Muddo usbuuc ahba, waxa magaalada Hargeysa jooga oday dhaqameedyo u socda in ay la xisaabtamaan dawladda Madaxweyne Siilaanyo. Illaa iyo immigana dadkii ay ka yimaaddeen amma bulshadii ay matalayeen gudo iyo dibadba waxa ay sugi kari la’yihiin jawaabta missionka ay odayadu u socdaan. Laakiin hujuum kii hore, waxa ay muujiyeen geesinnimo, taasi oo ay markhaati ka tahay qoraalka ku cad warqadda ay u gudbiyeen Ahmed Siilaanyo maantii ugu horreysey ee ay kulmeen, kadibna ay saxaafadda u oggolaadeen in ay nashriyaan.
Ka saxaafad ahaanna awdalpress.com waxa ay odayada uga mahadcelinaysaa oggolaashaha ay noo siiyeen in aan soo nashrinno, si ay ugu soo bandhigaan beelaha Somaliland lagu wada tiriyaa ay dawladda u wadaagaan, loona arko xaq iyo xaq darro waxa ay reer Awdal tirsanayaan. Inkasta oo aanay warqaddaa ku qorrayn mashaariicda caalamku siiyo Somaliland inta ay Awdal ka heshay iyo gobolka Gebilay oo dadka garnaqsanayaa ay 60% degaan ku yihiin, laakiin aan warqaddan laguba soo qaadin. Dad badan oo warqadda akhriyeyna waxa ay markiiba dareemeen in laga tegey ;abadaa qodob oo dhaymo aad ah u baahan, oo xuquuq badan la isku duudsiyey. Kadib, markii aan ka daba tagnay ee aan wax iska weydiinnay sababta qoraalka loogu xusi waayey Gebilay ayaan hellay in aanay Salaaddiinta qaar doonayn in la fara geliyo gobolkaasi. Halka arrimaha mashaariicda iyo deeqaha caalamku bixiyaan baadhisteedii lagu guda jiro.
Hase yeeshee, waxa mudan in la isla fahmo xaqdarrada cid walba ka garaabayso ee ka muuqata shaxda shaqaalaha beelaha galbeedku ay kaga jiraan Somaliland iyo xataa sida ay uga qatan yihiin shaqaalaha degaankooda. Taasina maaha mid maanta uun la kowsatay xukuumaddan ama aan hore u jirin oo aan laga hadlin. Balse waa dulmi ay bulshada gobollada Awdal, Salal iyo Gebilay ay la soo noolaayeen muddadii ay Somaliland jirtay. Inkasta oo xilligani ugu sii daran yahay, oo xukuumadda xilligan jirtaa ay gaadhsiisay meeshii ugu darrayd.
Haddaba, odayada oo ka duulaya baahidaa bulshadooda, ayaa waxa khasab ku noqotay:
- In ugu horreyn ay oday dhaqameedyada reer Awdal, Salal iyo Gebilay ay Madaxweyne Ahmed Siilaanyo la hor fadhiistaan qoraalkaasi aan hore u soo dhajinnay ee cid walliba akhrisatay. Jawaab cadna ay ka helaan, oo aanay fara madhnaan la noqon.
- Waa ta labaade, madax dad lagama quustee, waxa iyana qorshohooda ay ku darsadeen in ay la kulmaan siyaasiyiinta iyo waxgaradka ka soo jeeda Awdal, Salal iyo Gebilay ee xilligan u matisha golayaasha qaranka Somaliland, xubnaha ku jira golaha fulinta dawladda iyo muddakarka kale ee Hargeysa jooga.
Muddadaa ay odayadu Hargeysa joogeenna waxa ay marti qaadyo ka heleen siyaasiyiintaa iyo dad kale oo magac ku lahaa dawladihii hore ee Somaliland soo maray oo ka soo jeeda beelaha galbeedka Somaliland. Laakiin marnaba kulammadii ay la wada yeesheen may noqon kuwo warkoodu uu soo gaadho saxaafadda amma suuqa lagaga sheekeeyo. Oday dhaqameedyo kale oo uga soo hor mara kulanka dawladdana dhinac ayey isaga mooseen sida la sheegay. Haddana kolley Hargeysa oo Dhurwaayo badani ku soo urureen ayey joogaanoo, waxan is leehay war iskuguma seeggana iyaga iyo Dhurwaayada oo hawsha ay odayada martida magaalada ku ihi u socdaan way la socdaan.
Odayadu ma qorshay ku soo bexeen mise qorshe la’aan?
Qorshe la’aan meeshaba ha soo dhigin oo haba yaraadee qorshe waa kaasi ay u joogaan Hargeysa, laakiin haddana marka hoos loogu sii dhaadhaco waxa saluug ka muuqdaa, in odayada oo sooc ah uuni soo baxaan, oo soo hor fadhiistaan Madaxweynaha iyo wasiirradiisa, waxanan laga jeclaa in ay aqoon yahanka iyo wax garad kaleba wada tashi ballaadhan oo wada jir wada yeeshaan. Kadibna mission qorshaysan oo aan dhexda ka liicin ku wada yimaaddaan Hargeysa. Waayo, arrintani waa masiirkii ummaddooda, mustaqbalkii ubadkooda, waana dagaal la galo ka ugu culus. Xataa waxan anigu door bidi lahaa, in horta shirkii la sheegayey ee dib loo dhigay uu qabsoomo, oo go’aanka shirkaa ka soo baxaa hoggaamiyo talada beelaha kale wax lagula qaybsanayo.
Dadka qaar ayaa iyagu si weyn uga dayrinaya arrintan ay odayadu kula gar naqsanayaan xukuumadda Siilaanyo, waxana ay hoosta ka xarriiqayaan in qorshuhu yahay mid doca docaysi ah, oo la isku been guurayo amma dano gaar ahi ku hoos jiraan amma odayada qaar uga dan leeyihiin sidii ay xog ogaal ugu noqon lahaayeen systemkan cusub ee Somaliland lagu hoggaamiyo. Oo ay wax ka baranayaan ama siyaasadda soo baro uun ay ka tahay. Haddii uu qorshuhu sidaa danbe yahayna waa danbi iyo godob ay odayada sidaa u fekerayaa ay ummaddooda ka galayaan.
Si kastaba qorshaha ay odayadu u socdaan ha ahaadee, waxa haddana ay markhaati ka yihiin in tolkood uu maanta ugu urursan yahay amma ugu midaysan yahay, qaybahooda bushaduna ay isku aragti ka yihiin baahidooda iyo rabitaankooda. Sidaasi daraaddeedna, ay ceeb ku noqonayso haddii ay fara madhnaan la noqdaan. Dhallinyarta is dul tuulan ee shaqa la’aantu ku habsatayna ay ku qamaami doonaan xafiisyada dawladda iyo shaqaalaha degmooyinkooda ka xoogsada ee looga keenay gobollad kale.
Shacab weynaha ay odayadu u maqan yihiin maxay uga fadhiyaan?
Shaxda shaqaalaha dawladda iyo saamiga ay ku leeyihiin waxa ay shacabka aan ka warqabin tustay dulmiga ay qabaan, ee aan loo adkaysan karin. Qoraalka kalena waxa uu u muujiyey abaalkii ay Somaliland u galeen iyo sida cadawnimada leh ee loogu abaal guday. Iyadoo ay sidaa tahay, haddana waxa ay isku qanciyeen in mar haddii caddayntaaba ay odayadu ku dhiirradeen in ay soo bandhigaan, ay iman karto in waxa qaldan la saxo.
Maxay shacabku odayada uga fadhiyaan:
- In ay ugu horreyn shaxda shaqaalaha ku soo beddelaan mid u cuntanta ummadda reer Awdal.
- In wasiirrada dadka reer Awdal u matala xukuumaddu aanay noqon kuwo u shaqo tegey ama iyaga loo adeegsado.
- In Wasiirrada culayska leh ee lagu ururiyey reerka kaliya ay qaybtooda helaan.
- In deeqda caalamka la soo gaadhsiiyo qaybtooda. Iyada oo laga ilaalinayo dillaaliin iyo shakhsiyaad u adeega dad gaar ah.
Awdalpress
Weblinks:
Web link Exchange
Websites Friends
SONNA http://sonna.net
HALGANKA http://halganka.net
SOMALI-NEWS http://somali-news.com
GAMESINDEX http://gamesindex.co.uk
BINH http://binh.biz
SOMALIINDEX http://somaliindex.co.uk
Qurandownload http://qurandownload.org
AZVOX http://azvox.net
AZVOX http://azvox.com
Webdesigncompany24 http://Webdesigncompany24.com
Webdesign36 http://Webdesign36.com
Webdesiger-nin http://webdesigner-in.co.ukhttp://binh.bizhttp://clouda.co.ukhttp://cmscasts.comhttp://coloindex.nethttp://drupaltraining.bizhttp://games-trailers.co.ukhttp://gamesindex.co.ukhttp://halganka.comhttp://holiday-to.euhttp://holidays-to.comhttp://homesgb.co.ukhttp://internfinder.co.ukhttp://jobslog.co.ukhttp://newsindex.co.ukhttp://quraan.euhttp://qurandownload.orghttp://resor.co.ukhttp://serverburst.co.ukhttp://serverburst.nethttp://shopislam.orghttp://somali-music.nethttp://somali-news.comhttp://somaliindex.co.ukhttp://somaliindex.comhttp://somaliindex.nethttp://somaliindex.co.uk