arday oo qalinjibiyay kuwaas oo 19 ka mid ahi ay yihiin kuwo bartay UMULISO-nimada, waxana munaasabada shahaadooyinka lagu gudoonsiiyay ardaydan ka qayb galay maamulka caafimaadka ee gobolka Awdal, kan Jaamacada Camuud, waalidiin, arday iyo dadwayne aad u badan.
Ugu horayn ayaa waxa halkaasi ka hadashay Marwo Rooda Ibraahim Rijaal waxana ay ka sheekaysay ardaydan ka qalinjabiyay kuliyada Kalkaalisonimada, waxana ay tidhi “Waxa aan maanta u fadhinaa munaasabada qalinjabinta arday dhan 20 oo kuliyada ka qalinjabiyay , 19 ka mid ahi waa haween la baray Umuliso-nimada, iyo hal wiil oo Degree ah oo bartay Nursing-ka, waxana aan leenahay dhamaantood hambalyo, waxana aan intan raacinayaa, in haweenkan 2 sano ka hor ay kuliyadu qaadatay, iyada oo qaadashadoodu ka timid baahi dhinaca degaanka ah, gabadhahan waxa aan ka qaadanay degaanada kala duwan ee gobolada Awdal iyo Salal eel eh dugsiyada sare, waxana aan ugu talo galnay in ay wax ka taraan baahida caafimaad ee ay qabto hooyada ku umulaysa meelaha tuulooyinka ah ee ay ka hawl gali doonaan ee dhibaatooyinku ay marwalba haystaan, waxana mudadii labada sano ahayd ee ay nala joogeen ay muujiyeen dadaal iyo karti dheeraad ah, waxana aan ka marag kacaynaa inay u dhan yihiin dhamaan culuuntii aasaasiga ahaa ee looga baahnaa inay aqoonta u yeelato umuliso ka hawlgalaysa goob caafimaad oo miyi ama tuulo ah”
Hormuudka Kuliyadaha Caafimaadka ee Jaamacadda Camuud Dr. Siciid Axmed Walhad ayaa isaguna ka hadlay madasha waxana uu u mahad naqay hayada UNFPA oo maalgalisay haweenkan wax baranayay, waxana uu yidhi “Mashruucan maanta waxa uu joogaa guul, balse waxa hubaal ah in bilawgiisii uu la kulamay caqabado badan oo uu ka soo gudbay, waxa uu ku salaysnaa in la daboolo baahida caafimaad ee ay qabto hooyada ku umulaysa goobaha miyiga ah, sidaas aawadeed ayay xulashada haweenkani ahayd mid ku salaysan baahida degaanka taala, ardaydan umulisonimada la baray waxa aan xasuusinayaa in aqoonta la baray iyo shaqada ay qaban doonaan ay tahay mid ku cad axdiyo dhawr ah oo ay kala galeen xilsidayaashii maalgaliyay, kuwii wax baray iyo kuwii soo xulay, waxana loogu talo galay inay u amba baxaan oo ay tagaan goobahii tuulooyinka iyo miyiyada ahaa ee laga soo qoray ee wax loo baray, waxana aan ugu ducaynaynaa Ardayda inay noqdaan kuwo Axdiyadaas la galay oofiya oo ka shaqo gala meelahaas ay baahidu ka jiro ee ay ka yimaadeen, waxana hadii tan la helo aan xusuusinayaa in mashruucu noqonayo mid guulaystay oo sii waari doona, sidoo kale waxa aan waalidka ka codsanayaa inay u fududeeyaan haweenkan inay ku laabtaan meelahii la isku ogaa ee ay ka shaqo gali lahaayeen , Wasaarada Caafimaadkana waxa aan ka dalbanayaa inay u fududayso shaqaalaysiinta ardaydan iyo helida gunooyinkii ay xaqa u lahaayeen”
Gudoomiyaha Jaamacada Camuud Prof. Saleebaan Axmed Guuleed oo isaguna ka hadlay munaasabada ayaa ka sheekeeyeey ahmiyada ay leeyihiin haweenkan Umulisonimada la baray waxana uu yidhi “19 Haweenka ah ee bartay Umuliso-nimada waxa ay ka faaiido badan yihiin arday badan oo jaamacada ka qalinjabisay, waxa aan sidan u leeyahay waxa ay daboolayaan baahi jirta oo dalka taala, marka ay ku laabtaan degaamadii ay ka yimaadeena waxa hubaal ah inaan dalka wax tarnay, waxa aan sheegayaa inay Jaamacada Camuud ka go’an tahay inay miyo iyo magaalaba baahida ka jirta wax ka qabato, si gobolka u noqdo meel isku xidhan oo aanay miyi iyo magaalo waxba u dhaxayn, ugu dambayntiina waxa aan haweenkan umulisooyinka noqday ku dardaarayaa inay gutaan waajibka saaran noqdaana kuwo ka hufan qabyaalada, una adeegaan bulshada caafimaadka u baahan ee ay ka yimaadeen”
Sheekh Cali Aadan oo isaguna ka hadlay kulankan ayaa u duceeyay haweenkan, waxana uu sheegay in Diinta Islaamku ay taageertay soona dhawaysay u adeegida bulshada qaybaheeda jilicdasan, waxa kale oo uu sheegay in haweenkan la baray cilmi muhiim ah oo baahi loo qabo oo ay if iyo aakhiraha ku liibaanayaan.
Gabadh ku hadlaysay afka ardayda qalinjabisay ayaa iyaduna tidhi “Waxa ii farxad ah inaan shahaadadan qaato, si la mid ah ardayda kale ee maanta ila qalinjabinaysa, waxa aan Jaamacada Camuud nimid anaga oo aanan aqoon u lahayn cilmigan umulisonimada, waxana aan ka baxaynaa maanta anaga oo xambaarsan cilmi balaadhan iyo aqoon wax tar u leh bulshada, waxa aan u mahadnaqaa dhamaan macalimiintii wax na soo bartay, waxa kale oo aan sheegayaa in aan balan qaadayno inaan dib ugu laabano deegaanadii aan ka nimid anaga oo ku dadaali doona inaan cilmigeena uga faaiidayno, waxna ka badalno baahida ay qabaan degaamada kala duwan ee ay ka kala nimid”
Si kastaba ha ahaatee haweenkan 19ka ah ayaa waxa ay kuliyada Nurse-ka ee Jaamacada Camuud ku sugnaayeen mudo 2 sano ah iyaga oo ka kala yimid degaano kala duwan oo gobolada Awdal iyo Salal ah, waxana lagu wadaa in marka ay ka hawl galaan degaamadaas ay wax ka taraan baahida adeega caafimaadka asaasiga ah ee ay qabto hooyada umulaysa, mida uurka leh iyo ilmuhubam sidoo kalena ka hawl galaan wacyigalinta bulshada ee ku aadan hoos u dhigida gabood falada guunka ah ee uu gudniinka fircooniga ahi ka midka yahay ee ay bulshadu ku dhaqanto, waxana ugu dambayntii xusid mudan in mashruucan ay maal galisay hayada UNFPA, dufcado kale oo haween la baray Umuliso-nimadana ay ka soo bixidoonaan Jaamacada Camuud kuliyadeeda Nurse-ka sanadaha soo socda.
Weblinks:
//-->
Web link Exchange
Websites Friends
SONNA http://sonna.net
HALGANKA http://halganka.net
SOMALI-NEWS http://somali-news.com
GAMESINDEX http://gamesindex.co.uk
BINH http://binh.biz
SOMALIINDEX http://somaliindex.co.uk
Qurandownload http://qurandownload.org
AZVOX http://azvox.net
AZVOX http://azvox.com
Webdesigncompany24 http://Webdesigncompany24.com
Webdesign36 http://Webdesign36.com
Webdesiger-nin http://webdesigner-in.co.ukhttp://binh.bizhttp://clouda.co.ukhttp://cmscasts.comhttp://coloindex.nethttp://drupaltraining.bizhttp://games-trailers.co.ukhttp://gamesindex.co.ukhttp://halganka.comhttp://holiday-to.euhttp://holidays-to.comhttp://homesgb.co.ukhttp://internfinder.co.ukhttp://jobslog.co.ukhttp://newsindex.co.ukhttp://quraan.euhttp://qurandownload.orghttp://resor.co.ukhttp://serverburst.co.ukhttp://serverburst.nethttp://shopislam.orghttp://somali-music.nethttp://somali-news.comhttp://somaliindex.co.ukhttp://somaliindex.comhttp://somaliindex.nethttp://somaliindex.co.uk