Imaam Siciid Maxamuud Gahayr (Hargeysaawi)
Waxa la-yaab ah in aan ku arkay cadadkii Wargeyska Dawan ee soo baxay 01dii September ee 2014ka warar iyo dacaayad aad xalaal mooddo oo lagula kacay Murashaxiinta Madaxtooyada ee UCID. Waa Aqoonyahan iyo Hoggaamiye ay Majaajileyste ku sheegeen iyo Waayo-arag Mufakar ah oo ay Soo lug-go’ay leeyihiin. Ma iyaga ayaa haya natiijada codka doorashada?.
Waxa aan ugu horreynta tacsi u dirayaa walaakay Maxamed Cismaan Mire (Sayid) oo ku magacaaban Guddoomiyaha Dawan “anigu waraaqo ayaan daabacaa, ma xil ayaan u hayaa xukuumadda” ayuu yidhi mar la weydiiyay shaqada xun ee ay hayaan. “Ha dunto, aniga waxba igama geline”.
Mar labaadka, aniga oo ka xun waxa aan dhambaal tiiraanyo ah gaadhsiinayaa walaalkay Cumar Maxamed Faarax, Tifaf-tiraha Guud ee Dawan oo fasaxay in la daabaco af-legaaddo qaawan. “Waxan ogahay inaad masuul ahayd. Kollayba nin aan shaqada xor u ahayni waa daw in uu qardoofo kasta fasaxaa”. Walaal Cumar, maad iska casili meeshan arradan? Walaal Sayid ma Idaacaddii Ruwaandda ee Horyaal, baabiinta magacii Cigaal bixiyay ee Maandeeq ayaad tanna noogu dartay.
Tacsida saddexaad waxa aan si kal iyo laab ah ugu gudbinayaa adeerkay Mujaahid Suxufi Wasiir Cukuse. Hore waxa aad u lahayd “warka UCID waxa aan ku qabsaday Sayid iyo Cumar?”. Meel kalena waxa aad lahayd “Yaa iga qabanaya Siciid Maxamuud Gahayr?”. Ma ninkaagan dhoobada walaaqanaya ayaa weliba cabanaya?. Ma kaftanbaa Madaxweyne in loo doortay Professor Cali Khaliif Galaydh? Miyay ciyaarayaan reer Khaatumo? Ma cudud ayaydun ku muquunin, mise caqli ayaa xal ah?
Mar haddii aad milgeha ka tagteen, anna waan xooray dhaqankii. Maanta waxa aan idiinla hadlayaa si qaawan oo aan qurusna la is amaahin. Bal horta waxa aad ila akhridaan dhawrkan sheeko ee la iiga warramay, kuna saaban xilli uu Madaxweyne Mujaahid Guddoomiye Siilaanyo ahaa nin isticmaala waxyaabaha maanka dooriya. Waxa ka dambayn doona saddex sheeko oo idinku saabsan gaar ahaanna dhinaca anshaxa, akhlaaqiyaadka iyo niyad-xumada idinku gedaaman.
Bal horta kuwii Sikhraan Siilaanyo ila eega
Madaxweyne Siilaanyo iyo Maalmihii Maandooriyaha: Miyaad Ii laan-dheeraynaysaan?
Guddoomiyihii SNM ugu muddada dheeraa ayaa waxa u soo galay masuuliyiin ay ka mid yihiin Muuse Biixi Cabdi, Xasan Guure Jaamac, Maxamed Kaahin Axmed iyo nin aanu magaciisa illawnay oo Habar Yoonis, reer Caynaashe ah. Afarta ninba waxa ay ka soo jeedaan beelaha waaweyn ee Somaliland, ee sida gaarka ahna u sii tunka weyn.
Maadaama oo aanay xaaladdiisu ahayn inta uu eegay afarta nin, haybtooda, hummaaggooda iyo malaha hadafkii ay u socdeen oo ku adkaa ayuu ciirciiray. Isaga oo jahawareersan ayuu yidhi “miyaad ii laan-dheeraynaysaan”. Sheekadan waxa iiga warramay mid ka mid ah saddexdaas nin wax yar kaddib 27kii Julaay 2010 oo uu Madaxweyne Siilaanyo xilka la wareegay. “Maxaad haysaa, waadigii KULMIYE u beer-caddaadaye?” Inta aan suaalay ayuu taas iigu warceliyay. Halkii ayaanu qosol isku darnay.
Muslimiintu Ma Dhagaxan ayay Caabudaan: Kacaankii Sikhraansanaa iyo Kabcadii Maka
Saraakiil ka tirsanaa Golihii Kacaanka Soomaaliya iyo dawladdii rajiimka ahayd ee dhacday 1991kii oo ay ka mid yihiin Maxamed Siyaad, Siilaanyo, Wasiirkii Maaliyadda oo reer Puntland ahaa ayaa inta ay ku cabbeen dalka Urdun diyaarad gaar ah u raacay Maka. Judhiiba waxa loo gelbiyay Kabcada si ay cimro iyo xaj midkood u gutaan. Shaw raggu weli saxdii ma aha. Iyaga oo is-illawsan ayuu Xaaji Axmed Maxamed Maxamuud yidhi
“waaryaa hebel”
“hee”
“Muslimiintu ma dhagaxan ayay caabudaan”
“Waar naga aamus yaan lagu maqline”
Wasiir ka tirsan Puntlad oo ka qaaday afka ninkaa maaliyadda hayay ayaa iigu sheegay dalka Jabuuti oo aanu u aadnay afartan-guuradii qoraalka Afka Soomaaliga ooo loo dabbaal-degay 17kii Disember, 2012ka
Imaam Siciid Maxamuud Gahayr (Hargeysaawi)
Akadamiga Suugaanta iyo Cilmi-baadhistasaedmgahair@hotmail.com
Facebook: Aasaasaha Woqooyi New State
Tell: 4428604 TELESOM/ 9169034 SOMTEL
Weblinks:
Web link Exchange
Websites Friends
SONNA http://sonna.net
HALGANKA http://halganka.net
SOMALI-NEWS http://somali-news.com
GAMESINDEX http://gamesindex.co.uk
BINH http://binh.biz
SOMALIINDEX http://somaliindex.co.uk
Qurandownload http://qurandownload.org
AZVOX http://azvox.net
AZVOX http://azvox.com
Webdesigncompany24 http://Webdesigncompany24.com
Webdesign36 http://Webdesign36.com
Webdesiger-nin http://webdesigner-in.co.ukhttp://binh.bizhttp://clouda.co.ukhttp://cmscasts.comhttp://coloindex.nethttp://drupaltraining.bizhttp://games-trailers.co.ukhttp://gamesindex.co.ukhttp://halganka.comhttp://holiday-to.euhttp://holidays-to.comhttp://homesgb.co.ukhttp://internfinder.co.ukhttp://jobslog.co.ukhttp://newsindex.co.ukhttp://quraan.euhttp://qurandownload.orghttp://resor.co.ukhttp://serverburst.co.ukhttp://serverburst.nethttp://shopislam.orghttp://somali-music.nethttp://somali-news.comhttp://somaliindex.co.ukhttp://somaliindex.comhttp://somaliindex.nethttp://somaliindex.co.uk