Hargeysa (Somaliland.Org)- Wasiirka Wasaaradda Macadanta iyo Tamarta Md. Xuseen Cabdi Ducaale, ayaa sheegay in shirkad Shiine laga leeyahay ay heshiis la galeen si ay dalka uga baadho macdan iyo dhuxul-dhagaxa, kaasoo sheegay inay u ballanqaaday in xafiis ganacsi oo xataa fiisayaasha soo saari kara ay Somaliland uga furto dalka Shiinaha.
Md. Xuseen Cabdi Ducaale oo maanta warbaahinta ugu waramay socdaalkiisa uu ugu maqna Shiinaha waxa uu sheegay in ay albaabo badan soo garaaceen, isla markaana shirkado kala duwan oo kuwa shidaalka, macdanta iyo saliida baadha ah la kulmeen si ay Somaliland heshiisyo ula galaan.
“Waxa ugu horreeya oo aan halkan idiinka sheegaya in si rasmi ah in shirkadii barigii dhawayd halkan noogu timi ay noo xaqiijisay inay ballankii ay noo ballanqaaday inay macdan baadh ka samayso dalka Somaliland, macdan baadhkaas oo dhawr weji yeelanay, wejiga ugu horreeya oo noqonaaya macdanta lagu badhaayo qamar-sanaaciga oo lagu ogaanaayo macdanta dalkeena ku jirta iyo meelahay ku kala jiraan, taasi markay dhammaato waxa la sii dabagelaya macdanahaas oo waxay keenayaan injineeradii macdanta oo baadhitaankaas halkaas ka amba qaada oo geli doona baadhitaan rasmi ah.
Shirkaddu waxay macdan-baadhka la kaashanaysa laba kooxood oo Shiine ah , kooxda ugu horraysa waxa la yidhaa China RS oo ah nimanka qamar-sinaaciga Shiinaha masuulka uga ah oo adduunyada waxyaabo badan ka baadha, waxa kale oo ay adeegsanayaan Geological Brue ee Gobolka Yunang oo caan ku ah macdanta, gaar ahaan waaxdooda macdanta oo dalkeena ka shaqayn doona ee inoo imaanaya, waana markii ugu horraysa ee dalka Somaliland aynu ku dhigno macluumaad taam ah oo sugan oo aynu taaban karno oo aynu odhan karno dalkeena waxaasa ku jira, halkaas iyo halkaasaanay ku jiraan,” ayuu yidhi Wasiirka Macdantu.
Wasiirka Macdanta Md. Xuseen Cabdi Ducaale waxa uu xusay in shirkada Shiinaha ah ee dalka dhuxul-dhagaxa ka bilaabi doonta ay xafiis ganacsiga ah Somaliland uga furi doonto dalka Shiinaha si isku xidhka ganacsiga labada dal u hirgalo.
“Shikadadan waxay noo ballanqaaday inay isku xidhka Shiinaha iyo Somaliland ka shaqayn doonto waqtigan laga bilaabo, taasoo ay ku bilaabi doonto inay xafiis tijaari ah inooga furto magaalada caanka ah ee Guanjo oo noqon doona xafiis ganacsi oo xataa saldhig inoo noqon kara si dalka Shiinaha ula macaamilno oo xataa dhici karta in marka dambe ay fiisayaal bixiyaan oo xafiis aynu leenahay oo arrimaha dibada noqda, taasna waxaan jecelahay inaan Wasiirka Arrimaha Dibada uga waramo si uu halkaas uga ambo qaado oo xidhiidhka Shiinaha inaga dhaxeeya u adkaato.
Waxa kale oo shirkadu ballanqaaday inay samaynayso website u khaas ah horumarinta iyo isku-xidhka Somaliland China si shirkadaha Shiinuhu macluumad uga helaan Somaliland oo ugu dhiiradaan inay maalgashi Somaliland ku sameeyaan .”
Wasiirka Macdantu waxa uu tilmaamay in shirkadan oo hore Somaliland u timi ay u ballanqaaday inay marka u horraysta qamar-sinaaci u baadhi doonto dhuxul-dhagaxda, kadibna ay si rasmi ah khubaro u keeni doonto Somaliland si meelaha macdanta laga helo looga soo saaro, waxaannu yidhi; “Shirkadan waxaannu muhiimada hore u saarnay inay nagala shaqayso dhuxul-dhagaxa dalkeena ku jirta oo muddo dheer Wasaaraddu ku hawlanayd sidii aynu macaadanta dhuxul-dhagaxa ula soo bixi lahayd oo maanta hayno shirkadii inoo soo saari lahayd, waana shirkad shaqadeedu tahay soo saarka dhuxul-dhagaxa iyo ka dhalinta korontada, waxaanay fursad noo siisay shirkadu inay na gayso Gobolka Yunang oo ah meesha ay dhuxul-dhagax ka dhaliso oo aanu ka soo duubnay muqaal aanu saxaafada ku fidin doono.
Waxaan filayaa dhuxushaasi markay soo baxdo inay shirkadaasi heshiis la geli doonto dawladda Somaliland siday shirkadaasi koronto uga dhashan lahayd dhuxul dhagaxaaas, waxa kale oo aan isla qaadanay inay safayso oo suntan ka saarto oo dhuxushaasi markay soo baxdo wax lagu karsan karo iyo inaynu dibadaha u dhoofin karno si aynu lacag uga helno, haddii baadhitaankaas dhammadaan oo la xaqiijiyo in dalkeena macadam laga faa’iidaysan karo ku jirto, shirkadu waxay diyaar u tahay inay dawladda heshiis la gasho oo macdantaas ula soo bixi lahayn.”
Somaliland.Org/Hargeysa
Weblinks:
//-->
Web link Exchange
Websites Friends
SONNA http://sonna.net
HALGANKA http://halganka.net
SOMALI-NEWS http://somali-news.com
GAMESINDEX http://gamesindex.co.uk
BINH http://binh.biz
SOMALIINDEX http://somaliindex.co.uk
Qurandownload http://qurandownload.org
AZVOX http://azvox.net
AZVOX http://azvox.com
Webdesigncompany24 http://Webdesigncompany24.com
Webdesign36 http://Webdesign36.com
Webdesiger-nin http://webdesigner-in.co.ukhttp://binh.bizhttp://clouda.co.ukhttp://cmscasts.comhttp://coloindex.nethttp://drupaltraining.bizhttp://games-trailers.co.ukhttp://gamesindex.co.ukhttp://halganka.comhttp://holiday-to.euhttp://holidays-to.comhttp://homesgb.co.ukhttp://internfinder.co.ukhttp://jobslog.co.ukhttp://newsindex.co.ukhttp://quraan.euhttp://qurandownload.orghttp://resor.co.ukhttp://serverburst.co.ukhttp://serverburst.nethttp://shopislam.orghttp://somali-music.nethttp://somali-news.comhttp://somaliindex.co.ukhttp://somaliindex.comhttp://somaliindex.nethttp://somaliindex.co.uk
